Droogtehulpprogram van N$1,8 mjd. eindig
Sowat 400 000 huishoudings het daarby gebaat
'n Totaal van 71 olifante is in agt streke geskiet wat ongeveer 142 000 kg vleis opgelewer het, terwyl ander wildspesies (blouwildebeeste, elande, vlaktesebras, impalas, buffels en seekoeie) ook volhoubaar in die nasionale parke van Mangetti, Mahango, Kwando en Buffalo Bwabwata uitgedun is.
Namibië se grootste droogtehulpprogram tot nog toe, wat N$1,86 miljard beloop, het amptelik tot ’n einde gekom.
Die eerste minister, dr. Elijah Ngurare, het verlede week aan die Nasionale Vergadering gesê die program word uitgefaseer weens verbeterde reënval en oeste oraloor die land, wat voedsel- en weidingsekerheid in die meeste streke herstel het.
“Die 2024-’25-droogtehulpprogram word hiermee amptelik afgelas,” het Ngurare verklaar.
“Gegewe die gunstige reënval wat ontvang is en verbeterde weidingstoestande, word huishoudings nou voldoende onderhou tot die volgende oesseisoen.”
Die program, wat in Julie 2024 van stapel gestuur is ná die voormalige president Nangolo Mbumba ’n noodtoestand verklaar het, was daarop gemik om die impak van die ergste droogte in die onlangse Namibiese geskiedenis te versag.
Dit het 384 935 huishoudings bereik, gelykstaande aan 1,4 miljoen mense in al 14 streke.
Regeringsteun het maandelikse voedselmandjies, verspreiding van bees- en wildsvleis, veesubsidies, saad- en tuinbouvoorsiening en die boor van boorgate ingesluit. Volgens Ngurare het die grootste deel van die N$1,47 miljard na voedselbystand gegaan, terwyl die res logistieke uitdagings, veesubsidies, waterprojekte en landbou-insette ondersteun het.
Ten spyte van vroeë logistieke uitdagings soos vertragings in voedsellewering en vervoertekorte, het Ngurare gesê die regering, streekrade en ontwikkelingsvennote “bly verbind om te verseker dat bystand die kwesbaarste huishoudings bereik”.
Nie alles het egter vlot verloop nie. Ses voorvalle van voedseldiefstal is in die streke van Oshikoto, Otjozondjupa, Ohangwena, Kavango-Wes en Zambezi aangemeld wat tans deur die Namibiese polisie ondersoek word.
“Ons het streng maatreëls ingestel en enige oortreding is na die owerhede verwys,” het die eerste minister verlede week verduidelik.
TOPBEGUNSTIGDES
Volgens amptelike data was huishoudings van die streke Ohangwena, Omaheke, Omusati, Kavango-Oos- en -Wes van die grootste begunstigdes van die droogteverligtingspoging, beide in terme van die aantal huishoudings wat ondersteun is en eise wat onder die veesubsidieprogram betaal is.
Die Omahekestreek alleen het 9 507 eise onder die veeondersteuningskema ingedien, die hoogste aantal landswyd, met ’n totaal van N$39 miljoen.
Dit het ondersteuning vir die verkoop van vee, aankoop van voer, huur van weidingsgrond en vervoer ingesluit.
Ohangwena het die hoogste aantal huishoudings aangeteken wat deur voedselbystand ondersteun is, met 48 761, gevolg deur Omusati met 46 920 en Kavango-Oos met 45 969. Kavango-Wes het 32 925 huishoudings bygestaan, terwyl 28 485 huishoudings in die Oshikotostreek ondersteuning ontvang het.
“Hierdie syfers weerspieël die harde werklikhede waarmee gemeenskappe op die grond te kampe gehad het,” het Ngurare gesê.
“Dit was noodsaaklik dat ons reaksie ooreenstem met die omvang van die krisis.”
VLEISVERSPREIDING
In ’n poging om vars vleis te verskaf, het die regering bevrore beesvleis deur Meatco versprei en wild geskiet as deel van uitdunning onder leiding van die ministerie van die omgewing, bosbou en toerisme.
’n Totaal van 71 olifante is in agt streke geskiet wat ongeveer 142 000 kg vleis opgelewer het, terwyl ander wildspesies (blouwildebeeste, elande, vlaktesebras, impalas, buffels en seekoeie) ook volhoubaar in die nasionale parke van Mangetti, Mahango, Kwando en Buffalo Bwabwata uitgedun is. Altesaam 157 550 kg wildsvleis is in pakkies van 1,5 kg slegs aan gemeenskappe van Zambezi en Kavango-Oos en -Wes weens veeartsenyprotokol versprei.
“Proteïenvoorsiening was noodsaaklik. Dit het ons toegelaat om die voedselmandjie te diversifiseer en die afhanklikheid van ingevoerde voorrade te verminder terwyl kommunale boere ondersteun word om droogtegeteisterde vee af te laai,” het Ngurare gesê.
Die droogteverligtingsprogram het die implementering van die kommoditeits- en begunstigdebestuurs-inligtingstelsel (CBMIS) gesien, ’n digitale koepongebaseerde stelsel wat begunstigdes toegelaat het om voedselitems by gekontrakteerde klein besighede in te ruil.
Die stelsel, wat in nege streke operasioneel is, het meer as 144 000 terugkooptransaksies vanaf April tot Junie vanjaar deur 493 gekontrakteerde kleinhandelaars gefasiliteer.
“Hierdie digitale innovasie het doeltreffendheid verbeter, misbruik verminder en verseker dat hulp op die regte tyd in die regte hande beland het,” het Ngurare bygevoeg.
INTERNASIONALE BYSTAND
Die kantoor van die eerste minister het ook die bydraes van meer as N$160 miljoen van internasionale skenkers erken, onder meer China, Katar, Indië, Algerië en Maleisië, sowel as die Europese Unie.
Kontant- en voedselpakkies is geskenk, terwyl N$26 miljoen deur ontwikkelingsvennote soos die Wêreldvoedselprogram en die Namibiese Rooikruisvereniging gekanaliseer is.
Met verbeterde oesopbrengste en beskikbaarheid van weiding beplan die regering nou om na langtermyn-veerkragtigheidsbou oor te skakel. Dit sluit in die boor van bykomende boorgate, belegging in waterinfrastruktuur soos die pypleiding tussen Omuntele en Ondangwa en Ohamaremba en Okanguati, asook die bevordering van landboudiversifikasie.
“Namibië moet van krisisbestuur na veerkragtigheid oorskakel,” het Ngurare beklemtoon.
“Dit sal gekoördineerde belegging in infrastruktuur, vroeë waarskuwingstelsels en gemeenskapsvoorbereiding vereis.”
Die finale voedselverspreiding om die oorblywende agterstande op te klaar, sal na verwagting teen 31 Augustus voltooi wees.
– [email protected]
Die eerste minister, dr. Elijah Ngurare, het verlede week aan die Nasionale Vergadering gesê die program word uitgefaseer weens verbeterde reënval en oeste oraloor die land, wat voedsel- en weidingsekerheid in die meeste streke herstel het.
“Die 2024-’25-droogtehulpprogram word hiermee amptelik afgelas,” het Ngurare verklaar.
“Gegewe die gunstige reënval wat ontvang is en verbeterde weidingstoestande, word huishoudings nou voldoende onderhou tot die volgende oesseisoen.”
Die program, wat in Julie 2024 van stapel gestuur is ná die voormalige president Nangolo Mbumba ’n noodtoestand verklaar het, was daarop gemik om die impak van die ergste droogte in die onlangse Namibiese geskiedenis te versag.
Dit het 384 935 huishoudings bereik, gelykstaande aan 1,4 miljoen mense in al 14 streke.
Regeringsteun het maandelikse voedselmandjies, verspreiding van bees- en wildsvleis, veesubsidies, saad- en tuinbouvoorsiening en die boor van boorgate ingesluit. Volgens Ngurare het die grootste deel van die N$1,47 miljard na voedselbystand gegaan, terwyl die res logistieke uitdagings, veesubsidies, waterprojekte en landbou-insette ondersteun het.
Ten spyte van vroeë logistieke uitdagings soos vertragings in voedsellewering en vervoertekorte, het Ngurare gesê die regering, streekrade en ontwikkelingsvennote “bly verbind om te verseker dat bystand die kwesbaarste huishoudings bereik”.
Nie alles het egter vlot verloop nie. Ses voorvalle van voedseldiefstal is in die streke van Oshikoto, Otjozondjupa, Ohangwena, Kavango-Wes en Zambezi aangemeld wat tans deur die Namibiese polisie ondersoek word.
“Ons het streng maatreëls ingestel en enige oortreding is na die owerhede verwys,” het die eerste minister verlede week verduidelik.
TOPBEGUNSTIGDES
Volgens amptelike data was huishoudings van die streke Ohangwena, Omaheke, Omusati, Kavango-Oos- en -Wes van die grootste begunstigdes van die droogteverligtingspoging, beide in terme van die aantal huishoudings wat ondersteun is en eise wat onder die veesubsidieprogram betaal is.
Die Omahekestreek alleen het 9 507 eise onder die veeondersteuningskema ingedien, die hoogste aantal landswyd, met ’n totaal van N$39 miljoen.
Dit het ondersteuning vir die verkoop van vee, aankoop van voer, huur van weidingsgrond en vervoer ingesluit.
Ohangwena het die hoogste aantal huishoudings aangeteken wat deur voedselbystand ondersteun is, met 48 761, gevolg deur Omusati met 46 920 en Kavango-Oos met 45 969. Kavango-Wes het 32 925 huishoudings bygestaan, terwyl 28 485 huishoudings in die Oshikotostreek ondersteuning ontvang het.
“Hierdie syfers weerspieël die harde werklikhede waarmee gemeenskappe op die grond te kampe gehad het,” het Ngurare gesê.
“Dit was noodsaaklik dat ons reaksie ooreenstem met die omvang van die krisis.”
VLEISVERSPREIDING
In ’n poging om vars vleis te verskaf, het die regering bevrore beesvleis deur Meatco versprei en wild geskiet as deel van uitdunning onder leiding van die ministerie van die omgewing, bosbou en toerisme.
’n Totaal van 71 olifante is in agt streke geskiet wat ongeveer 142 000 kg vleis opgelewer het, terwyl ander wildspesies (blouwildebeeste, elande, vlaktesebras, impalas, buffels en seekoeie) ook volhoubaar in die nasionale parke van Mangetti, Mahango, Kwando en Buffalo Bwabwata uitgedun is. Altesaam 157 550 kg wildsvleis is in pakkies van 1,5 kg slegs aan gemeenskappe van Zambezi en Kavango-Oos en -Wes weens veeartsenyprotokol versprei.
“Proteïenvoorsiening was noodsaaklik. Dit het ons toegelaat om die voedselmandjie te diversifiseer en die afhanklikheid van ingevoerde voorrade te verminder terwyl kommunale boere ondersteun word om droogtegeteisterde vee af te laai,” het Ngurare gesê.
Die droogteverligtingsprogram het die implementering van die kommoditeits- en begunstigdebestuurs-inligtingstelsel (CBMIS) gesien, ’n digitale koepongebaseerde stelsel wat begunstigdes toegelaat het om voedselitems by gekontrakteerde klein besighede in te ruil.
Die stelsel, wat in nege streke operasioneel is, het meer as 144 000 terugkooptransaksies vanaf April tot Junie vanjaar deur 493 gekontrakteerde kleinhandelaars gefasiliteer.
“Hierdie digitale innovasie het doeltreffendheid verbeter, misbruik verminder en verseker dat hulp op die regte tyd in die regte hande beland het,” het Ngurare bygevoeg.
INTERNASIONALE BYSTAND
Die kantoor van die eerste minister het ook die bydraes van meer as N$160 miljoen van internasionale skenkers erken, onder meer China, Katar, Indië, Algerië en Maleisië, sowel as die Europese Unie.
Kontant- en voedselpakkies is geskenk, terwyl N$26 miljoen deur ontwikkelingsvennote soos die Wêreldvoedselprogram en die Namibiese Rooikruisvereniging gekanaliseer is.
Met verbeterde oesopbrengste en beskikbaarheid van weiding beplan die regering nou om na langtermyn-veerkragtigheidsbou oor te skakel. Dit sluit in die boor van bykomende boorgate, belegging in waterinfrastruktuur soos die pypleiding tussen Omuntele en Ondangwa en Ohamaremba en Okanguati, asook die bevordering van landboudiversifikasie.
“Namibië moet van krisisbestuur na veerkragtigheid oorskakel,” het Ngurare beklemtoon.
“Dit sal gekoördineerde belegging in infrastruktuur, vroeë waarskuwingstelsels en gemeenskapsvoorbereiding vereis.”
Die finale voedselverspreiding om die oorblywende agterstande op te klaar, sal na verwagting teen 31 Augustus voltooi wees.
– [email protected]
Kommentaar
Republikein
Geen kommentaar is op hierdie artikel gelaat nie