Profeet verkrag glo seun

“Moet tog nie ’n klag gaan lê nie. Dit sal ’n groot skande vir die kerk beteken.”Só het ’n hoofpastoor na bewering aan ’n ma gesê wie se tienjarige seun glo verlede Sondag deur ’n profeet van die AGS-kerk in Otjomuise verkrag is toe hy by dié pastoor se huis oorgeslaap het.Volgens die seun se ma het hy na die hoofpastoor se huis gegaan waar hy gereeld gekuier het aangesien hy ook sy peetpa is. ’n Profeet wat by die hoofpastoor se huis gebly het, het na bewering gedurende die aand vir die seun gesê om by hom te kom slaap.“Hy het sy broek afgetrek en iets gesmeer. My seun het wakker geskrik. Die profeet het vir hom gesê om stil te bly en hy sal later vir hom geld gee,” het die ma gesê.Die seun het glo die volgende oggend die hoofpastoor van die voorval ingelig en volgens die ma het hy vir die seun gesê om nie daaroor te praat nie. Hy het die seun na bewering by sy ma gaan aflaai en die seun het eers later daardie dag vir sy ma van die voorval vertel.Die hoofpastoor het glo die ma probeer ontmoedig om ’n klag te lê.’n Kollega het haar egter oorreed om verlede Woensdag ’n klag by die Katutura-polisiekantoor aanhangig te maak. Die seun het ook ’n verkragtingstoets ondergaan en sy beserings is aangeteken.SKOONVELDDie profeet is nog nie in hegtenis geneem nie en het volgens die ma reeds uit die hoofpastoor se huis getrek en kan nie opgespoor word nie. Die inspekteur wat die saak ondersoek, het glo aan die familie gesê: “Sê my waar die man is en dan sal ek hom in hegtenis neem.”KAMPVEGTERDie menseregte-aktivis Rosa Namises het die voorval ten sterkste veroordeel.Sy het weer ’n beroep op die president en enige toekomstige leier gedoen om ’n noodtoestand rakende die verkragting van volwassenes en kinders, wat tans seuns insluit, af te kondig. “Ons kinders is nêrens meer veilig nie. Dit is nie die eerste keer dat ֹ’n persoon van ’n sogenaamde heilige plek kinders mishandel nie.” “Ek doen ’n beroep op alle kerke om petisies op te stel en te betoog teen hulle eie kerkmense, soos hulle teen selfdegeslaghuwelike gedoen het, om die kinders te beskerm“Die kerk moet standpunt inneem. Ek weet nie hoekom hulle so stil is wanneer een van hulle kinders en veral seuns misbruik word nie. “Dié voorval is nie die eerste een nie en die kerk is vreesbevange en veroordeel Namibiërs wat homoseksueel is, maar bly stil wanneer kinders deur kerklede verkrag word.”Namises het ook ’n beroep op burgerlike organisasie gedoen om op te tree. “Ons moet wys dat ons ongelukkig is, want die kerk beteken nie veel nie. Ons moet betoog, nie net vir die beskerming van ons vroue en kinders nie, maar ook teen die dubbelsinnige gedrag van ons kerkleiers en -lede.”Volgens haar is die man van die kerk wat die ma gevra het om stil te bly ook nie die uitsondering nie.“Families van verkragters kan vir die ma van ’n kind of die vrou self vra om stil te bly. So word vroue omgekoop om stil te bly. Hulle bly stil omdat hulle bang is om hulle huis, werk of verhouding te verloor en op die ou einde verloor hulle net hul kinders omdat ons in ’n patriargiese wêreld lewe. Patriarge sal altyd seëvier. Ons moet die stilte verbreek.”“Ons moet ons kinders en vroue beskerm – ons moet terugveg, maak nie saak wat dit kos nie.”STATISTIEKDie hoof van die eenheid vir geslagsgebaseerde geweld (GBV) in die Oshanastreek, hoofinspekteur Kaarina Shiimi, het onlangs gesê 61 verkragtings is tussen Januarie en Junie vanjaar in dié streek aangemeld, waarvan 25 slagoffers kinders is. Gedurende dieselfde tydperk verlede jaar het die streek 258 GBV- en 41 verkragtingsake aangeteken, waarvan 20 kinders was. – republikein@republikein.com.na

Profeet verkrag glo seun

Kommentaar

Republikein 2025-05-02

Meld asseblief aan om kommentaar te lewer

Profeet verkrag glo seun

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie