Swakop-polisiekantoor kry nuwe baadjie van N$18 m.

Die hoof van die Namibiese polisie (Nampol), inspekteur-generaal Joseph Shikongo, het verlede week die nuut opgeknapte Swakopmund-polisiekantoor amptelik heropen – ’n mylpaal in die dorp se pogings om openbare veiligheid en polisiëringsdienste te verbeter.Die polisiekantoor, wat oorspronklik in 1964 gebou is, het opknappingswerk ter waarde van meer as N$18 miljoen ondergaan, wat die ou struktuur in ’n moderne en ten volle funksionele polisiefasiliteit omskep het.Die opgegradeerde polisiekantoor beskik nou oor ’n nuwe aanklagkantoor, ’n administrasieblok, ses aanhoudingselle en kombuisgeriewe, wat ’n doeltreffender en gemaklike werksomgewing vir beamptes bied.Die projek is op 7 Junie 2024 aan die kontrakteurs oorhandig en op 23 Oktober vanjaar voltooi.Shikongo het gesê die inisiatief het een van die polisie se mees volgehoue uitdagings getakel: ’n Gebrek aan voldoende kantoorruimte.“Die Namibiese polisie staar steeds ’n tekort aan voldoende kantoorruimte in die gesig, wat noodsaaklik is vir doeltreffende dienslewering,” het hy gesê.“Hierdie projek is dus ’n welkome ontwikkeling wat ons in staat sal stel om ons mans en vroue in uniform behoorlik en op ’n geskikte manier te ontplooi.”Shikongo het bygevoeg dat die heropening meer as ’n simboliese seremonie was.Hy het gesê die nuwe polisiekantoor “verteenwoordig ons gesamentlike verbintenis tot die versterking van polisiëringsinfrastruktuur, die verbetering van dienslewering en die bevordering van openbare veiligheid vir alle burgers.”WET EN ORDEDie onderburgemeester van Swakopmund, Suama Kautondokwa, het die samewerking tussen die polisie, kontrakteurs en plaaslike rolspelers geprys wat die projek moontlik gemaak het.“Die polisiekantoor staan as ’n simbool van wet, orde en veiligheidswaardes wat noodsaaklik is vir die groei en stabiliteit van ons dorp,” het sy gesê.Kautondokwa het opgemerk die nuwe geriewe sal nie net die werksomstandighede vir beamptes verbeter nie, maar sal ook die verhouding tussen die polisie en die gemeenskap versterk.“Ons het verseker dat ons mans en vroue in uniform ’n bevorderlike, doeltreffende en moderne werksomgewing kry, een wat hulle bemagtig om met trots en professionaliteit te dien en te beskerm,” het sy gesê.Kautondokwa het beklemtoon dat volhoubare ontwikkeling en sekuriteit hand aan hand gaan.“Vrede en veiligheid laat besighede toe om te groei, gesinne om te floreer en gemeenskappe om sonder vrees te leef.“Hierdie opknapping is ’n belegging in die voortgesette vooruitgang en voorspoed van Swakopmund,” het sy bygevoeg. – republikein@republikein.com.na

Swakop-polisiekantoor kry nuwe baadjie van N$18 m.

Kommentaar

Republikein 2025-12-19

Meld asseblief aan om kommentaar te lewer

Swakop-polisiekantoor kry nuwe baadjie van N$18 m.

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.