Seibeb bedank om 'afdanking vry te spring'
Gewese sekretaris vat ook die pad
Die LPM sê dit was net 'n kwessie van tyd voor hy teen sy adjunkleier sou optree wat blykbaar nog nie een keer vanjaar in dié party se kantoor was nie.
Die Landless People’s Movement (LPM) se adjunkleier, Henny Seibeb, wat uit die party en die parlement bedank het, het volgens bronne dit gedoen om ’n plan om hom te herroep vooruit te loop, wat ’n “vernedering” sou wees.
Die party se leier, Bernadus Swartbooi, het bevestig dat “dit net ’n kwessie van tyd was” voordat hulle met Seibeb en die party se voormalige bedryfsekretaris, Edson Isaacks, sou afreken, wat ook uit beide die party en die parlement bedank het.
Swartbooi was glo reeds van plan om Seibeb in Mei die trekpas te gee, maar hy is aangeraai om dit eers ná die verkiesing in November te doen. Dit was sodat Seibeb se kiesafdeling binne die party se steunbasis – hoofsaaklik Damarasprekendes – steeds vir die LPM sou stem, wat hy na bewering ’n “Nama-party” genoem het.
Die 46-jarige is van Khorixas in die Kunenestreek.
Dit is hierdie etiket wat spanning tussen die destydse kamerade Swartbooi en Seibeb laat toeneem het, veral nadat laasgenoemde glo geweier het om die bewering dat hy die party as sodanig bestempel het, in die openbaar te veroordeel.
“Henny is gesê van die stap [om hom te skors] en het daarom besluit om te bedank voor hy verwyder en in die verleentheid gestel word. Hy gaan terug Swapo toe,” het ’n partybeampte aan Republikein se susterkoerant Namibian Sun gesê.
Seibeb het sy politieke tande in die regerende party geslyp, waar hy vanaf 2008 tot 2012 as spesiale assistent van die destydse sekretaris-generaal, Pendukeni Iivula-Ithana, gedien het. Iivula-Ithana het hom later afgedank weens uitlatings wat hy destyds gemaak het.
Met Swartbooi, wat self in 2017 deur wyle president Hage Geingob as adjunkminister afgedank is, het hy die LPM gestig, waarby Seibeb spoedig aangesluit het. Die party het in die 2019-verkiesing vier setels in die parlement verower.
GENIET SY ‘VRYHEID’
In reaksie op sy beoogde terugkeer na Swapo, het Seibeb gesê: “Ek is nou in ’n bevryde sone, so laat ek my vryheid geniet.”
Isaacks het gesê dit het ondraaglik geword om in die LPM te wees, waar hy en Seibeb sonder rede verdink is.
“[My bedanking was] ’n bewuste besluit. Ons is nou al ’n rukkie geskei. Ek is van baie dinge beskuldig wat nog nooit as waar bewys is nie. Billikheid bestaan nie in daardie party nie en daar is geen administratiewe geregtigheid nie,” het hy gesê.
“Ek het hulle ’n kans gegee om my ’n geleentheid te gee om [my naam] skoon te maak en ek het opgehou om na die party se kantore te gaan, en vir ongeveer drie jaar het ons geen kommunikasie gehad nie. Die LPM is net ’n eenmanvertoning.”
“Ek is nie na enige LPM-prosesse genooi nie, so ek moes ’n besluit neem. Daar is geen besprekings om vriendelike oplossings te vind nie.
“Hy [Swartbooi] erken net nie wat ander mense na die party bring nie. ’n Span moet uit verskillende vaardighede bestaan en nie net een persoon nie. Jy kan sien hy is ’n patologiese leuenaar,” het Isaacks bygevoeg.
HEELTEMAL AFGEBREEK
’n Verheugde Swartbooi was soos die spreekwoordelike kind in ’n lekkergoedwinkel toe hy oor die bedankings uitgevra is.
“Hulle was onmoontlik om saam mee te werk. Ons moes vir vyf jaar moeilike laste dra. Ons moes die persoon oppas. Ons kon nie oor daardie dinge praat nie, want die persoon was by ons,” het hy gesê met verwysing na Seibeb.
Swartbooi het bygevoeg dat hulle wel die twee lede se bedankings sal vier.
“Ons het moeilike dae met hierdie mense gehad. In die aard van leierskap van ’n organisasie praat ons gewoonlik nie oor daardie interne kwessies in die openbaar nie.
“Jy sal vind dat ek absoluut stil gebly het in die aangesig van bewerings. Wat ons gedoen het, is om platform na platform te bied om te sê ‘kom ons praat’.
“Van Januarie tot nou was die enigste plek waar ons as LPM hierdie individue sou sien, hier by die parlement,” het hy gesê.
Hy het bygevoeg: “Die verhouding wat die party en elke ander persoon in die party met daardie twee mense het, het heeltemal verbrokkel.”
– [email protected]
Die party se leier, Bernadus Swartbooi, het bevestig dat “dit net ’n kwessie van tyd was” voordat hulle met Seibeb en die party se voormalige bedryfsekretaris, Edson Isaacks, sou afreken, wat ook uit beide die party en die parlement bedank het.
Swartbooi was glo reeds van plan om Seibeb in Mei die trekpas te gee, maar hy is aangeraai om dit eers ná die verkiesing in November te doen. Dit was sodat Seibeb se kiesafdeling binne die party se steunbasis – hoofsaaklik Damarasprekendes – steeds vir die LPM sou stem, wat hy na bewering ’n “Nama-party” genoem het.
Die 46-jarige is van Khorixas in die Kunenestreek.
Dit is hierdie etiket wat spanning tussen die destydse kamerade Swartbooi en Seibeb laat toeneem het, veral nadat laasgenoemde glo geweier het om die bewering dat hy die party as sodanig bestempel het, in die openbaar te veroordeel.
“Henny is gesê van die stap [om hom te skors] en het daarom besluit om te bedank voor hy verwyder en in die verleentheid gestel word. Hy gaan terug Swapo toe,” het ’n partybeampte aan Republikein se susterkoerant Namibian Sun gesê.
Seibeb het sy politieke tande in die regerende party geslyp, waar hy vanaf 2008 tot 2012 as spesiale assistent van die destydse sekretaris-generaal, Pendukeni Iivula-Ithana, gedien het. Iivula-Ithana het hom later afgedank weens uitlatings wat hy destyds gemaak het.
Met Swartbooi, wat self in 2017 deur wyle president Hage Geingob as adjunkminister afgedank is, het hy die LPM gestig, waarby Seibeb spoedig aangesluit het. Die party het in die 2019-verkiesing vier setels in die parlement verower.
GENIET SY ‘VRYHEID’
In reaksie op sy beoogde terugkeer na Swapo, het Seibeb gesê: “Ek is nou in ’n bevryde sone, so laat ek my vryheid geniet.”
Isaacks het gesê dit het ondraaglik geword om in die LPM te wees, waar hy en Seibeb sonder rede verdink is.
“[My bedanking was] ’n bewuste besluit. Ons is nou al ’n rukkie geskei. Ek is van baie dinge beskuldig wat nog nooit as waar bewys is nie. Billikheid bestaan nie in daardie party nie en daar is geen administratiewe geregtigheid nie,” het hy gesê.
“Ek het hulle ’n kans gegee om my ’n geleentheid te gee om [my naam] skoon te maak en ek het opgehou om na die party se kantore te gaan, en vir ongeveer drie jaar het ons geen kommunikasie gehad nie. Die LPM is net ’n eenmanvertoning.”
“Ek is nie na enige LPM-prosesse genooi nie, so ek moes ’n besluit neem. Daar is geen besprekings om vriendelike oplossings te vind nie.
“Hy [Swartbooi] erken net nie wat ander mense na die party bring nie. ’n Span moet uit verskillende vaardighede bestaan en nie net een persoon nie. Jy kan sien hy is ’n patologiese leuenaar,” het Isaacks bygevoeg.
HEELTEMAL AFGEBREEK
’n Verheugde Swartbooi was soos die spreekwoordelike kind in ’n lekkergoedwinkel toe hy oor die bedankings uitgevra is.
“Hulle was onmoontlik om saam mee te werk. Ons moes vir vyf jaar moeilike laste dra. Ons moes die persoon oppas. Ons kon nie oor daardie dinge praat nie, want die persoon was by ons,” het hy gesê met verwysing na Seibeb.
Swartbooi het bygevoeg dat hulle wel die twee lede se bedankings sal vier.
“Ons het moeilike dae met hierdie mense gehad. In die aard van leierskap van ’n organisasie praat ons gewoonlik nie oor daardie interne kwessies in die openbaar nie.
“Jy sal vind dat ek absoluut stil gebly het in die aangesig van bewerings. Wat ons gedoen het, is om platform na platform te bied om te sê ‘kom ons praat’.
“Van Januarie tot nou was die enigste plek waar ons as LPM hierdie individue sou sien, hier by die parlement,” het hy gesê.
Hy het bygevoeg: “Die verhouding wat die party en elke ander persoon in die party met daardie twee mense het, het heeltemal verbrokkel.”
– [email protected]
Kommentaar
Republikein
Geen kommentaar is op hierdie artikel gelaat nie