Tussenverkiesings om die draai

Die Verkiesingskommissie van Namibië (ECN) hou vyf tussenverkiesings op Dinsdag 17 Junie 2025 op Grootfontein, Kamanjab, Otjiwarongo, Sesfontein en in die Kabbe-suid-kiesafdeling suid van Katima Mulilo. Die ECN is tans besig om ongeveer 850 verkiesingsbeamptes tot Saterdag op Grootfontein, Otjiwarongo, Kamanjab en Katima Mulilo vir die Kabbe-suid-verkiesing op te lei, tesame met opleiding op Opuwo vir die Sesfontein-verkiesing.Beamptes word opgelei in verkiesingswetgewing en -regulasies, hul verantwoordelikhede tydens die komende verkiesings, die toepaslike vorms wat gebruik moet word, vaardighede om kiesers tydens die verkiesings by te staan, die gebruik van kieserverifikasietoestelle, die oplaai en aanstuur van uitslae, die sluiting van stemlokale ná die verkiesingsproses en hoe om geskille en uitdagings te hanteer.Kiesers word aangemoedig om aan die verkiesings in hul onderskeie kiesafdelings deel te neem, volgens ’n onlangse verklaring van die ECN se woordvoerder, De Wet Siluka.Siluka het egter by navraag bevestig dat die suksesvolle kandidate slegs in hul posisies sal dien tot die komende nasionale streekraad- en plaaslike owerheidsverkiesings.Soos die Speaker, Saara Kuugongelwa-Amadhila, tydens die regverdiging van die ECN se jaarlikse begroting in April uitgebrei het, moet tussenverkiesings binne drie maande nadat ’n setel in ’n streekraad vakant geword het, gehou word. Dis ingevolge die wet op Namibiese streekrade.Siluka sê die aankondiging van vanjaar se datums vir die nasionale verkiesingsveldtog, met betrekking tot streekrade en plaaslike owerhede, kan rondom 24 Junie verwag word.Een verskil tussen die streekraadsverkiesings, in vergelyking met die parlementêre verkiesings wat verlede jaar gehou is, is dat kiesers direk vir kandidate kan stem, in teenstelling met die gebruik van politieke partylyste.Kiesers stem ook slegs in die kiesafdelings waar hulle geregistreer is. Partylyste geld steeds in plaaslike owerheidsverkiesings. – augetto@nmh-hub.com.na

Tussenverkiesings om die draai

Kommentaar

Republikein 2025-11-03

Meld asseblief aan om kommentaar te lewer

Tussenverkiesings om die draai

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.