FNB Namibia skenk N$150 000 aan vloedgemeenskappe

First National Bank (FNB) Namibia het gister N$150 000 geskenk om gemeenskappe in die Noorde by te staan wat deur die onlangse verwoestende vloede geraak is. Die gemeenskappe is verontrief, ontheem en het eiendom verloor. Die bank se Oshana-areabestuurder Abongile Mpikwa het verduidelik die gemeenskappe is direk gehelp met die voorsiening van voedsel, sanitêre items en muskietnette. Die drie geraakte streke, Oshana, Omusati en Ohangwena ontvang N$50 000 elk. "Die skenking is nie net 'n voedselpakkie nie, dis 'n boodskap van medelye, solidariteit en hoop, het die goewerneur van Oshana, Elia Irimari, gesê. Foto Tuyeimo Haidula