Guinasmeer: Geen teken van tiener se liggaam

Drie weke nadat ‘n leerling in die Guinasmeer verdrink het, soek die Namibiese Polisie steeds na sy liggaam, terwyl sy familie desperaat is vir antwoorde.O’Linn Nauyoma (16), ’n leerling van die Etosha Sekondêre Skool, het na bewering verdrink terwyl hy op ’n skooltoer was. Hy is die derde persoon wat in die natuurlike meer verdrink het. Die polisie se streekbevelvoerder vir Oshana, kommissaris Naftal Lungameni Sakaria, sê hoewel die soektog verskerp is, het hul pogings tot op hede nog niks opgelewer nie. Die polisie het van Nauyoma se verdrinking tydens 'n jaarlikse duikoefening by die Otjikotomeer - sowat 30 kilometer verder - gehoor en is ontbied om te help, het hy Sakaria gesê. Nauyoma het glo op 8 September omstreeks 15:00 verdrink terwyl hy op 'n skooluitstappie deel van die leerlingraad se opleiding was. Luidens ’n polisieverslag het Nauyoma saam met ’n vriend in die meer geswem toe hy verdrink het.“Guinasmeer is 'n geheimsinnige meer met baie verhale, insluitend oortuigings dat dit 'n bodemlose put het en met ander waterbronne verbind. Tot op hede het ons drie mense wat in die meer verdrink het en [hul liggame] is nooit teruggevind nie,” het Sakaria gesê.Volgens die streekbevelvoerder het die polisie verskeie duikpogings uitgevoer op soek na die tiener se liggaam, "maar die onderwater topografie is moeilik, met die grotstelsel wat vanuit verskillende hoeke buig en wat dit moeilik maak vir liggame om na die oppervlak te kom".“Ons hoop is dat die lyk gevind sal word. Ons het al die duikpogings uitgevoer wat ons kon,” het Sakaria bygevoeg.Die Guinasmeer is die grootste natuurlike meer in Namibië met 'n diepte van 130 meter en 'n oppervlakte van 6 600 vierkante meter. Dit het 'n breedte van 59 meter en 'n lengte van 120 meter. Geleë op die D3031-grondpad tussen Otavi en Tsumeb, is die meer baie jare gelede gevorm nadat 'n karstgrot ineengestort en met water opgevul het. Daar word geglo - maar is nie bewys nie - dat die meer deur 'n ondergrondse grottestelsel met die Otjikotomeer verbind is. - republikein@republikein.com.na

Guinasmeer: Geen teken van tiener se liggaam

Kommentaar

Republikein 2025-05-01

Meld asseblief aan om kommentaar te lewer

Guinasmeer: Geen teken van tiener se liggaam

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie