WFP kort byna N$70 m. vir stryd teen honger

Terwyl Namibië ’n toenemende voedselonsekerheidskrisis in die gesig staar, het die Wêreldvoedselprogram (WFP) sy bedrywighede verskerp en sowat US$3,9 miljoen (meer as N$69 miljoen) se finansiering vir die tydperk vanaf Augustus 2024 tot Januarie 2025 gesoek.Volgens die kantoor van die eerste minister is daar sowat 1,4 miljoen mense wat voedselonsekerheid oraloor Namibië trotseer en die erns en omvang van akute voedselonsekerheid in die land het sedert 2019 voortdurend toegeneem. Namibië het ook ’n skerp toename in wanvoedingsterftes onder kinders gesien met die Omahekestreek wat sedert die begin van vanjaar 26 sterftes van kinders aangemeld het wat aan wanvoeding gesterf het, terwyl 300 kinders met wanvoeding by klinieke aangemeld is.BYSTANDDie WFP het reeds 12 442 Namibiërs gedurende Mei 2024 bygestaan, ??met maaltye wat aan sowat 10 985 skoolkinders verskaf is. Sy projekte vir geïntegreerde gemeenskapsgebaseerde voedselstelsels het glo ook sowat 1 457 individue bevoordeel.“Namibië worstel met aanhoudende uitdagings van verdwerging en vermorsing, wat voortspruit uit verskeie faktore verbonde aan ondervoeding. “'n Sleutelbydraer tot hierdie kwessie is suboptimale voedingspraktyke vir babas en jong kinders (IYCF) wat beide borsvoeding en aanvullende voeding insluit. “Om hierdie ingewikkelde probleem te takel, het die WFP ’n vennootskap met die Advanced Community Health Care Services Namibia (CoHeNa) aangegaan om ’n ontleding in die Hardapstreek uit te voer. “Dié studie het ten doel gehad om die huidige kennis, houdings en praktyke (KAP) wat met voeding verband hou onder drie kwesbare groepe te evalueer, naamlik mense wat met MIV/TB leef, swanger en borsvoedende vroue en die versorgers van kinders onder vyf jaar,” het die WFP se bulletin vir Julie 2024 uitgelig. Dit het verder daarop gewys dat die WFP, kragtens Namibië se strategiese plan (CSP) van 2017–’24, gefokus het op die verskaffing van voedselhulp, terwyl dit ook die regering se kapasiteit versterk om doeltreffende beleide en praktyke te implementeer. ’n Nuwe strategiese uitkoms wat by die CSP gevoeg is, het ten doel om voedselstelsels te versterk en die produksievermoë van kleinboere te verbeter.– republikein@republikein.com.na

WFP kort byna N$70 m. vir stryd teen honger

Kommentaar

Republikein 2025-12-19

Meld asseblief aan om kommentaar te lewer

WFP kort byna N$70 m. vir stryd teen honger

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.