Geingob verdedig standpunt oor Rusland in VN

Pres. Hage Geingob bevraagteken die Weste wat versoek het dat Namibië Rusland se optrede in Oekraïne by die Verenigde Nasies veroordeel.Namibië het in April vir die derde keer buite stemming gebly in ‘n besluit oor Rusland. Hy was een van 58 lande wat nie standpunt ingeneem het toe die Verenigde Nasies (VN) se Algemene vergadering vroeg in April besluit het om Rusland uit sy Menseregteraad te skors nie.Namibië het in Maart ook twee keer buite stemming gebly oor Rusland. Een keer in die Algemene Vergadering van die VN toe Rusland oor die kole gehaal is oor sy inval in Oekraïne en die dag vantevore toe die verrigtinge van die VN se Menseregteraad in Genève, Switserland, onderbreek is om te stem of ’n spesiale debat oor menseregteskendings deur Russiese soldate gevoer kan word. Geingob het die naweek aan afgevaardigdes by Swapo se derde beleidskonferensie gesê die Weste, veral die Verenigde State, die Verenigde Koninkryk en Frankryk, het apartheid en ten gunste van die destydse Suid-Afrikaanse regering se optrede gestem.“Ek het in daardie Veiligheidsraad gesit en kyk na ’n drievoudige veto deur Amerika, [die] Britte en Frankryk. . . ter verdediging van apartheid. Drievoudig. . . een veto was genoeg, maar drievoudig . . . Nou sê hulle ons moet [Rusland] veroordeel,” het Geingob gesê.“Dit is &#039;n probleem en ek is bly julle is hier om te sien wie saam met ons daar was,” het hy bygevoeg.Rusland het ’n deurslaggewende rol in Namibië se onafhanklikheid gespeel, het hy gesê.“Ek sê altyd, wie ook al by die bevrydingstryd betrokke was op een of ander manier, die Sowjetunie en die Russiese mense was daar om ons te ondersteun,” het Geingob gesê. “Waar ons ook al geveg het. . . En nou word ons aangeraai om teen Rusland te stem, julle begryp die punt,” het hy bygevoeg.Geingob het ook na Swapo-lede verwys wat op die party se mislukkings hammer.“Iemand het gesê apartheid het huise gebou . . . Ek kan daardie een nie vergeet nie. Watter huise?” wou hy weet. “Sommige het selfs gesê dat kolonialisme beter is. Gaan dan terug na kolonialisme. Natuurlik het die opposisie die reg om alles as verkeerd te sien, maar nie lede van Swapo nie,” het Geingob gesê.Hy het in sy toespraak by die konferensie verwys na hoe die oorlog in Oekraïne die lewering van voedsel en dienste lamlê en gesê dit beteken Namibië moet selfvoorsienend word.Hy het afgevaardigdes uitgedaag en gesê dit is die kwessies waaroor besin moet word.Die party se beleidskonferensie het Saterdagaand ten einde geloop. -republikein@republikein.com.na

Geingob verdedig standpunt oor Rusland in VN

Kommentaar

Republikein 2026-05-05

Meld asseblief aan om kommentaar te lewer

Geingob verdedig standpunt oor Rusland in VN

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.