Etosha-brand nog nie geblus
Die ministerie van die omgewing, bosbou en toerisme het vanoggend gesê alle pogings word steeds aangewend om die verwoestende brand in die Etosha Nasionale Park te beheer en te blus.
“Ons het daarin geslaag om die brand in die Renostervlei-blok omstreeks 03:00 onder beheer te bring. Voorbrande rondom Olifantsrus is ook suksesvol voltooi, wat verdere verspreiding in daardie gebied voorkom het,” het die woordvoerder van die ministerie, Ndeshipanda Hamunyela, in ’n WhatsApp-boodskap gesê.
Sy het bevestig tans is ’n toegewyde span na Dolomite ontplooi om die situasie noukeurig te monitor, “aangesien die brand oos van Dolomite aktief bly en stadig weswaarts beweeg”.
Tot dusver is volgens die ministerie geen wildvrektes bevestig nie.
CAoN BEKOMMERD
Intussen het die Houtskoolvereniging van Namibië (CAoN) hul kommer uitgespreek oor die brand in Etosha, veral “dubbele standaarde” rakende brandvoorkomingregulasies.
CAoN sê in ’n verklaring dit het in vennootskap met die direktoraat van bosbou in die ministerie van die omgewing, bosbou en toerisme (MEFT) maatreëls soos beheerde brande en brandpaaie bevorder.
“Dit is belangrik dat geen brand die afgelope drie jaar uit CAoN-lidbedrywighede ontstaan het nie. Tog word die houtskoolsektor dikwels in openbare verklarings uitgesonder, al begin die meeste brande buite die CAoN-lidmaatskap” en verwys na MEFT se verklaring Woensdag dat die brand vermoedelik weens kolebrandbedrywighede op ’n buurplaas aan die suidwestelike kant van Etosha begin het.
Die brand het Maandagaand glo op die hervestigingsplaas Helaas ontstaan en sedertdien vernietiging oor buurplase en in Etosha veroorsaak. Die brand het intussen tot aan die noordekant van Etosha versprei.
“CAoN merk egter op dat dieselfde ywer nie altyd oor die breër landbousektor toegepas word nie” en noem as voorbeeld dat brandpaaie na bewering nie deur bosbou by die plaas Helaas geïmplementeer is nie, waar die Etosha-brand begin het.
“CAoN-lede sou nie permitte ontvang sonder sodanige voldoening nie.”
CAoN sê hulle is ernstig bekommerd oor brandvoorbereiding binne Etosha, wat onder die direktoraat van wildlewe en nasionale parke (DWNP) binne MEFT val: “Boere word vereis om aan ministeriële voorskrifte te voldoen, maar dieselfde standaarde blyk afwesig te wees aan die kant van die park. As bewaarder van een van die wêreld se unieke natuurreservate, dra MEFT deur die DWNP verantwoordelikheid vir doeltreffende brandvoorkoming.”
- [email protected]
“Ons het daarin geslaag om die brand in die Renostervlei-blok omstreeks 03:00 onder beheer te bring. Voorbrande rondom Olifantsrus is ook suksesvol voltooi, wat verdere verspreiding in daardie gebied voorkom het,” het die woordvoerder van die ministerie, Ndeshipanda Hamunyela, in ’n WhatsApp-boodskap gesê.
Sy het bevestig tans is ’n toegewyde span na Dolomite ontplooi om die situasie noukeurig te monitor, “aangesien die brand oos van Dolomite aktief bly en stadig weswaarts beweeg”.
Tot dusver is volgens die ministerie geen wildvrektes bevestig nie.
CAoN BEKOMMERD
Intussen het die Houtskoolvereniging van Namibië (CAoN) hul kommer uitgespreek oor die brand in Etosha, veral “dubbele standaarde” rakende brandvoorkomingregulasies.
CAoN sê in ’n verklaring dit het in vennootskap met die direktoraat van bosbou in die ministerie van die omgewing, bosbou en toerisme (MEFT) maatreëls soos beheerde brande en brandpaaie bevorder.
“Dit is belangrik dat geen brand die afgelope drie jaar uit CAoN-lidbedrywighede ontstaan het nie. Tog word die houtskoolsektor dikwels in openbare verklarings uitgesonder, al begin die meeste brande buite die CAoN-lidmaatskap” en verwys na MEFT se verklaring Woensdag dat die brand vermoedelik weens kolebrandbedrywighede op ’n buurplaas aan die suidwestelike kant van Etosha begin het.
Die brand het Maandagaand glo op die hervestigingsplaas Helaas ontstaan en sedertdien vernietiging oor buurplase en in Etosha veroorsaak. Die brand het intussen tot aan die noordekant van Etosha versprei.
“CAoN merk egter op dat dieselfde ywer nie altyd oor die breër landbousektor toegepas word nie” en noem as voorbeeld dat brandpaaie na bewering nie deur bosbou by die plaas Helaas geïmplementeer is nie, waar die Etosha-brand begin het.
“CAoN-lede sou nie permitte ontvang sonder sodanige voldoening nie.”
CAoN sê hulle is ernstig bekommerd oor brandvoorbereiding binne Etosha, wat onder die direktoraat van wildlewe en nasionale parke (DWNP) binne MEFT val: “Boere word vereis om aan ministeriële voorskrifte te voldoen, maar dieselfde standaarde blyk afwesig te wees aan die kant van die park. As bewaarder van een van die wêreld se unieke natuurreservate, dra MEFT deur die DWNP verantwoordelikheid vir doeltreffende brandvoorkoming.”
- [email protected]
Kommentaar
Republikein
Geen kommentaar is op hierdie artikel gelaat nie