Wanvoeding eis 45 kinderlewens
Omahekestreek beleef ’n krisis
Die streek se goewerneur het 'n taakspan aangestel nadat 'n kind elke vier dae oor die afgelope ses maande aan wanvoeding dood is.
Tanja Kipke – “Die armstes onder ons betaal tans ’n duur prys.”
So het Basilius Kasera, ’n dosent in godsdiens, filosofie en toegepaste etiek aan die Universiteit van Namibië (Unam), Vrydag in ’n mediaverklaring gesê.
Hy het gereageer op die statistiek dat 45 kinders reeds tussen Januarie en Junie vanjaar in die Omahekestreek weens akute wanvoeding gesterf het.
Volgens die streek se gesondheidsdirekteur, Jeremia Shikula, is 132 kinders met wanvoeding in dié tydperk in verskeie fasiliteite opgeneem.
“Sestien van die kinders was al voorheen om dieselfde rede by die fasiliteite en 45 het gesterf.”
Wanvoeding het verskeie oorsake, soos onder meer ’n gebrek aan noodsaaklike voedingstowwe of ’n swak opname van voedingstowwe.
Pijoo Nganate, die goewerneur van die streek, het sy kommer oor die sterftes uitgespreek.
Hy het verlede Woensdag op Gobabis gepraat en gesê “hierdie katastrofiese situasie vereis ’n multisektorale en volhoubare benadering.”
Hy het intussen ’n taakspan aangestel om die situasie te ondersoek.
“My droom is ’n gemeenskap waar geen kind moet wonder waar sy of haar volgende maaltyd vandaan sal kom nie.”
Ook verskeie bestaande sopkombuise – waar die kinders gratis kos kan kry – help om wanvoeding te bekamp.
Mike Kavekotora, ’n parlementariër van die Rally for Democracy and Progress (RDP), het gesê hy is geskok dat mense in Namibië nog van honger en wanvoeding doodgaan.
“Ons moet begin om ondersoek in te stel oor hoekom die meerderheid van Namibiërs in so ’n ryk land in armoede leef.
“Terwyl Namibiërs van honger sterf, is daar diegene wat vir ’n grondwetlike verbod vra op die verbruik van hondevleis.”
Kasera, ’n dosent in godsdiens, filosofie en toegepaste etiek aan die Unam, het Vrydag ook in ’n mediaverklaring kommentaar oor die sterftes gelewer.
Kasera het ook gesê: “Dit is hartseer en dien as ’n bewys van ons regering se wreedheid.”
Hy het die regering se versuim om basiese menseregte te waarborg, veroordeel.
“Dit wys die omvang van sosioëkonomiese ongelykheid en ’n gebrek om die belange van die minderbevoorregtes – veral kinders – te prioritiseer,” lui die verklaring.
Die afgelope ses maande het ’n kind elke vier dae weens wanvoeding in die streek gesterf.
Om hierdie rede speel burgerlike organisasies volgens Kasera ’n deurslaggewende rol om radikale politieke veranderinge te weeg te bring. Druk moet op die regering geplaas word. Maatreëls en programme om armoede te verlig, moet geïmplementeer word en wanvoeding moet doeltreffend bekamp word.
– [email protected]
So het Basilius Kasera, ’n dosent in godsdiens, filosofie en toegepaste etiek aan die Universiteit van Namibië (Unam), Vrydag in ’n mediaverklaring gesê.
Hy het gereageer op die statistiek dat 45 kinders reeds tussen Januarie en Junie vanjaar in die Omahekestreek weens akute wanvoeding gesterf het.
Volgens die streek se gesondheidsdirekteur, Jeremia Shikula, is 132 kinders met wanvoeding in dié tydperk in verskeie fasiliteite opgeneem.
“Sestien van die kinders was al voorheen om dieselfde rede by die fasiliteite en 45 het gesterf.”
Wanvoeding het verskeie oorsake, soos onder meer ’n gebrek aan noodsaaklike voedingstowwe of ’n swak opname van voedingstowwe.
Pijoo Nganate, die goewerneur van die streek, het sy kommer oor die sterftes uitgespreek.
Hy het verlede Woensdag op Gobabis gepraat en gesê “hierdie katastrofiese situasie vereis ’n multisektorale en volhoubare benadering.”
Hy het intussen ’n taakspan aangestel om die situasie te ondersoek.
“My droom is ’n gemeenskap waar geen kind moet wonder waar sy of haar volgende maaltyd vandaan sal kom nie.”
Ook verskeie bestaande sopkombuise – waar die kinders gratis kos kan kry – help om wanvoeding te bekamp.
Mike Kavekotora, ’n parlementariër van die Rally for Democracy and Progress (RDP), het gesê hy is geskok dat mense in Namibië nog van honger en wanvoeding doodgaan.
“Ons moet begin om ondersoek in te stel oor hoekom die meerderheid van Namibiërs in so ’n ryk land in armoede leef.
“Terwyl Namibiërs van honger sterf, is daar diegene wat vir ’n grondwetlike verbod vra op die verbruik van hondevleis.”
Kasera, ’n dosent in godsdiens, filosofie en toegepaste etiek aan die Unam, het Vrydag ook in ’n mediaverklaring kommentaar oor die sterftes gelewer.
Kasera het ook gesê: “Dit is hartseer en dien as ’n bewys van ons regering se wreedheid.”
Hy het die regering se versuim om basiese menseregte te waarborg, veroordeel.
“Dit wys die omvang van sosioëkonomiese ongelykheid en ’n gebrek om die belange van die minderbevoorregtes – veral kinders – te prioritiseer,” lui die verklaring.
Die afgelope ses maande het ’n kind elke vier dae weens wanvoeding in die streek gesterf.
Om hierdie rede speel burgerlike organisasies volgens Kasera ’n deurslaggewende rol om radikale politieke veranderinge te weeg te bring. Druk moet op die regering geplaas word. Maatreëls en programme om armoede te verlig, moet geïmplementeer word en wanvoeding moet doeltreffend bekamp word.
– [email protected]
Kommentaar
Republikein
Geen kommentaar is op hierdie artikel gelaat nie