Polisie slaan toe op sluikhandel

Die polisie het Vrydag in Oshakati en Ondangwa toegeslaan op brandstofsmokkelaars en twee verdagtes in hegtenis geneem. By ‘n woning in die Uupindi-buurt in Oshakati is beslag gelê op 34 dromme van 25 liter elk en een 20 l-houer met brandstof ter waarde van ‘n geskatte N$14 000. Nog 23 leë 25-konkas was op die perseel asook ‘n leë 200 l-drom. Kontant van byna N$17 000 is ook gekonfiskeer. Een verdagte, ‘n 27-jarige man is in hegtenis geneem, terwyl ‘n tweede verdagte op die vlug geslaan het. Die klopjag in Ondangwa het in die Olunkono-buurt plaasgevind. Hier is ‘n 33-jarige man gearresteer. Net sowat N$500 se brandstof is hier gevind, asook N$3 610 se kontant en ‘n totaal van 90 leë houers.

Kommentaar

Republikein 2025-05-03

Geen kommentaar is op hierdie artikel gelaat nie

Meld asseblief aan om kommentaar te lewer