Man oorleef krokodilaanval

Die 22-jarige Damian Haikera het ’n krokodilaanval by die Kafuma-nedersetting in die Kavango-Wesstreek oorleef terwyl hy in die rivier gebad het.

Hoofinspekteur Raimbert Muronga van die polisie in die streek het die voorval bevestig wat omstreeks 15:00 plaasgevind het.

“Volgens berigte het ’n krokodil Haikera aangeval terwyl hy in die water was. Hy kon egter daarin slaag om uit die roofdier se greep te ontsnap, maar het in die proses ’n gebreekte regterarm opgedoen, asook kneusplekke aan sy regtervoet en linkerarm.

’n Verbyganger het hom te hulp gesnel en Haikera is na die Nankudu-staatshospitaal geneem.

“Weens die erns van sy beserings is hy later na die Rundu-staatshospitaal oorgeplaas vir verdere behandeling,” het Muronga gesê.

Hy het inwoners gewaarsku oor die gevare wat die stygende riviervlakke inhou.

“Die gemeenskap word gemaan om versigtig te wees en liewer nie in die rivier te swem gedurende hierdie tydperk van oorstromings nie.

“Mense word ook aangeraai om nie alleen rivier toe te gaan nie. Die watervlakke het gestyg en gevaarlike diere, insluitend krokodille en seekoeie, is algemeen. Boonop bly slange ’n erns