IPC uitgesluit van Indiese staatsbesoek

Die Independent Patriots for Change (IPC) het die regering se voortdurende uitsluiting van die amptelike opposisie van nasionale staatsfunksies heftig gekritiseer en die stap 'n direkte aantasting van demokratiese beginsels genoem.In 'n sterk bewoorde verklaring wat gister vrygestel is, het die IPC dit as 'n "sistematiese uitsluiting" van sy leier veroordeel, asook van die byna 300 000 Namibiërs wat vir die party in die algemene verkiesing gestem het.Die verklaring het saamgeval met die hoëprofiel-staatsbesoek van die Indiese eerste minister Narendra Modi en beklemtoon wat die IPC beskryf het as "'n oomblik van diepgaande ironie"."Terwyl Indië se premier op Namibiese bodem staan en die wêreld se grootste demokrasie verteenwoordig, sluit ons eie regering die leier van die amptelike opposisie uit van deelname aan nasionale gebeure," lui die verklaring.Met verwysing na verskeie onlangse gebeure, insluitend die presidensiële inhuldiging, Volksmoordherdenkingsdag en die huidige Indiese staatsbesoek, het die IPC gesê dat hierdie uitsluitings nie toevallig was nie, maar eerder "doelbewuste keuses" gewortel in 'n regerende party se weiering om teenkanting te erken.“Dit is die gedrag van 'n party wat tydelike mag vir permanente eienaarskap van die staat verwar,” het die verklaring beweer.Die IPC het die huidige status van die kantoor van die leier van die amptelike opposisie gekritiseer en dit beskryf as 'n “grondwetlike weeskind” wat net in naam bestaan, maar 'n gebrek aan wetlike gesag het. Die party het dringende wetgewende hervorming versoek om die amp in die wet te verskans deur 'n grondwetlike wysiging of parlementêre wet, met gedefinieerde regte en verantwoordelikhede.“’n Salaris sonder staankrag, 'n titel sonder tande, erkenning sonder regte – dit is regering deur kulkuns,” het die party gesê.In 'n direkte uitdaging aan die regerende Swapo-party het die IPC bevraagteken wat die regering wegsteek deur te weier om opposisiestemme by sleutelstaatsfunksies in te sluit.“’n Regering wat veilig is in sy mandaat verwelkom die teenwoordigheid van die opposisie. Een wat ondersoek vrees, openbaar sy fundamentele swakheid.”STERK DEMOKRASIEDie party het ook 'n pleidooi gerig aan internasionale vennote, veral Indië, om die belangrikheid van 'n stemhebbende opposisie in enige funksionele demokrasie te erken.“’n Demokrasie word nie beoordeel deur hoe dit sy ondersteuners behandel nie, maar deur hoe dit sy opposisie respekteer,” het die IPC gesê.Ter afsluiting van die verklaring het die party sy verbintenis tot die verdediging van die demokratiese regte van alle Namibiërs herbevestig en belowe om nie stilgemaak te word nie.“Demokrasie is nie 'n geskenk van die regerende party nie; dit is die geboortereg van elke Namibiër.”Die verklaring is deur die kantoor van die leier van die amptelike opposisie in die Nasionale Vergadering uitgereik. - republikein@republikein.com.na

IPC uitgesluit van Indiese staatsbesoek

Kommentaar

Republikein 2026-02-02

Meld asseblief aan om kommentaar te lewer

IPC uitgesluit van Indiese staatsbesoek

Kommentaar

Republikein 2026-02-02

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.