Twee vas ná ontdekking van verminkte liggaam
Beskuldigdes verskyn in hof
Die gebied is berug vir raaiselagtige sterftes, met gemeenskapslede wat sê die jongste voorval is die 19de van sy soort.
Die polisie in die Kavango-Oosstreek ondersoek tans die dood van Felix Disho Thikundeko (17), wie se lewelose liggaam Saterdag in ‘n vlei naby die Kavangorivier by die dorp Rudhiva in die Mukwe-kiesafdeling gevind is.
Thikundeko was vyf dae lank vermis voor sy liggaam ontdek is.
Twee verdagtes in dié gruvoorval, mnre. Kavanga Alexander Kandere (36) en Leevi Steven Dengwe (22), het gisteroggend in die periodieke hof op Mukwe verskyn op klagte van moord en regsverydeling. Die twee is borgtog geweier en die saak is tot 5 Oktober vir verdere polisieondersoek uitgestel.
Met ‘n nadoodse ondersoek wat gister uitgevoer sou word, het ons susterkoerant Namibian Sun van betroubare bronne verneem dat van die oorledene se liggaamsdele verwyder is.
Dit sluit sy linkerbeen, vingerpunte en weefsel van sy regterarm in, terwyl sy maag oopgesny is. Na bewering is die oorledene se penis ook verwyder.
Dit is Saterdag aan Namibian Sun bevestig dat die slagoffer se sandale en pet in die verdagte(s) se besit gevind is.
Toe Republikein se susterkoerant Namibian Sun die oorledene se pa, mnr. Wagho Thikundeko, se huis besoek het, het hy gesê hy is geskok oor wat met sy kind gebeur het.
“Ek voel nie lekker nie,” het hy gesê en bygevoeg hy het sy seun verlede Sondag laas gesien.
“Hy was by die huis en dié aand het hy gesê hy gaan na sy vriende toe. Toe ons Maandag wakker word, het ons opgemerk hy is nie tuis nie en ons het begin wonder waar hy is.
“Ons het in daardie stadium gedink hy het by familielede gaan oornag, net om te hoor hy is nie daar nie. Dit is tóé dat ons na hom begin soek het,” het hy gesê.
Die oorlede tiener was ‘n graad 8-leerling aan die Diyana Gekombineerde Skool. Hy was ‘n sokkerspeler en het sy skool ook in atletiek verteenwoordig.
RAAISELAGTIGE MOORDE
Intussen is Rudhiva ‘n paar kilometer weg van Kapako, die dorp waar die liggaam van die 22-jarige mnr. Mukuve Ryan Frederick Kanyanga – ‘n student aan die Universiteit van Namibië (Unam) se Rundu-kampus – in Junie verlede jaar ontdek is. Sy liggaam is ook in die Kavangorivier gevind.
Niemand is nog in verband met dié saak in hegtenis geneem nie.
Die gebied is berug vir raaiselagtige sterftes, waarvan die jongste voorval as die 19de van sy soort beskou word.
Verlede jaar het jeuggroepe van Mukwe en die omliggende dorpe klagskrifte aan die polisiehoof, lt.genl. Sebastian Ndeitunga, gerig oor die moorde in hul gemeenskappe en die polisie 15 dae gegee om op hul eise te reageer – anders sou hulle die reg in eie hande neem.
“Ons is nie diere wat so geslag kan word sonder dat enige verdagtes of geïdentifiseer word, of die skuldiges in hegtenis geneem word nie. Ons voel nie vry in ons eie gemeenskap nie; ons is nie veilig in ons gemeenskap nie en ons word doodgemaak asof ons nie mense is nie.
“Waar is ons regering? Hoekom doen ons leiers niks oor hierdie barbaarse moorde nie? Hoor hulle ons noodkrete? Ons moet beskerm word,” het ‘n versoekskrif destyds gelui.
“Ons sal nie meer hierdie tipe gedrag in ons gemeenskappe duld en onbetwis laat nie. Ons is moeg vir hierdie boosheid en ons hoef nie so te leef nie,” het die groep gesê.
– [email protected]
Thikundeko was vyf dae lank vermis voor sy liggaam ontdek is.
Twee verdagtes in dié gruvoorval, mnre. Kavanga Alexander Kandere (36) en Leevi Steven Dengwe (22), het gisteroggend in die periodieke hof op Mukwe verskyn op klagte van moord en regsverydeling. Die twee is borgtog geweier en die saak is tot 5 Oktober vir verdere polisieondersoek uitgestel.
Met ‘n nadoodse ondersoek wat gister uitgevoer sou word, het ons susterkoerant Namibian Sun van betroubare bronne verneem dat van die oorledene se liggaamsdele verwyder is.
Dit sluit sy linkerbeen, vingerpunte en weefsel van sy regterarm in, terwyl sy maag oopgesny is. Na bewering is die oorledene se penis ook verwyder.
Dit is Saterdag aan Namibian Sun bevestig dat die slagoffer se sandale en pet in die verdagte(s) se besit gevind is.
Toe Republikein se susterkoerant Namibian Sun die oorledene se pa, mnr. Wagho Thikundeko, se huis besoek het, het hy gesê hy is geskok oor wat met sy kind gebeur het.
“Ek voel nie lekker nie,” het hy gesê en bygevoeg hy het sy seun verlede Sondag laas gesien.
“Hy was by die huis en dié aand het hy gesê hy gaan na sy vriende toe. Toe ons Maandag wakker word, het ons opgemerk hy is nie tuis nie en ons het begin wonder waar hy is.
“Ons het in daardie stadium gedink hy het by familielede gaan oornag, net om te hoor hy is nie daar nie. Dit is tóé dat ons na hom begin soek het,” het hy gesê.
Die oorlede tiener was ‘n graad 8-leerling aan die Diyana Gekombineerde Skool. Hy was ‘n sokkerspeler en het sy skool ook in atletiek verteenwoordig.
RAAISELAGTIGE MOORDE
Intussen is Rudhiva ‘n paar kilometer weg van Kapako, die dorp waar die liggaam van die 22-jarige mnr. Mukuve Ryan Frederick Kanyanga – ‘n student aan die Universiteit van Namibië (Unam) se Rundu-kampus – in Junie verlede jaar ontdek is. Sy liggaam is ook in die Kavangorivier gevind.
Niemand is nog in verband met dié saak in hegtenis geneem nie.
Die gebied is berug vir raaiselagtige sterftes, waarvan die jongste voorval as die 19de van sy soort beskou word.
Verlede jaar het jeuggroepe van Mukwe en die omliggende dorpe klagskrifte aan die polisiehoof, lt.genl. Sebastian Ndeitunga, gerig oor die moorde in hul gemeenskappe en die polisie 15 dae gegee om op hul eise te reageer – anders sou hulle die reg in eie hande neem.
“Ons is nie diere wat so geslag kan word sonder dat enige verdagtes of geïdentifiseer word, of die skuldiges in hegtenis geneem word nie. Ons voel nie vry in ons eie gemeenskap nie; ons is nie veilig in ons gemeenskap nie en ons word doodgemaak asof ons nie mense is nie.
“Waar is ons regering? Hoekom doen ons leiers niks oor hierdie barbaarse moorde nie? Hoor hulle ons noodkrete? Ons moet beskerm word,” het ‘n versoekskrif destyds gelui.
“Ons sal nie meer hierdie tipe gedrag in ons gemeenskappe duld en onbetwis laat nie. Ons is moeg vir hierdie boosheid en ons hoef nie so te leef nie,” het die groep gesê.
– [email protected]
Kommentaar
Republikein
Geen kommentaar is op hierdie artikel gelaat nie