‘Regering van selfies en stilswye’
Venaani kritiseer president se eerste 100 dae in amp
Die PDM-leier het president Netumbo Nandi-Ndaitwah beskryf as 'vasgevang tussen nostalgie en verwarring' en die regering van 'pleisterpolitiek' beskuldig.
Die leier van die Popular Democratic Movement (PDM), McHenry Venaani, het president Netumbo Nandi-Ndaitwah in ’n snydende beoordeling van haar eerste 100 dae in die amp daarvan beskuldig dat sy ’n regering lei “wat die kuns van niksdoen bemeester het”.
Tydens ’n mediakonferensie in Windhoek het Venaani die nuwe administrasie beskryf as ’n presidensie “vasgevang tussen nostalgie en verwarring”, wat daarin misluk het om die transformasie te lewer wat belowe is en eerder “simboliese gebare, retoriese gimnastiektoertjies en eindelose fotogeleenthede” is.
“Dit is dieselfde ou besigheid, net hierdie keer met beter beligting vir die kameras,” het Venaani gesê.
“Die president het van verandering gefluister toe sy die amp betree het, maar nou basuin sy die status quo uit.”
Venaani het wat hy noem “voortsetting van elite-konsolidasie” en “leë frases in plaas van beleid” gekritiseer en die regering daarvan beskuldig dat dit kosmetiese veranderinge aanbring in plaas van strukturele hervormings.
‘PLEISTERPOLITIEK’
Hy het die opskorting van die beloofde verhoging in pensioentoelae vir bejaardes veroordeel en dit “verraad toegedraai in begrotingsbesnoeiings” genoem. Hy het gesê die uitgebasuinde Swapo-manifes het geen tasbare resultate opgelewer nie.
“Namibië het chirurgie nodig gehad. In plaas daarvan kry ons ’n pleister en ’n selfie,” het hy gesê.
Hy het die administrasie ook daarvan beskuldig dat hy beloftes oor sportontwikkeling versaak het en daarop gewys dat die nasionale sokkerspan steeds hul wedstryde in die buiteland speel, terwyl lande soos Suid-Afrika miljoene verdien uit plaaslike beleggings in sport.
Met betrekking tot die ekonomie, het Venaani gesê die president se belofte van “ekonomiese herlewing” klink leeg teen die agtergrond van toenemende werkloosheid, stygende staatskuld wat tans op 66,3% van die bruto binnelandse produk (BBP) staan en ’n herklassifikasie deur die Wêreldbank na ’n laer-middelinkomste status.
‘DRIE MILJOEN BEDELAARS’
“Namibië word as ’n nasie van drie miljoen bedelaars op die internasionale verhoog beskou,” het hy gesê en die oorafhanklikheid van skenkersgeld en die gebrek aan ondersteuning vir die informele sektor gekritiseer.
Voorts het hy die regering se groenwaterstofdrome as “lugkastele” afgemaak.
Venaani het die administrasie se hantering van korrupsie veroordeel en Nandi-Ndaitwah se opmerkings oor amnestie vir vorige oortredings as “verwarrend” en “teenproduktief” beskryf.
Hy het jare se onbeantwoorde vrae oor die finansies van August 26 Holdings uitgelig as ’n simbool van straffeloosheid wat staatsinstellings teister.
“As die president ernstig is oor die oorlog teen korrupsie, begin by die boeke van August 26,” het hy gesê en bygevoeg dat dié maatskappy sedert 1998 geen geouditeerde verslae verskaf het nie.
Hy het ook “borgskap-politiek” en “mafia-styl-transaksies” by Namcor gekritiseer en beweer dat die administrasie nie die stelselmatige verval met die nodige deurslaggewendheid aanpak nie.
‘ROEKELOOS’
Venaani het ook kabinetsaanstellings gekritiseer, veral die gebrek aan behoorlike keuringsprosesse wat hy as “indiensopleiding binne die regering” bestempel.
Hy het die ministerie van gesondheid en maatskaplike dienste as voorbeeld uitgelig, wat tans gelei word deur dr. Esperance Luvindao sonder ’n adjunk of ’n ervare uitvoerende direkteur.
“Dit is roekeloos. Die regering is nie ’n internskap nie,” het hy gesê.
Hoewel hy sekere vordering erken het, soos die vaartbelyning van ministeries en die aanstelling van vroue in hoë posisies, het Venaani gesê hierdie maatreëls word ondermyn deur swak leierskap en ’n gebrek aan dringendheid.
Hy het ministers gekritiseer wat parlementêre verantwoordbaarheidsessies vermy en die uitvoerende gesag se wetgewende tempo as uiters stadig beskryf. Venaani het verwys na die vertraagde konsepwette op die beskerming van hokaairoepers, toegang tot inligting en hangende databeskermingswetgewing.
LEë BELOFTES
Venaani het die regering se ommekeer oor gratis tersiêre onderwys wat dit beperk het tot “gespesialiseerde velde”, uitgewys as bewys dat verkiesingsbeloftes met ondeurdagte bedoelings gemaak is.
Hy het ook die uitvoerbaarheid van die president se belofte om 500 000 werksgeleenthede te skep en N$85 miljard in beleggings te lok, bevraagteken, veral in sektore soos landbou en visserye wat besig is om agteruit te gaan.
“Wat ons sien is woorde bo waarde – doelwitte wat verdwyn sodra die kameras afgeskakel is,” het hy gesê.
– [email protected]
Tydens ’n mediakonferensie in Windhoek het Venaani die nuwe administrasie beskryf as ’n presidensie “vasgevang tussen nostalgie en verwarring”, wat daarin misluk het om die transformasie te lewer wat belowe is en eerder “simboliese gebare, retoriese gimnastiektoertjies en eindelose fotogeleenthede” is.
“Dit is dieselfde ou besigheid, net hierdie keer met beter beligting vir die kameras,” het Venaani gesê.
“Die president het van verandering gefluister toe sy die amp betree het, maar nou basuin sy die status quo uit.”
Venaani het wat hy noem “voortsetting van elite-konsolidasie” en “leë frases in plaas van beleid” gekritiseer en die regering daarvan beskuldig dat dit kosmetiese veranderinge aanbring in plaas van strukturele hervormings.
‘PLEISTERPOLITIEK’
Hy het die opskorting van die beloofde verhoging in pensioentoelae vir bejaardes veroordeel en dit “verraad toegedraai in begrotingsbesnoeiings” genoem. Hy het gesê die uitgebasuinde Swapo-manifes het geen tasbare resultate opgelewer nie.
“Namibië het chirurgie nodig gehad. In plaas daarvan kry ons ’n pleister en ’n selfie,” het hy gesê.
Hy het die administrasie ook daarvan beskuldig dat hy beloftes oor sportontwikkeling versaak het en daarop gewys dat die nasionale sokkerspan steeds hul wedstryde in die buiteland speel, terwyl lande soos Suid-Afrika miljoene verdien uit plaaslike beleggings in sport.
Met betrekking tot die ekonomie, het Venaani gesê die president se belofte van “ekonomiese herlewing” klink leeg teen die agtergrond van toenemende werkloosheid, stygende staatskuld wat tans op 66,3% van die bruto binnelandse produk (BBP) staan en ’n herklassifikasie deur die Wêreldbank na ’n laer-middelinkomste status.
‘DRIE MILJOEN BEDELAARS’
“Namibië word as ’n nasie van drie miljoen bedelaars op die internasionale verhoog beskou,” het hy gesê en die oorafhanklikheid van skenkersgeld en die gebrek aan ondersteuning vir die informele sektor gekritiseer.
Voorts het hy die regering se groenwaterstofdrome as “lugkastele” afgemaak.
Venaani het die administrasie se hantering van korrupsie veroordeel en Nandi-Ndaitwah se opmerkings oor amnestie vir vorige oortredings as “verwarrend” en “teenproduktief” beskryf.
Hy het jare se onbeantwoorde vrae oor die finansies van August 26 Holdings uitgelig as ’n simbool van straffeloosheid wat staatsinstellings teister.
“As die president ernstig is oor die oorlog teen korrupsie, begin by die boeke van August 26,” het hy gesê en bygevoeg dat dié maatskappy sedert 1998 geen geouditeerde verslae verskaf het nie.
Hy het ook “borgskap-politiek” en “mafia-styl-transaksies” by Namcor gekritiseer en beweer dat die administrasie nie die stelselmatige verval met die nodige deurslaggewendheid aanpak nie.
‘ROEKELOOS’
Venaani het ook kabinetsaanstellings gekritiseer, veral die gebrek aan behoorlike keuringsprosesse wat hy as “indiensopleiding binne die regering” bestempel.
Hy het die ministerie van gesondheid en maatskaplike dienste as voorbeeld uitgelig, wat tans gelei word deur dr. Esperance Luvindao sonder ’n adjunk of ’n ervare uitvoerende direkteur.
“Dit is roekeloos. Die regering is nie ’n internskap nie,” het hy gesê.
Hoewel hy sekere vordering erken het, soos die vaartbelyning van ministeries en die aanstelling van vroue in hoë posisies, het Venaani gesê hierdie maatreëls word ondermyn deur swak leierskap en ’n gebrek aan dringendheid.
Hy het ministers gekritiseer wat parlementêre verantwoordbaarheidsessies vermy en die uitvoerende gesag se wetgewende tempo as uiters stadig beskryf. Venaani het verwys na die vertraagde konsepwette op die beskerming van hokaairoepers, toegang tot inligting en hangende databeskermingswetgewing.
LEë BELOFTES
Venaani het die regering se ommekeer oor gratis tersiêre onderwys wat dit beperk het tot “gespesialiseerde velde”, uitgewys as bewys dat verkiesingsbeloftes met ondeurdagte bedoelings gemaak is.
Hy het ook die uitvoerbaarheid van die president se belofte om 500 000 werksgeleenthede te skep en N$85 miljard in beleggings te lok, bevraagteken, veral in sektore soos landbou en visserye wat besig is om agteruit te gaan.
“Wat ons sien is woorde bo waarde – doelwitte wat verdwyn sodra die kameras afgeskakel is,” het hy gesê.
– [email protected]
Kommentaar
Republikein
Geen kommentaar is op hierdie artikel gelaat nie