Polisie bevestig reuse-daggavonds in Junie

Die altesaam 696 087,88 kg dagga wat deur die Namibiese polisie (Nampol) gedurende Junie op beslag gelê is, is akkuraat, volgens die polisie se woordvoerder, adj.komm. Kauna Shikwambi, maar hoe vergelyk hierdie syfer met die res van die wêreld?Die Nigeriese nasionale agentskap vir dwelmwetstoepassing (NDLEA) het in April vanjaar 1,4 miljoen kilogram dagga vernietig, volgens die uitsaaier Channels Television.Nigerië se bevolking word deur die Verenigde Nasies (VN) op meer as 237,5 miljoen beraam, vergeleke met Namibië se 3 miljoen volgens die laaste nasionale sensussyfer.Volgens die Europese Unie se dwelmagentskap (EUDA) was Bulgarye die grootste sondebok vir dagga-beslagleggings in 2022 – die agentskap se jongste syfers – met 28 466,88 kg wat daardie jaar deur die polisie gevind is. Die land se bevolking was toe 6,643 miljoen sterk.Roemenië is tweede op die lys van vyf Europese lande waarvoor die EUDA daggastatistieke vir 2022 verskaf het, met 3 586,34 kg wat gekonfiskeer is. Die bevolking het op 19,05 miljoen mense gestaan.Volgens die VN se Kantoor vir Dwelms en Misdaad (UNODC) het Afrikane in 2023 44% van die gebruikers van daggakruie en -stof wêreldwyd uitgemaak.JUNIE SE SYFERSVolgens Nampol is daar verlede maand, benewens dagga, ook op 331 Mandrax-tablette, 7,2 gram kokaïen, 128 eenhede crack-kokaïen en 14 tik-strooitjies beslag gelê.Van die 137 dwelmverwante arrestasies is 129 verdagtes Namibiërs, vier Angolese, twee Zambiërs, een Tanzaniër en ’n burger van Eswatini.Die individuele waarde van die verskeie soorte dwelms is nie deur Nampol verskaf nie. Die gesamentlike waarde is ook nie bekend nie.– irene-mari@nmh-hub.com.na

Polisie bevestig reuse-daggavonds in Junie

Kommentaar

Republikein 2025-12-17

Meld asseblief aan om kommentaar te lewer

Polisie bevestig reuse-daggavonds in Junie

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.