ECN se administratiewe 'onsekerheid’ bekommer ontleders

Politieke en regeringskenners het gewaarsku dat die Verkiesingskommissie van Namibië (ECN) se besluit om die tender vir die druk van stembriewe te kanselleer, die geloofwaardigheid van die komende verkiesing in die gedrang kan bring.Die tenderproses, wat môre sou sluit, is gekanselleer om “faktore te voorkom wat die tydige aflewering van die stembriewe negatief kan beïnvloed”.Tot die verbasing van politieke partye wat op die skakelkomitee vir partye (PLC) verteenwoordig is, het hulle egter Saterdagaand &#039;n uitnodiging van ECN ontvang om die vergadering by te woon wat gister plaasgevind het en waar die kommissie sy besluit bekendgemaak het.Bronne in die PLC het die wyse waarop ECN die kwessie hanteer het, betreur en gesê “die vergadering het alle elemente van konsultasies ontbreek, omdat ECN bloot sy besluit aan die partye gekommunikeer het in plaas daarvan om insette te vra”.Election Nexus het by verskeie ontleders oor die nuwe ontwikkelings gaan aanklop. Graham Hopwood, uitvoerende direkteur van die Instituut vir Openbare Beleid en Navorsing (IPPR), het gesê “die manier waarop die ECN die stembriefkwessie hanteer het, wek nie vertroue in hul beplanningsvermoëns nie.”“Die tydlyne wat hier betrokke is, moes duidelik gewees het uit vorige ervarings met die druk van stembriewe. Nou het hulle die partye en moontlik die publiek se vertroue in die verkiesingsproses ondermyn deur planne in so &#039;n laat stadium in die verkiesingsproses te verander,” sê Hopwood. Intussen sê die politieke ontleder Rui Tyitende ECN het genoeg tyd gehad om sy administratiewe sake in orde te kry “om te vermy om op die nippertjie rond te hardloop”.“Koppe moet rol, want jy kan nie &#039;n instituut hê wat sentraal is in die bestuur van ons verkiesings nie, maar hulle kan nie die basiese beginsels regkry nie. Persepsie maak saak en dit moet te alle tye bestuur word,” het hy gesê.Dr. Marius Kudumo, kenner van openbare beleid, het &#039;n beroep vir verbeterde kommunikasie tussen ECN en alle belanghebbendes gedoen om enige kommunikasierampe te vermy. “ECN moet met politieke partye konsulteer en ook die publiek voortdurend inlig oor wat aan die gebeur is. Om die tender terug te trek, as daar goeie redes was, skep die indruk dat jy nie in beheer van die proses is nie,” het hy gesê.“Ek verstaan nie hoekom wetgewers nie na die beperkings binne die verkrygingswet kyk nie. Dit is daardie beperkings wat ECN wou bestuur, maar jy kan dit nie sonder konsultasie bestuur nie. Alles moet volgens die verkiesingskalender gedoen word,” het Kudumo gesê.

ECN se administratiewe 'onsekerheid’ bekommer ontleders

Kommentaar

Republikein 2025-10-29

Meld asseblief aan om kommentaar te lewer

ECN se administratiewe 'onsekerheid’ bekommer ontleders

Kommentaar

Republikein 2025-10-29

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.