Pas in: Witbooi reg vir 'n geveg

Voormalige Keetmanshoop Landelike kiesafdelingsraadslid, Gerrit 'Gertjie' Witbooi, het vir die Landless People's Movement (LPM) wat hom minder as 'n maand gelede weens "narcistiese en fascistiese leierskapstyl" uitgedryf het, gesê hy gaan die tussenverkiesing op 15 Maart wen. "Hul brose ego's en leierskapstyl het begin manifesteer," het hy gesê en onderneem om te verseker dat die LPM sy beheer in die streek verloor.