Polisie bevorder 911 beamptes, 46% vroue
Inspekteurs, adjudantoffisiere
Uit die 911 polisiebeamptes wat onlangs bevorder is, is 421 vroue.
Elizabeth Kheibes - Luitenant-generaal Joseph Shikongo sê 'n totaal van 911 polisiebeamptes is met ingang 1 Februarie 2024 bevorder en waarvan 421 (46%) vroue is. Die manlike beamptes wat bevorder is, is 490. Uit die 911 is 300 bevorder van inspekteur tot senior inspekteur en 469 van 'n adjudantoffisier na inspekteur.
“Ek sal egter net range aan 27 offisiere van verskeie direktorate en eerste afdelings toeken, terwyl die oorblywende personeel deur hul onderskeie streekbevelvoerders hul range sal ontvang. Ek moet beklemtoon dat die bevordering van bogenoemde beamptes nie moontlik sou wees sonder die toewyding en voortgesette ondersteuning van die sentrale regering nie," het Shikongo gesê.
Hy het gemaan die bevordering beteken groter verantwoordelikheid.
"Dit is belangrik om te beklemtoon dat lede van die mag bevorder word in erkenning van hul toewyding tot nasionale verpligtinge. Die bevordering moet dus nie net gesien word as 'n blote versiering of beloning aan 'n beampte of lid nie, maar dit kom saam met reuse-verantwoordelikhede wat op hul skouers rus. Dit sluit in 'n hoë vlak van verantwoordbaarheid, toewyding, beheer en eerlikheid in die toepassing van die wet," het hy gesê. – [email protected]
“Ek sal egter net range aan 27 offisiere van verskeie direktorate en eerste afdelings toeken, terwyl die oorblywende personeel deur hul onderskeie streekbevelvoerders hul range sal ontvang. Ek moet beklemtoon dat die bevordering van bogenoemde beamptes nie moontlik sou wees sonder die toewyding en voortgesette ondersteuning van die sentrale regering nie," het Shikongo gesê.
Hy het gemaan die bevordering beteken groter verantwoordelikheid.
"Dit is belangrik om te beklemtoon dat lede van die mag bevorder word in erkenning van hul toewyding tot nasionale verpligtinge. Die bevordering moet dus nie net gesien word as 'n blote versiering of beloning aan 'n beampte of lid nie, maar dit kom saam met reuse-verantwoordelikhede wat op hul skouers rus. Dit sluit in 'n hoë vlak van verantwoordbaarheid, toewyding, beheer en eerlikheid in die toepassing van die wet," het hy gesê. – [email protected]
Kommentaar
Republikein
Geen kommentaar is op hierdie artikel gelaat nie