21 000 verkiesingsbeamptes, 5 000 voertuie gereed
Logistieke toerusting word by stemlokale versprei
Die Ohangwenastreek kry die meeste voertuie met 716, gevolg deur Omusati (689), Oshikoto (520), Otjozondjupa (389) en Kavango-Oos (329).
Met skaars twee weke oor voor Namibiërs hul kruisies in die plaaslike owerheid- en streekraadverkiesings 2025 gaan trek, sê die Verkiesingskommissie van Namibië (ECN) voorbereidings is op koers met meer as 5 000 voertuie wat getoets is en meer as 21 000 stembeamptes wat opleiding oraloor die land ondergaan.
Die opleidingsessies, wat vroeër vandeesmaand begin het, is daarop gemik om te verseker dat alle verkiesingspersoneel goed vertroud is met stemprosedures, materiaalhantering en die implementering van die kommissie se versterkte aanspreeklikheidsmaatreëls.
Volgens die ECN se woordvoerder, De Wet Siluka, verloop die verpakking en verspreiding van sensitiewe materiaal, insluitend stembriewe, seëls en registers, glad en word verwag om teen 17 November 2025 voltooi te wees.
STRENG VOERTUIGSTANDAARDE
In ooreenstemming met die wet op openbare verkryging en die verkiesingsbeleid, het die ECN lede van die publiek genooi om voertuie vir verkiesingslogistiek te verskaf, met 'n sterk fokus op veiligheid, neutraliteit en betroubaarheid.
Alle voertuie, het die kommissie gesê, mag nie ouer as tien jaar wees nie en moet enkel- of dubbelkajuit 2x4’ of 4x4's met 'n kappie wees. Hulle moet padwaardig en toegerus wees met bande wat minder as vyf jaar oud is en sonder enige politieke, godsdienstige of kommersiële slagspreuke.
Voor ontplooiing ondergaan elke voertuig verpligte inspeksie en padwaardigheidstoetsing wat deur die verkeerseenheid van die Namibiese polisie in elke onderskeie streek uitgevoer word.
Voertuigeienaars wie se bakkies aan die vereiste standaarde voldoen, teken 'n formele kontrak met die ECN en moet 'n gesertifiseerde afskrif van hul identiteitsdokument, voertuigregistrasiesertifikaat en bewys van versekering of 'n vrywaringsvorm verskaf.
STREEKMOBILISERING
Die landswye voertuigtoets- en inspeksieproses het van 27 tot 31 Oktober 2025 by polisie- en verkeersentrums in al 14 streke plaasgevind. Voorkeur is aan voertuie gegee wat in die kiesafdelings is waar hulle ontplooi sal word, wat doeltreffende plaaslike deelname en vinnige mobilisering op verkiesingsdag verseker.
Onder die streke met die hoogste voertuigvereistes is Ohangwena met 716, Omusati 689, Oshikoto 520, Otjozondjupa 389 en Kavango-Oos (329).
Ander streke sluit in Kunene met 351, Oshana met 330, Zambezi met 326, Kavango-Wes met 327, Khomas met 276, Omaheke met 277, Hardap met 174, Erongo met 230 en ||Kharas met 239.
Streekkoördineerders is aangestel om toesig te hou oor toets- en toekenningsprosesse en werk nou saam met plaaslike wetstoepassing om te verseker dat voertuie aan die vereiste standaarde voldoen.
TOERUSTINGONTPLOOIING
Benewens voertuie en stembusmateriaal, het die ECN ook belangrike logistieke toerusting in alle streke bekom.
Volgens die kommissie se jongste skedule sal meer as 11 000 staaltafels, 13 000 stoele, 1 800 kragopwekkers, 1 000 tente en 4 000 opvoubare plastiektafels landswyd versprei word om stembedrywighede te ondersteun.
Omusatistreek met Outapi as hoofbasis, is boaan die lys met 1 091 staaltafels, 3 043 stoele en 340 kragopwekkers en in die Omahekestreek (Gobabis) sal 1 495 stoele, 98 kragopwekkers en 50 tente ontplooi word. Ohangwena (Eenhana) sal met 190 staaltafels, 1 098 stoele en 110 tente toegerus word.
In Otjozondjupa met Otjiwarongo as hoofbasis sal 400 tafels, 1 000 stoele en 160 kragopwekkers versprei word en in Khomas in die hoofstad 1 568 stoele, 107 kragopwekkers en 86 tente, asook 804 opvoubare plastiektafels.
Ander streke soos Erongo, Kavango-Oos en -Wes, Kunene, Oshikoto en Zambezi is ook toegerus met meubels en kragopwekkers om stemlokale in afgeleë gebiede te ondersteun.
'n Totaal van 21 000 stembeamptes is op die kortlys geplaas en ontvang tans opleiding.
Hierdie beamptes sal by meer as 4 200 stemlokale oraloor die land gestasioneer wees, om te verseker dat stem- en telprosesse aan ECN-standaarde en kieswetgewing voldoen.
Die plaaslike owerheid- en streekverkiesings 2025, wat vir Woensdag 26 November geskeduleer is, sal Namibië se sewende plaaslike owerheid en streekverkiesings sedert onafhanklikheid wees.
– [email protected]
#NamibiaDecides2025
Die opleidingsessies, wat vroeër vandeesmaand begin het, is daarop gemik om te verseker dat alle verkiesingspersoneel goed vertroud is met stemprosedures, materiaalhantering en die implementering van die kommissie se versterkte aanspreeklikheidsmaatreëls.
Volgens die ECN se woordvoerder, De Wet Siluka, verloop die verpakking en verspreiding van sensitiewe materiaal, insluitend stembriewe, seëls en registers, glad en word verwag om teen 17 November 2025 voltooi te wees.
STRENG VOERTUIGSTANDAARDE
In ooreenstemming met die wet op openbare verkryging en die verkiesingsbeleid, het die ECN lede van die publiek genooi om voertuie vir verkiesingslogistiek te verskaf, met 'n sterk fokus op veiligheid, neutraliteit en betroubaarheid.
Alle voertuie, het die kommissie gesê, mag nie ouer as tien jaar wees nie en moet enkel- of dubbelkajuit 2x4’ of 4x4's met 'n kappie wees. Hulle moet padwaardig en toegerus wees met bande wat minder as vyf jaar oud is en sonder enige politieke, godsdienstige of kommersiële slagspreuke.
Voor ontplooiing ondergaan elke voertuig verpligte inspeksie en padwaardigheidstoetsing wat deur die verkeerseenheid van die Namibiese polisie in elke onderskeie streek uitgevoer word.
Voertuigeienaars wie se bakkies aan die vereiste standaarde voldoen, teken 'n formele kontrak met die ECN en moet 'n gesertifiseerde afskrif van hul identiteitsdokument, voertuigregistrasiesertifikaat en bewys van versekering of 'n vrywaringsvorm verskaf.
STREEKMOBILISERING
Die landswye voertuigtoets- en inspeksieproses het van 27 tot 31 Oktober 2025 by polisie- en verkeersentrums in al 14 streke plaasgevind. Voorkeur is aan voertuie gegee wat in die kiesafdelings is waar hulle ontplooi sal word, wat doeltreffende plaaslike deelname en vinnige mobilisering op verkiesingsdag verseker.
Onder die streke met die hoogste voertuigvereistes is Ohangwena met 716, Omusati 689, Oshikoto 520, Otjozondjupa 389 en Kavango-Oos (329).
Ander streke sluit in Kunene met 351, Oshana met 330, Zambezi met 326, Kavango-Wes met 327, Khomas met 276, Omaheke met 277, Hardap met 174, Erongo met 230 en ||Kharas met 239.
Streekkoördineerders is aangestel om toesig te hou oor toets- en toekenningsprosesse en werk nou saam met plaaslike wetstoepassing om te verseker dat voertuie aan die vereiste standaarde voldoen.
TOERUSTINGONTPLOOIING
Benewens voertuie en stembusmateriaal, het die ECN ook belangrike logistieke toerusting in alle streke bekom.
Volgens die kommissie se jongste skedule sal meer as 11 000 staaltafels, 13 000 stoele, 1 800 kragopwekkers, 1 000 tente en 4 000 opvoubare plastiektafels landswyd versprei word om stembedrywighede te ondersteun.
Omusatistreek met Outapi as hoofbasis, is boaan die lys met 1 091 staaltafels, 3 043 stoele en 340 kragopwekkers en in die Omahekestreek (Gobabis) sal 1 495 stoele, 98 kragopwekkers en 50 tente ontplooi word. Ohangwena (Eenhana) sal met 190 staaltafels, 1 098 stoele en 110 tente toegerus word.
In Otjozondjupa met Otjiwarongo as hoofbasis sal 400 tafels, 1 000 stoele en 160 kragopwekkers versprei word en in Khomas in die hoofstad 1 568 stoele, 107 kragopwekkers en 86 tente, asook 804 opvoubare plastiektafels.
Ander streke soos Erongo, Kavango-Oos en -Wes, Kunene, Oshikoto en Zambezi is ook toegerus met meubels en kragopwekkers om stemlokale in afgeleë gebiede te ondersteun.
'n Totaal van 21 000 stembeamptes is op die kortlys geplaas en ontvang tans opleiding.
Hierdie beamptes sal by meer as 4 200 stemlokale oraloor die land gestasioneer wees, om te verseker dat stem- en telprosesse aan ECN-standaarde en kieswetgewing voldoen.
Die plaaslike owerheid- en streekverkiesings 2025, wat vir Woensdag 26 November geskeduleer is, sal Namibië se sewende plaaslike owerheid en streekverkiesings sedert onafhanklikheid wees.
– [email protected]
#NamibiaDecides2025
Kommentaar
Republikein
Geen kommentaar is op hierdie artikel gelaat nie