LPM skud sy vere reg vir dié jaar

“Ons het die mandaat en ons moet te alle tye lewer.” So het die leier van die Landless People’s Movement (LPM), Bernadus Swartbooi, Saterdag tydens sy afsluitingstoespraak gesê.Dié opposisieparty het die naweek hul derde forum vir raadslede by die Hilton Hotel in die hoofstad gehou.Lede wat die party op nasionale vlak, streekraadsvlak en op verskeie plaaslike owerhede verteenwoordig, het die forum bygewoon.Swartbooi het sy partylede herinner aan die nasionale grondkwessie wat in 2016 tot die gesprek gelei het waaruit die LPM ontstaan het. “Die mening oor grondgeregtigheid is sterk, en ons moet op hierdie front lewer. Plaaslike owerhede moet hul afleweringspoed verbeter, selfs waar grond nie gediens word nie. Ons mense bly die enigste en uiteindelike prioriteit,” dring hy aan.Volgens Swartbooi word die werkende klas, vroue en jongmense van geleenthede ontneem om grond te besit. Hy sê Swapo sal nooit armoede, ongelykheid en werkloosheid kan hokslaan nie. “Die mense van hierdie land is aan die verloorkant van die stryd vir ekonomiese vryheid en maatskaplike geregtigheid,” sê hy.Hy sê die Swapo-regering probeer egter besluitneming weer sentraliseer en die regering weerhou finansiering om die LPM se vordering in dorpe en streke te kniehalter. “Soos julle weet, is daar pogings om streek- en plaaslike owerheidswette te wysig, met die oog om politieke uitkomste te bereik, wat hulle nie deur die stembus kon verkry nie. Ons moet hierdie politieke foefies beveg,” sê hy.Swartbooi is ook bekommerd oor kriminele sameswering binne die staat se elite-kringe, wat volgens hom staatsinstansies, veral die wat by strategiese hulpbronne betrokke is, gekaap het en so groot bedrae na hul private rekeninge kanaliseer.Intussen groei die stedelike krotbuurt-dorpstelsel, waar die nuwe armes en minderbevoorregtes van Namibië se samelewing woon, sê hy. “Dit is duidelik, ná 30 jaar van onafhanklikwording, het die Namibiese regering misluk in hul strewe om ’n demokratiese dividend vir die mense te skep. Dit is dus veilig om te sê dat demokrasie nie die vrugte van vryheid gelewer het nie,” sê hy. Nog ’n hoofkwessie waaroor insette gesoek sal word, is oor die nasionale onderwysstelsel, sê hy.Dus fokus die LPM om sy interne leierskap op te bou, om beloftes van die party se verkiesingsmanifes te lewer, en dienste aan die Namibiese volk te lewer, sê hy. “Hierdie jaar sal ons in die middel van die jaar, ons eerste beleidskonferensie ooit hê,” het hy gesê, terwyl die party ook sy tweede algemene vergadering vir vanjaar beplan. – augetto@republikein.com.na

LPM skud sy vere reg vir dié jaar

Kommentaar

Republikein 2025-06-18

Meld asseblief aan om kommentaar te lewer

LPM skud sy vere reg vir dié jaar

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie