#PasIn: LPM skop ‘stigterslid’ Thomas uit

Die Landless People’s Movement (LPM) het Paul Thomas, &#039;n voormalige administratiewe assistent vir sy lede van die parlement, uitgeskop ná hy die party arbeidshof toe gesleep het vir onbillike ontslag en die willekeurige opskorting van sy salaris.In &#039;n verklaring wat vandag uitgereik is, het die LPM se operasionele sekretaris, Dawid Eigub, daarop gewys dat die nasionale uitvoerende stigterskomitee van die party ingestem het om Thomas se partylidmaatskap te beëindig. Die party sê dit het bevind dat Thomas se gedrag "diametraal teenoor die kernwaardes en beginsels" is waarvoor dit staan.Thomas, wat beweer dat hy &#039;n stigterslid van die LPM is, sê dit is &#039;n uitwissing deur die party se topleiers, Bernadus Swartbooi en Henny Seibeb, om te verseker dat hulle geen teenstand kry van die People&#039;s Assembly wat vir 2024 beplan is nie."Ek kan selfs hierdie besluit uitdaag, maar ek wil nie met hierdie sterwende perd geassosieer word nie. Ek gaan nie my tyd mors nie; hulle het net die werk vir my makliker gemaak, want ek sou bedank ná my arbeidsgeding afgehandel is," het hy gesê."Dit is ongelukkig dat so &#039;n edele idee gemors is en mense soveel hoop gehad het dat hierdie party vir hulle oor sake soos die grondkwessie en die volksmoordkwessie sal praat. Maar hierdie drome het nou verdwyn, want hierdie twee is net daar om hulleself te verryk. Daar is geen verskil tussen Swapo en LPM nie," het Thomas gesê.

#PasIn: LPM skop ‘stigterslid’ Thomas uit

Kommentaar

Republikein 2026-09-18

Meld asseblief aan om kommentaar te lewer

#PasIn: LPM skop ‘stigterslid’ Thomas uit

Kommentaar

Republikein 2026-09-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.