Geen parlementsitting vandeesweek

Die agtste Namibiese parlement het nie op ’n goeie noot begin nie. Ná slegs twee sessies op 25 en 27 Maart is Dinsdag 1 April se sessie net 20 minute voor die aanvang daarvan gekanselleer. Die perskantoor van die Nasionale Vergadering (NV) het die media kort ná 14:00 skriftelik ingelig dat die sittings na 8 April geskuif sal word, wanneer die debat oor die nuwe nasionale begroting geskeduleer is om te begin. Geen rede is vir die uitstel gegee nie.Die uitstel van die sittings is na bewering ooreengekom met die leiers van al die partye wat in die parlement verteenwoordig is. Die Independent Patriots for Change (IPC) het dit egter ontken en beweer dat geen konsultasie plaasgevind het nie en dat die uitstel onverwags was. Imms Nashinge, die IPC se woordvoerder, het in ’n mediaverklaring gesê: “Skokkend genoeg het die Speaker verlede Donderdag ’n voorstel van die IPC geïgnoreer om sittings na 8 April te verdaag, net om later in te stem tot ’n mosie deur Swapo-agterbanker Tobie Aupindi (vir 1 April),” het hy gesê.“Die parlement moet nie deur uitvoerende onbevoegdheid of partypolitieke maneuvers gedwarsboom word nie. Die IPC-parlementslede het ’n onmiddellike verduideliking van die Speaker geëis oor die reël wat vir hierdie uitstel gebruik word,” het Nashinge gesê.Hy het bygevoeg dat toekomstige vertragings nie gemaak moet word sonder behoorlike konsultasie met alle partye, soos vereis deur die prosedurereëls nie. Volgens ’n betroubare bron is die verskillende dokumente vir die nuwe staatsbegroting waarskynlik nog nie gedruk nie. Die dokumente is ook nog nie op die webwerf van die ministerie van finansies en maatskaplike toelaebestuur beskikbaar nie. – republikein@republikein.com.na

Geen parlementsitting vandeesweek

Kommentaar

Republikein 2025-11-03

Meld asseblief aan om kommentaar te lewer

Geen parlementsitting vandeesweek

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.