Meer as 500 000 kiesers reeds geregistreer
Nog 1,2 miljoen om te gaan
Dit is 'n gemiddeld van 28 211 registrasies per dag oor 'n tydperk van drie weke, sê die ECN.
Altesaam 536 202 stemgeregtigde Namibiërs het reeds tussen 3 en 22 Junie geregistreer om hul stemme in die komende nasionale verkiesing op 27 November vanjaar uit te bring.
Dit is volgens ’n verklaring wat die Verkiesingskommissie van Namibië (ECN) verlede week uitgereik het.
Die ECN sê die syfer sluit beide kiesers in wat binne die land geregistreer het asook by sendings in die buiteland. Dit kom neer op ’n gemiddeld van 28 211 registrasies per dag vir dié tydperk.
Die Khomasstreek het die meeste nuwe kiesers (109 058) in dié tydperk geregistreer, Ohangwena die tweede meeste met 56 524 en Omusati 52 142.
Die Erongostreek het 50 090 kiesers geregistreer, en Oshana en Oshikoto met onderskeidelik 46 315 en 39 088.
Die streek wat tot dusver die laagste kieserregistrasie aangeteken het, is die Zambezistreek met 16 209. Daarbenewens het 918 Namibiërs in die buiteland geregistreer.
UITDAGINGS
Die ECN het alle stemgeregtigde Namibiese burgers wat nog nie geregistreer het nie, versoek om dit te doen en sodoende hul deelname aan die komende verkiesing te verseker.
“Die nasie word hiermee ingelig dat die algemene registrasie van kiesers oraloor die land en by alle Namibiese diplomatieke missies in die buiteland van Maandag tot Saterdag voortduur.
“Die kommissie herinner en doen dus ’n beroep op alle stemgeregdigde kiesers wat nog nie geregistreer het nie, om dit so gou moontlik te doen.”
Die registrasieveldtog het op 3 Junie begin en duur tot 1 Augustus.
Die nuwe registrasiesyfer volg op ’n stadige begin wat ’n week gelede aangemeld is, met sommige diplomatieke missies wat uitdagings rapporteer, insluitend die lang afstande wat sommige mense moet aflê om te registreer.
Nog ’n uitdaging is dat mense nie weet waar om in hul kiesafdelings te registreer nie of dat hulle aanmeld by liggings waar die ECN-spanne nog nie teenwoordig is nie.
– [email protected]
Dit is volgens ’n verklaring wat die Verkiesingskommissie van Namibië (ECN) verlede week uitgereik het.
Die ECN sê die syfer sluit beide kiesers in wat binne die land geregistreer het asook by sendings in die buiteland. Dit kom neer op ’n gemiddeld van 28 211 registrasies per dag vir dié tydperk.
Die Khomasstreek het die meeste nuwe kiesers (109 058) in dié tydperk geregistreer, Ohangwena die tweede meeste met 56 524 en Omusati 52 142.
Die Erongostreek het 50 090 kiesers geregistreer, en Oshana en Oshikoto met onderskeidelik 46 315 en 39 088.
Die streek wat tot dusver die laagste kieserregistrasie aangeteken het, is die Zambezistreek met 16 209. Daarbenewens het 918 Namibiërs in die buiteland geregistreer.
UITDAGINGS
Die ECN het alle stemgeregtigde Namibiese burgers wat nog nie geregistreer het nie, versoek om dit te doen en sodoende hul deelname aan die komende verkiesing te verseker.
“Die nasie word hiermee ingelig dat die algemene registrasie van kiesers oraloor die land en by alle Namibiese diplomatieke missies in die buiteland van Maandag tot Saterdag voortduur.
“Die kommissie herinner en doen dus ’n beroep op alle stemgeregdigde kiesers wat nog nie geregistreer het nie, om dit so gou moontlik te doen.”
Die registrasieveldtog het op 3 Junie begin en duur tot 1 Augustus.
Die nuwe registrasiesyfer volg op ’n stadige begin wat ’n week gelede aangemeld is, met sommige diplomatieke missies wat uitdagings rapporteer, insluitend die lang afstande wat sommige mense moet aflê om te registreer.
Nog ’n uitdaging is dat mense nie weet waar om in hul kiesafdelings te registreer nie of dat hulle aanmeld by liggings waar die ECN-spanne nog nie teenwoordig is nie.
– [email protected]
Kommentaar
Republikein
Geen kommentaar is op hierdie artikel gelaat nie