Tradisionele owerheid besoek Staatshuis

Die ontwikkelaars van die Daures Green Hydrogen Village in die hartjie van die Tsiseb-bewaringsgebied – onder die jurisdiksie van die Daure Daman Tradisionele Owerheid – het president Nangolo Mbumba tydens &#039;n besoek vandeesweek aan Staatshuis op hoogte gebring van hul vordering.Zacharias Seibeb, die hoofman van dié tradisionele owerheid, is vergesel deur Jerome Namaseb, die uitvoerende hoof, asook verskeie jongmense wat by die projek betrokke is.Namaseb het tydens sy voorlegging uitgebrei oor bouwerk vir fase een van die projek, wat reeds 85% voltooi is.Hy het ook uitgebrei oor hoe die 12,2 miljoen Britse pond, wat vir die projek geskenk is, aangewend gaan word.Namaseb sê die produksie van die eerste 18 ton waterstof en 100 ton groen ammoniak behoort reeds teen Julie vanjaar te begin.Dit sal voltydse werksgeleenthede vir tussen 20 en 30 werknemers skep. Tydens die bouproses word 201 werkers in diens geneem, insluitend meer as 80 van die Daures-kiesafdeling, wat al jare lank met werkloosheid sukkel.Ook verskaf 23 klein besighede, insluitend sewe van die kiesafdeling, dienste en produkte vir die projek. Namaseb sê sowat 77% van die projek se werknemers is jongmense.Die Universiteit van Namibië (Unam) in samewerking met die Universiteit van Stuttgart is tans by die ontwikkeling besig met navorsing oor onder meer die sosioëkonomiese impak en die gebruik van waterstof en verwante produkte.Tydens die eerste fase van die projek sal sonkrag op die perseel ongeveer 0,74 megawatt opwek om die 0,25 megawatt-elektroliseerder aan te dryf.Die elektroliseerder behoort teen einde vandeesmaand na Namibië verskeep te word waar dit na verwagting teen Junie geïnstalleer sal word.Die ammoniak-sintetiseerder word ook binnekort verwag.Dit sal boorgatwater skei om waterstof en suurstof te produseer. Met swaelsuur van die smelter op Tsumeb beplan die Daures Green Hydrogen Village-projek om kunsmis in kombinasie met die ammoniak te vervaardig.Volgens Namaseb is navorsing en sakeplanne vir die kunsmisproduksie reeds voltooi om in tot 30% van die plaaslike vraag van Daures te kan voorsien.Verder is ooreenkomste reeds met Amta en Agribusdev gesluit. Verdere finansiering van die projek tot industriële skaal word nou gesoek.Uiteindelik is die hoop dat tot 1 000 werksgeleenthede geskep sal word.Seibeb het op sy beurt die ontwikkeling as die verwesenliking van ’n droom beskryf en ook erkenning gegee aan wyle president Hage Geingob wat die groenwaterstofkonsep voorgestel het.Die hoofman is dankbaar vir die ontwikkeling in die gebied wat tans plaasvind, vergeleke met jare waartydens niks gebeur het nie.Hy het ’n beroep op vennote gedoen om te verseker dat werksgeleenthede vir skoolverlaters in die streek geskep word.Seibeb het ook ’n uitnodiging aan die staatshoof gerig om die projek te besoek, asook ander ontwikkelings op Uis en in die omgewing van die tradisionele owerheid.– augetto@republikein.com.na

Tradisionele owerheid besoek Staatshuis

Kommentaar

Republikein 2025-12-19

Meld asseblief aan om kommentaar te lewer

Tradisionele owerheid besoek Staatshuis

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.