Swapo wil verlore steun terugwen

Swapo wil sy tweederdemeerderheid in die komende verkiesing terugwen, ’n posisie wat hy verloor het ná die presidensiële verkiesing in 2019, aldus die party se sekretaris-generaal, Sophia Shaningwa.Swapo se stemme het tot 65% in die algemene verkiesing in 2019 gedaal, vergeleke met 80% in 2014. Sy kandidaat, wyle president Hage Geingob, het 56,3% van die stemme op hom verenig, ’n beduidende daling van die 87% in 2014.Die regerende party se steun het getuimel van 83% in 2015 se streekverkiesings tot 57% in 2020, en van 74% in die 2015-verkiesing vir plaaslike owerhede tot 40% in 2020.Swapo het in 2015 ’n meerderheid in 52 uit die 57 plaaslike owerhede gehad; die 2020-verkiesing het egter meegebring dat die party sy meerderheid in 33 plaaslike owerhede verloor het, met die grootste verliese wat in die sentrale en suidelike gebiede gesien is.Opposisiepartye het veld tydens die 2019- en 2020-verkiesing gewen, wat Swapo se jarelange oorheersing uitgedaag het.REGISTREER OM TE STEMShaningwa het verlede week tydens &#039;n verkiesingsaamtrek op Rundu gepraat en partylede aangemoedig om te registreer om te stem wanneer die registrasietydperk amptelik begin.“Registrasie [speel] ’n kritieke rol om oorheersing terug te wen. Oorwinning kan slegs behaal word deur onsself by die algemene registrasie van kiesers op 3 Junie te registreer. Dit is die wapen wat ons nodig het om ons presidensiële kandidaat, Netumbo Nandi-Ndaitwah, te help om te wen wanneer dit tyd is om te stem,” het sy gesê.Shaningwa het bygevoeg: “Onafhanklikheid beteken dat ons hard moet werk om aan bewind te bly en die winste van ons gevalle helde en heldinne te respekteer.“Geen nasie kan op sy eie staan nie, veral een wat nie aan sy eie produksie deelneem om sy mense te voed nie. Ons weet reeds wat dit beteken as die nasie nie homself kan voed nie en dit is nie ’n nasie nie. ’n Nasie moet homself kan voed.”Shaningwa het ook ’n beroep op lede gedoen om nie partyleiers te beledig nie.“Jy hoef nie jou leiers te beledig nie. Ons is hier om te dien en nie teen jou te baklei nie. Praat net beleefd met ons en ons sal ons bes doen om jou bekommernisse te takel.“En wat die politieke leiers van die Kavangostreke betref, veral die goewerneur, moet [hulle] seker maak dat kos nie in die pakhuise vrot terwyl mense honger ly nie,” het sy gesê.GROENSKEMASShaningwa het ook ’n onlangse besluit onthul om die herlewing van groenskemas in die Zambezi- en Kavangostreke te finansier.“Verskeie uitdagings staar sommige groenskemas, wat landbouprojekte is wat daarop gemik is om plaaslike voedselproduksie ’n hupstoot te gee, in die gesig.“Die visepresident, Nandi-Ndaitwah, het verlede maand byna al die groenskemas besoek en aan president Nangolo Mbumba en die eerste minister, Saara Kuugongelwa-Amadhila, gerapporteer oor die noodsaaklikheid om hulle in hierdie gebied te laat herleef,” het sy gesê. – republikein@republikein.com.na

Swapo wil verlore steun terugwen

Kommentaar

Republikein 2026-02-18

Meld asseblief aan om kommentaar te lewer

Swapo wil verlore steun terugwen

Kommentaar

Republikein 2026-02-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.