Opname: Namibiërs nie tevrede met polisiegedrag

Ellanie Smit - Slegs 33% van Namibiërs glo dat die polisie "dikwels" of "altyd" op &#039;n professionele wyse optree en alle burgers se regte respekteer, het &#039;n Afrobarometer-opname bevind.“Die feit dat slegs ’n minderheid dink die polisie werk in die algemeen op ’n professionele wyse en respekteer alle burgers se regte, dui algeheel op blywende uitdagings vir ’n mag wat die taak het om respek vir wet en orde af te dwing – en te modelleer –,” lui die verslag. Die Afrobarometer-verslag, getiteld “Namibians see police falling short of professional conduct and respect for citizens’ rights”, berig oor opnameresultate wat toon dat &#039;n groeiende aantal Namibiërs onveilig voel in hul huise en woonbuurte en dink die regering moet &#039;n beter poging aanwend om misdaad te verminder.Meer as die helfte van Namibiërs wat aan die opname deelgeneem het, het onveilig gevoel om in hul woonbuurt te loop (59%) en minstens een keer gedurende die jaar voor die opname misdaad gevrees (52%). Boonop het gevoelens van onsekerheid en vrees die afgelope dekade skerp toegeneem en is dit baie meer algemeen onder stedelike inwoners en arm burgers as hul landelike en meer welaf eweknieë, luidens die opname. VERTROUEDie polisie het “gemengde resensies” ontvang, lui die verslag.“Onder burgers wat interaksie met hulle gehad het, sê &#039;n meerderheid hulle het nie ’n probleem gehad om hulp te verkry nie, terwyl ongeveer een uit elke vyf sê hulle moes omkoopgeld betaal of &#039;n geskenk gee. ’n Aansienlike minderheid van Namibiërs beskou korrupsie as endemies in die polisiemag, hoewel ander staatsinstellings slegter vaar.”Die verslag het bygevoeg “die meeste burgers het vertroue in die polisie uitgespreek en vertrou dat hulle aanmeldings van geslagsgeweld ernstig opneem. Maar meerderhede is ook krities oor polisiegedrag, insluitend hul vermeende deelname – ten minste soms – aan misdrywe en hul gebruik van oormatige geweld in die hantering van betogers en vermeende misdadigers.”&#039;n Meerderheid van Namibiërs (57%) was krities oor die regering se sukses met misdaadbekamping. Slegs 42% het geglo die regering vaar redelik goed in hierdie verband.PROBLEMEAltesaam 29% het gesê hulle het polisiebystand gevra gedurende die jaar voor die opname, terwyl 43% in ander situasies soos kontrolepunte, tydens identiteitskontroles, padblokkades of tydens &#039;n ondersoek met die polisie te doen gekry het. “Onder diegene wat polisiehulp gevra het, sê 38% dit was moeilik om die polisiebystand te kry wat hulle nodig gehad het, en 18% sê hulle moes omkoopgeld betaal.”Die verslag het bygevoeg onder diegene wat die polisie in ander situasies teëgekom het, het 19% gesê hulle moes omkoopgeld betaal om probleme te vermy.Verder het 32% van Namibiërs gesê hulle beskou die meeste of alle polisie as korrup, terwyl 64% gesê het dat hulle die polisie ietwat of baie vertrou.&#039;n Meerderheid van Namibiërs het gesê hulle glo polisiebeamptes is betrokke by onvanpaste en selfs onwettige aktiwiteite.INTERAKSIES Altesaam 73% het gesê die polisie gebruik ten minste soms buitensporige geweld wanneer hulle met vermeende misdadigers te doen kry, insluitend 38% wat gesê het dit gebeur dikwels of altyd.Intussen het 65% van die respondente gesê die polisie is betrokke by misdrywe, insluitend 28% wat gesê het hulle dink dit gebeur gereeld.&#039;n Verdere 28% van Namibiërs het gesê die polisie gebruik gereeld buitensporige geweld om betogings onder beheer te kry, benewens 34% wat gesê het dit gebeur net soms.En meer as die helfte (55%) het gesê die polisie stop motoriste “soms”, “dikwels” of “altyd” sonder goeie rede.republikein@republikein.com.na

Opname: Namibiërs nie tevrede met polisiegedrag

Kommentaar

Republikein 2026-01-13

Meld asseblief aan om kommentaar te lewer

Opname: Namibiërs nie tevrede met polisiegedrag

Kommentaar

Republikein 2026-01-13

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.