Amptenare moet opdok vir verliese

Die Staatsdienskommissie (PSC) wil hê regeringsamptenare moet persoonlik aanspreeklik gehou word vir finansiële verliese wat deur blatante nalatigheid veroorsaak word.Dit sluit onregmatige menslikehulpbronnebesluite, swak bestuur en onprofessionele gedrag in. Die kommissie het gewaarsku belastingbetalers betaal die rekening vir duur regsgedinge wat uit administratiewe mislukkings voortspruit.Volgens die PSC se kommissaris Habate Doëses word die regering herhaaldelik hof toe gesleep oor onbehoorlike menslikehulpbronnebesluite, wat hom dwing om openbare fondse en hulpbronne te bestee om geskille op te los wat deur behoorlike leierskap en bestuur vermy kon word.Doëses het tydens gesprekke tussen PSC, die Kavango-Oos-streekraad en rolspelers gesê die kommissie wil Artikel 11 van die staatsfinansieswet gebruik om te verseker amptenare wat verantwoordelik is vir verliese wat die staat gely het, word aanspreeklik gehou. Sy het verwys na “ernstige litigasie teen die regering” weens verkeerde en misplaaste besluite wat tot verliese vir die staat gelei het. Doëses het gesê die regering moet ophou om die finansiële gevolge te dra van besluite wat geneem is deur amptenare wat nie hul verantwoordelikhede behoorlik nagekom het nie.“Hierdie keer sê ons Artikel 11 van die staatsfinansieswet moet toegepas word sodat mense persoonlik aanspreeklik gehou sal word vir die verliese vir die staat,” het sy gesê.Artikel 11 van die wet maak voorsiening vir rekenpligtige beamptes of die tesourie om individue te beveel om die staat terug te betaal vir verliese, skade of vrugtelose uitgawes wat voortspruit uit die versuim om hul pligte behoorlik uit te voer. Waar betaling nie binne 30 dae geskied nie, kan die bedrag, afhangende van die omstandighede, deur middel van salarisaftrekkings of regstappe verhaal word. Doëses het ook die behoefte aan verantwoordelike finansiële bestuur beklemtoon en gesê staatsbesteding aan salarisse en bedryfskoste maak dit noodsaaklik om te verseker dat openbare fondse doeltreffend aangewend word.“Ons kan dus slegs leierskap bied en verseker daar is waarde vir geld en opbrengs vir die regering,” het sy gesê.Die voorsitter van PSC, ambassadeur Patrick Nandago, het gesê die betrokkenheid van rolspelers het gevolg op kommer wat geopper is tydens ’n menslikehulpbronnekonferensie. Die konferensie is deur senior mensehulpbronnepersoneel en bestuurders van ministeries en streekkantore oraloor die land bygewoon.Besprekings het uitdagings op beide ministeriële en streekvlak uitgelig. Dit het die kommissie aangespoor om openbare instellings direk oor die onderskeie rolle en verantwoordelikhede van politieke leiers en staatsdiensbestuurders te betrek.“Ons het besluit om te onderneem om die funksies, die verantwoordelikheid, die rol van die politieke leiers en die rol van die bestuurders te verduidelik,” het Nandago gesê.Volgens hom was die gesprekke daarop gemik om samewerking te versterk en te verseker dat amptenare die grense van hul onderskeie verantwoordelikhede verstaan.Nandago het gesê die kommissie het ook gepoog om werwingsprosesse te verbeter en te verseker dat sy besluite behoorlik oor regeringsinstellings geïmplementeer word.Tydens die gesprekke het ’n raadslid vir die Rundu Landelike-kiesafdeling, Paulus Mbangu, die voorstel verwelkom om individue persoonlik aanspreeklik te hou vir verliese wat die staat gely het. Hy het gesê dat rade soms koste moet dek wat uit nalatigheid voortspruit. Hy het ook verwys na die vertragings in die werwingsproses binne die staatsdiens, wat insluit die tyd wat dit neem om aanstellings ná onderhoude af te handel. Mbangu wou weet of die regering voldoende stelsels en kapasiteit het om vakante poste na te spoor. – eliot@nmh-hub.com.na

Amptenare moet opdok vir verliese

Kommentaar

Republikein 2026-10-20

Meld asseblief aan om kommentaar te lewer

Amptenare moet opdok vir verliese

Kommentaar

Republikein 2026-10-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.