Uitdagings belemmer teenkorrupsieplan

Tekortkominge in die voorkoming van korrupsie word veral in onder meer staatskantore, ministeries en plaaslike owerhede opgemerk.Dit volgens die Teenkorrupsiekommissie van Namibië (ACC) se jaarverslag vir 2022-’23 met betrekking tot sy teenkorrupsiestrategie en plan van aksie (NACSAP) vir 2021-’25 wat verlede week in die parlement ter tafel gelê is.Die verslag handel oor die vordering en uitdagings van die plan se eerste jaar van implementering en op die oog af maak die ACC goeie vordering, met 87 van 95 aksies wat deur 44 instellings uitgevoer is.Die plan het ten doel om deur samewerking Namibië se kwesbaarheid vir korrupsie te identifiseer en korrupsie landswyd te voorkom.STRUIKELBLOKKEStruikelblokke wat genoem word, is onder meer beperkte hulpbronne, ’n gebrek aan eienaarskap van die plan by verskeie instellings, laat of geen verslagdoening en swak raamwerke teen korrupsie.Uit die agt strategiese doelwitte is veral tekortkominge opgemerk in die voorkoming van korrupsie in staatskantore, ministeries en agentskappe, staatsondernemings, streekrade, plaaslike owerhede en tradisionele owerhede. Sewe doelwitte in hierdie afdeling is nie bereik nie.Met betrekking tot regeringsagentskappe het die ACC glo versuim om risiko’s van korrupsie op nasionale vlak te bestuur, stelsels te hersien om korrupsie moeiliker te maak, ’n teenkorrupsiebeleid in die ministerie van hoër onderwys te vestig en ’n verslag oor die bekendmaking van bates van die eerste minister se kantoor te verkry.Een van die doelwitte met betrekking tot die voorkoming van korrupsie in die private sektor is nie bereik nie. Dit handel oor die vermoë van maatskappye om hul eie boeke te laat oudit.Luidens die verslag het die Owerheid vir Sake- en Intellektuele Eiendom (Bipa) gesê die verskaffing van ondersteuning vir boekhou-uitgawes val nie onder sy mandaat nie.Die regbank ly ook onder ’n gebrek aan hulpbronne om beamptes op te lei, toerusting aan te koop en oor die algemeen vir die koste van korrupsiesake te betaal.Een van die doelwitte is ook om korrupsie in sport te beperk. Sportliggame en die betrokke ministerie het egter geen beleid teen korrupsie of om deursigtigheid te bevorder nie.KORRUPSIE IN POLISIEDie ministerie van binnelandse sake, immigrasie, veiligheid en sekuriteit kon in die betrokke tydperk 25 dissiplinêre sake binne sy departemente vir immigrasie, siviele registrasie en vlugtelingbestuur afhandel, met vyf beamptes wat afgedank en een wat na ’n laer posisie afgegradeer is.In die polisie is 546 departementele sake en 726 strafregtelike sake met betrekking tot korrupsie afgehandel. Sowat 56 polisiebeamptes is afgedank en agt na ’n laer rang afgegradeer. By die tronke was daar 331 dissiplinêre verhore, waaruit 14 beamptes ontslaan is en drie na laer range afgegradeer is.Om geldwassery in terme van onwettige inkomste en finansiering van terrorisme te bekamp, ??werk die Finansiële Intelligensiesentrum saam met wetstoepassers, Jan Taks, die ACC en die kantoor van die aanklaer-generaal. Dié vennote kon gedurende die betrokke boekjaar 24 ingrypingsbevele bekom om beslag te lê op nagenoeg N$15,5 miljoen. – augetto@nmh-hub.com.na

Uitdagings belemmer teenkorrupsieplan

Kommentaar

Republikein 2026-02-03

Meld asseblief aan om kommentaar te lewer

Uitdagings belemmer teenkorrupsieplan

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.