ECN benodig nog sowat N$60 miljoen

Die Verkiesingskommissie van Namibië (ECN) het gister aan president Nangolo Mbumba gesê die kommissie kort sowat N$60 miljoen vir ’n gladde kiesersregistrasie en nasionale verkiesingsproses.Hoewel die ECN sowat N$269 miljoen geoormerk het om vanjaar se presidensiële en parlementêre verkiesings in November te fasiliteer, meen kommissarisse dit is onvoldoende.Die ECN het tydens sy besoek aan Staatshuis ook gesê dat van die geteikende 1,6 miljoen kiesers in die land, het 1,18 miljoen tot dusver geregistreer.Die ECN se voorsitter, Elsie Nghikembua, het gister gesê die bykomende geld is nodig weens die verandering in hul teiken wat aangepas is ná die bekendmaking van die sensusresultate.“Die korrekte statistieke is versoek sodat ons aan die proses kan begin werk. In terme van ons statistieke maak dit regtig ’n verskil," het sy gesê.Sy het verder daarop gedui dat die verandering in die getalle, nuwe uitgawes en onvoorsiene uitgawes veroorsaak het."Daar is normaalweg ’n begrotingshersieningsproses met die ministerie van finansies en staatsondernemings en ek dink dit sal in Augustus plaasvind. Dit was voldoende [die begroting], maar die statistieke is vrygestel nadat ons reeds van die registrasietoerusting bekom het en met die nuwe syfer, moes ons bykomende toerusting verkry,” het sy verduidelik.GEEN VERLENGINGSy het ook beklemtoon dat dit nie nodig is vir &#039;n verlenging van die registrasieproses nie, maar hulle kyk eerder na die versterking van hul veldtog om meer potensiële kiesers te lok.“As ons die registrasietydperk verleng, beteken dit ons kan nie die verkiesing op 27 November 2024 hou nie. Daar was ook geen direkte versoek van die politieke partye dat ons die registrasietydperk verleng nie.“Ná die registrasietydperk publiseer ons die voorlopige kieslys en die wet is baie duidelik dat die verkiesing gehou moet word 90 dae vanaf die dag wat die voorlopige kiesersregistrasie gepubliseer is."Dit is dus nie ter sprake nie – ons gaan nie ’n verlenging gee nie,” het sy gesê.– republikein@republikein.com.na

ECN benodig nog sowat N$60 miljoen

Kommentaar

Republikein 2025-06-18

Meld asseblief aan om kommentaar te lewer

ECN benodig nog sowat N$60 miljoen

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie