Mediamonitering bied insigte oor verkiesing

Hoofredaksie – ’n Mediamoniteringsprojek het glo insigte verskaf wat ontleders in staat sal stel om beter te verstaan watter faktore verslaggewing oor verkiesings dryf.Die media-ombudsman, John Nakuta, het gister die finale verslag van die “Media and Elections Monitoring Tool (MEMT)” voorgelê en sy dankbaarheid daaroor uitgespreek. Hy het gesê dit bied nie net verskeie insigte nie, maar dit wys ook watter aannames in die toekoms uitgedaag of uitgebrei moet word.Die projek is ondersteun deur FES-Media, wat deel is van die Friedrich Ebert-stigting. Die plaaslike politieke wetenskaplike en eienaar van die Survey Warehouse, Christie Keulder, het data ontleed wat onder leiding van Natasja Beyleveld van NaMedia ingesamel is.Keulder het tot die gevolgtrekking gekom dat Namibiese politieke partye geneig is om by hul ou maniere te hou en van kiesers te verwag om hulle te ondersteun omdat hulle geleenthede aanbied waar hulle hul vlag waai.“Jongmense doen dit nie!” meen Keulder.Volgens hom moet Namibiese partye aktiewe kommunikasiestrategieë implementeer wat in ooreenstemming is met moderne denke en gewoontes (d.w.s. interaksie deur sosiale media) en kan die partye dit beslis nie meer bekostig om net elke vier jaar die verhoog te betree wanneer dit verkiesingstyd is nie.Keulder het gewys op ’n grafiek wat aandui dat Swapo in staat was om terug te kyk op 10 339 mediaberigte wat ten minste gedeeltelik gefokus het op wat Swapo gedurende die tydperk van Junie 2024 tot die presidensiële en nasionale verkiesing op 27 November 2024 gedoen het. Mediaberigte oor die Popular Democratic Movement (PDM) het sowat 4 756 beloop, die Independent Patriot for Change (IPC) 2 915, die Landless People’s Movement (LPM) 2 474, die Namibian Economic Freedom Fighters (NEFF) 2 028 en die Affirmative Repositioning (AR) 1 770.Beide Keulder en Nakuta is van mening dat die media meer moet doen om dieper in partye te delf en inligting te deel. Die voorsitter van die Redakteursforum van Namibië (EFN), Frank Steffen, het dié argument teengestaan.“Dit lyk asof politieke partye hul verantwoordelikheid wil vryspring deur van die media te verwag om hul veldtogte te voer. Die media kan slegs oor partye berig as hulle op vrae reageer en bereid is om deel te wees van openbare gesprek.”Steffen beweer dat die meeste Namibiese partye redelik outoritêr van aard is, wat daartoe lei dat normale partylede eenvoudig saam met die stroom beweeg en die gesag, beleide en beginsels van die party aanvaar. Hy meen dit stel ’n uitdaging aan die media in die algemeen, iets waaroor hy glo Nakuta en Keulder kan saamstem.– republikein@republikein.com.na

Mediamonitering bied insigte oor verkiesing

Kommentaar

Republikein 2026-03-20

Meld asseblief aan om kommentaar te lewer

Mediamonitering bied insigte oor verkiesing

Kommentaar

Republikein 2026-03-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.