Geingob se opmerkings is beledigend, sê LPM

Ogone Tlhage - Die leier van die Landless People’s Movement (LPM), Bernadus Swartbooi, het president Hage Geingob se onlangse opmerkings oor die volksmoord wat tussen 1904 en 1908 in Namibië gepleeg is, sterk veroordeel. Dit nadat die president gesê het die gewapende stryd teen apartheid was erger as die Nama-Ovaherero-volksmoord.Hy het die president se opmerkings beskryf as beledigend teenoor diegene wat hul lewens tydens die volksmoord verloor het.Geingob het tydens ’n openbare lesing in Frankryk aangevoer dat Suid-Afrika se optrede onder die apartheidsregime meer drasties was. Hy het die opmerkings laat verlede week by die Paryse Instituut vir Politieke Studies, ook bekend as Sciences Po, gemaak.ROEKELOOS Swartbooi het Geingob oor die kole gehaal en gesê hy is onsensitief teenoor die gevoelens van die afstammelinge van volksmoordslagoffers.“Wanneer ’n staatshoof jou op daardie roete neem, sê hy basies vir daardie idiote in Swapo wat slagoffers van die volksmoord is en steeds in Swapo is – mense soos Kaire Mbuende, mense soos Bob Kandetu – hy wys hulle die middelvinger en sê: ‘Ek, as president van Swapo en as president van die land, dink niks van jou stryd nie’,” het Swartbooi gesê. Hy het ook gevoel Geingob se opmerkings was roekeloos.“Dit is baie erg, baie onsensitief – hoekom hy dit selfs moes sê, weet ek nie,” het Swartbooi gesê.Geingob het die stryd teen apartheid bo enige pogings gestel om herstellende geregtigheid te soek, meen Swartbooi.“Vir Geingob, omdat hy in die stryd teen apartheid was, dink hy dat die klein geveg waarin hy betrokke was so meerderwaardig is vanuit ’n filosofiese en menseregte- en historiese oogpunt. Hy het die vermetelheid om te sê, ‘nee, daardie een was klein’,” het Swartbooi gesê.ERGERTydens sy lesing in Frankryk verlede week het Geingob gesê apartheid het Namibië baie meer skade berokken.“Versoening tussen Duitsland en Namibië is daar. Ons het diplomatieke betrekkinge [met Duitsland], ons het vrede. Hierdie volksmoord het hoeveel jaar gelede gebeur. Meer as ’n honderd jaar gelede,” het hy aan sy gehoor gesê.“Toe neem die Suid-Afrikaners oor – hulle was erger en toe begin Swapo veg om die land te bevry en nadat ons die land bevry het, het ons nou die reg om oor volksmoord te praat. Sommige mense wat praat oor die tyd om te versoen, was aan Suid-Afrika se kant toe ons vir vryheid geveg het. Nou eis hulle skielik dat hulle self moet onderhandel. Gaan oortuig vir Duitsland,” het hy gesê. – republikein@republikein.com.na

Geingob se opmerkings is beledigend, sê LPM

Kommentaar

Republikein 2026-03-10

Meld asseblief aan om kommentaar te lewer

Geingob se opmerkings is beledigend, sê LPM

Kommentaar

Republikein 2026-03-10

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.