Seun (9) verkrag glo meisie (5) op Tsintsabis

Die polisie in die Oshikotostreek ondersoek ’n klag van verkragting nadat ’n vyfjarige meisie na bewering deur haar negejarige neef in die Tsintsabis-nedersetting verkrag is. Volgens die polisie is daar twee verdagtes in die saak aangesien die vermeende oortreder een van ’n identiese tweeling is en die slagoffer nie tussen hulle kan onderskei nie. Die voorval het glo in Desember verlede jaar plaasgevind en volgens voorlopige ondersoeke moet die presiese dag en datum nog vasgestel word. “Na bewering was die slagoffer en die twee verdagtes, wat ’n identiese tweeling en haar neefs is, van Tsumeb vir die vakansie op die plaas. “Een van die tweeling het op ’n onbekende datum gedurende die nag die slagoffer ontklee en seksuele omgang met haar gehad wat haar met beserings gelaat het,” lui die polisieverslag.Op 29 Desember 2024 het die verdagtes en die slagoffer glo hul ouma in die Elavi-nedersetting besoek. Die slagoffer het na bewering haar broer vertel wat gebeur het en hy het vir hul ouma gesê. SKOKKENDDie plaaslike sielkundige dr. Shaun Whittaker het by navraag deur Network Media Hub (NMH) die voorval as skokkend beskryf, omdat die jong seun se seksuele hormone eers op die ouderdom van 13 sou begin ontwikkel.Met betrekking tot hierdie voorval het Whittaker gesê “sou so ’n jong seun soos in die geval van die verdagte op die ouderdom van nege sulke onvanpaste seksuele dade pleeg, kan hy moontlik die slagoffer van seksuele molestering wees”. “Vir seuns verander hul hormone eintlik regtig vanaf die ouderdom van 13. Jy verwag dus nie van ’n negejarige seun om so iets te doen nie," het hy gesê.“Ongelukkig is een van die gevolgtrekkings dat hierdie seun ook seksueel gemolesteer word. Ek is as sielkundige beslis nie oortuig daarvan dat ’n kind pornografie sal kyk en noodwendig so iets sal doen nie. “Vir my beslis is die mees waarskynlike moontlikheid dat hierdie seun self seksueel gemolesteer word. “Uiteindelik, as jy self iets direk ervaar, is jy natuurlik meer geneig om te herhaal wat aan jou gedoen is. Daar is natuurlik dus ’n behoefte aan professionele ingryping, vir die seun ook,” het Whittaker verduidelik. Hy het beklemtoon die slagoffer sal die ondersteuning van haar ouers nodig hê en professionele hulp moet kry omdat die ervaring haar kan bybly soos sy ouer word.“Ek dink dis eers ná hoërskool dat jongmense gereed is vir seksuele omgang. So vir ’n vyfjarige het dit natuurlik hoogs getraumatiseerde, waarskynlik lewenslange gevolge,” het hy gesê.“Daar sal dus een of ander vorm van gereelde psigoterapie en gereelde professionele ingryping moet wees deur die loop van haar kinderjare en ook as tiener. “Veral wanneer puberteit op 11 begin, is dit baie belangrik vir haar ouers om haar vir ’n langtermynoorsig na ’n maatskaplike werker of sielkundige te neem.“Dit is moontlik om met terapie daardie soort trauma te behandel. Maar dit is net moeilik as jy ’n kind of selfs ’n jong tiener is,” het Whittaker gesê. – republikein@republikein.com.na

Seun (9) verkrag glo meisie (5) op Tsintsabis

Kommentaar

Republikein 2025-11-12

Meld asseblief aan om kommentaar te lewer

Seun (9) verkrag glo meisie (5) op Tsintsabis

Kommentaar

Republikein 2025-11-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.