Bejaarde egpaar op Karibib beroof

Drie gemaskerde mans het Vrydag omstreeks 02:00 by ‘n huis in die omgewing van die Namagra-fabriek op Karibib ingebreek en die bejaarde inwoners vasgebind en beroof. Volgens die polisie se jongste misdaadverslag het die verdagtes toegang tot die huis deur ‘n oop venster verkry, die bejaarde egpaar met handdoeke vasgebind en met ‘n mes gedreig. Hul buit het ingesluit ‘n goue hangertjie van 18 karaat met diamante, satelliet-dekodeerder, skootrekenaar, IPhone 12, Samsung-selfoon, paspoort en juweliersware. Die waarde is N$231 000.