Polisiehoof praat oor ongeluk
Naasbestaandes vermoed toesmeerdery
Die inspekteur-generaal van die Namibiese polisie het in 'n onderhoud gesê hy het berou oor die ongeluk en het verskeie slapelose nagte oor die verlore jong lewens gehad.
Tuyeimo Haidula en Enzo Amuele – Die gesinne van die slagoffers wat in Desember in ’n motorongeluk dood is waarby inspekteur-generaal Joseph Shikongo van die Namibiese polisie (Nampol) betrokke was, het gesê hulle is teleurgesteld dat hy nie in hegtenis geneem is nie, en dat hulle geen betuiging van medelye van hom of sy kantoor ontvang het nie.
Die polisiehoof het egter vandeesweek tydens ’n lang telefoniese onderhoud met ons susterkoerant Namibian Sun ontken dat hy nie sy medelye betuig het nie.
Die ongeluk het op 30 Desember 2022 omstreeks 01:00 by die dorp Iindangungu op die Ondangwa-Oshikango-hoofpad plaasgevind toe Shikongo se privaat voertuig – ’n Toyota Hilux-dubbelkajuit – trompop met ’n Hyundai-luikrugvoertuig gebots het.
Al drie insittendes van die Hyundai is op slag dood. Shikongo is na die hospitaal gehaas vir mediese behandeling.
Die oorledenes is geïdentifiseer as Frans Pombili Ndengu (27), Sofia Natangwe Ananias (22) en Stefanus Hafeni Shahafifange Lukas (22).
Sekere besonderhede van die ongeluk is steeds onduidelik. Sommiges het ook geëis dat Shikongo strafregtelik aangekla moet word, waarop hy gesê het hy is nie immuun teen die wet nie en sal verhoor word as hy moet.
‘EK HET BEROU’
Shikongo het gesê hy het berou oor die ongeluk en het verskeie slapelose nagte oor die verlore jong lewens gehad.
Hy het ontken dat hy geen pogings aangewend het om die families te kontak en bygevoeg dat hy sy streekbevelvoerders van Oshana, Ohangwena en Oshikoto gevra het om namens hom op te tree.
Hy het verder ook sy broers en susters gevra om die begrafnisse by te woon en hulle het hom terugvoer gegee, het hy gesê.
Die families het dit bevestig, maar volgehou dat hulle dit sou waardeer het om te sien dat Shikongo homself vir die tragedie verantwoord.
Shikongo het gesê hy is nog afgeboek en besig om te herstel, en hy is ook “nog nie uit die gevaarsone nie”.
Hy het die families gevra om hom tyd te gee om ten volle te herstel sodat hy hulle kan besoek en persoonlik om verskoning vra.
“Dit was ’n pynlike ervaring. Ek weet ek moet self die ouers ontmoet. Ek sal dit steeds doen wanneer ek kan.”
“Wie het gesê ek gaan dit maak? Ek weet ook nie of ek gaan oorleef nie. Net God weet of ek sal lewe of nie,” het hy gesê.
Shikongo het ontken dat hy ten tyde van die ongeluk onder die invloed van alkohol was en het enigiemand wat anders kan bewys, uitgedaag om die bewyse onder die ondersoekbeampte in Ondangwa se aandag te bring.
Hy kon egter nie bevestig of bloedtoetse op hom gedoen is om sy alkoholvlakke te bepaal nie en sê hy het die ongelukstoneel in ’n ambulans verlaat, so besonderhede bly maar vaag.
“Ek het niemand gekeer om my bloed te trek nie. Dié inligting kan by die ondersoekbeampte verkry word,” het hy gesê.
Volgens Shikongo moet die gesinne en Namibiërs toelaat dat die reg sy gang gaan en dat die ondersoek afgehandel word.
“Ek sal hof toe gaan soos enige Namibiër. Die wet geld vir almal. As ek vervolg word, is ek gereed om tereg te staan en – indien skuldig bevind – die straf te aanvaar.”
TELEURGESTELD
Ndengu se ma, Martha Kayoga en gesinslede het oor die trauma gesels wat die ongeluk vir hulle gesin meegebring het.
Johannes Wilbard, Ndengu se broer, was een van die eerste mense wat by die ongelukstoneel aangekom het.
Toe hulle op die toneel aangekom het, het die polisie glo reeds die motor wat sy broer bestuur het gelaai en hulle is verhoed om foto's daarvan te neem.
Polisieverslae van die ongeluk dui nie daarop dat enige bloedtoetse op Shikongo of Ndengu gedoen is om te bepaal of een van die bestuurders onder die invloed was.
“Toe hy [Shikongo] uitklim het hy gestaan terwyl hy op die motor geleun en ’n selfoonoproep gemaak het om iemand in te lig dat hy in ’n ongeluk betrokke was, toe het hy hulle versoek om daarheen te kom. Ons het hom aangeraai om op die grond te sit, wat hy toe gedoen het,” het ’n polisiebeampte in die ongelukverslag geskryf.
Volgens nog ’n polisiebeampte het Shikongo glo vir hulle gesê dat hy beeste probeer vermy het en uiteindelik met ’n aankomende motor gebots het.
Terwyl die oorledene se motor tans by die polisiekantoor op Ondangwa gehou word, is dit steeds onduidelik waar Shikongo se bakkie is – hoewel die ongelukverslag aandui dat dit deur ’n polisie-insleepvoertuig weggesleep is.
“Ongelukkig word daardie motor onder streng veilige kwarantyn gehou,” het ’n polisiebron gesê.
“Ons bronne het bevestig dat die motor in die nagtelike ure na Windhoek gebring is.”
BESITTINGS NIE TERUGBESORG
Kayoga het gesê haar seun se besittings soos sy beursie, rybewys en bankkaarte, is ook nie aan hulle terugbesorg nie.
Sy het ook haar misnoë uitgespreek oor die feit dat die oorsaak van sy dood as “onbekend” op sy doodsertifikaat aangedui is, terwyl die oorsaak van Ananias se dood nie op haar doodsertifikaat aangedui word nie.
Shikongo het gesê hy weet nie hoekom die oorledenes se doodsertifikate onduidelik is nie en bygevoeg hy werk nie by binnelandse sake nie en het ook nie die nadoodse ondersoeke uitgevoer nie.
– [email protected]
Die polisiehoof het egter vandeesweek tydens ’n lang telefoniese onderhoud met ons susterkoerant Namibian Sun ontken dat hy nie sy medelye betuig het nie.
Die ongeluk het op 30 Desember 2022 omstreeks 01:00 by die dorp Iindangungu op die Ondangwa-Oshikango-hoofpad plaasgevind toe Shikongo se privaat voertuig – ’n Toyota Hilux-dubbelkajuit – trompop met ’n Hyundai-luikrugvoertuig gebots het.
Al drie insittendes van die Hyundai is op slag dood. Shikongo is na die hospitaal gehaas vir mediese behandeling.
Die oorledenes is geïdentifiseer as Frans Pombili Ndengu (27), Sofia Natangwe Ananias (22) en Stefanus Hafeni Shahafifange Lukas (22).
Sekere besonderhede van die ongeluk is steeds onduidelik. Sommiges het ook geëis dat Shikongo strafregtelik aangekla moet word, waarop hy gesê het hy is nie immuun teen die wet nie en sal verhoor word as hy moet.
‘EK HET BEROU’
Shikongo het gesê hy het berou oor die ongeluk en het verskeie slapelose nagte oor die verlore jong lewens gehad.
Hy het ontken dat hy geen pogings aangewend het om die families te kontak en bygevoeg dat hy sy streekbevelvoerders van Oshana, Ohangwena en Oshikoto gevra het om namens hom op te tree.
Hy het verder ook sy broers en susters gevra om die begrafnisse by te woon en hulle het hom terugvoer gegee, het hy gesê.
Die families het dit bevestig, maar volgehou dat hulle dit sou waardeer het om te sien dat Shikongo homself vir die tragedie verantwoord.
Shikongo het gesê hy is nog afgeboek en besig om te herstel, en hy is ook “nog nie uit die gevaarsone nie”.
Hy het die families gevra om hom tyd te gee om ten volle te herstel sodat hy hulle kan besoek en persoonlik om verskoning vra.
“Dit was ’n pynlike ervaring. Ek weet ek moet self die ouers ontmoet. Ek sal dit steeds doen wanneer ek kan.”
“Wie het gesê ek gaan dit maak? Ek weet ook nie of ek gaan oorleef nie. Net God weet of ek sal lewe of nie,” het hy gesê.
Shikongo het ontken dat hy ten tyde van die ongeluk onder die invloed van alkohol was en het enigiemand wat anders kan bewys, uitgedaag om die bewyse onder die ondersoekbeampte in Ondangwa se aandag te bring.
Hy kon egter nie bevestig of bloedtoetse op hom gedoen is om sy alkoholvlakke te bepaal nie en sê hy het die ongelukstoneel in ’n ambulans verlaat, so besonderhede bly maar vaag.
“Ek het niemand gekeer om my bloed te trek nie. Dié inligting kan by die ondersoekbeampte verkry word,” het hy gesê.
Volgens Shikongo moet die gesinne en Namibiërs toelaat dat die reg sy gang gaan en dat die ondersoek afgehandel word.
“Ek sal hof toe gaan soos enige Namibiër. Die wet geld vir almal. As ek vervolg word, is ek gereed om tereg te staan en – indien skuldig bevind – die straf te aanvaar.”
TELEURGESTELD
Ndengu se ma, Martha Kayoga en gesinslede het oor die trauma gesels wat die ongeluk vir hulle gesin meegebring het.
Johannes Wilbard, Ndengu se broer, was een van die eerste mense wat by die ongelukstoneel aangekom het.
Toe hulle op die toneel aangekom het, het die polisie glo reeds die motor wat sy broer bestuur het gelaai en hulle is verhoed om foto's daarvan te neem.
Polisieverslae van die ongeluk dui nie daarop dat enige bloedtoetse op Shikongo of Ndengu gedoen is om te bepaal of een van die bestuurders onder die invloed was.
“Toe hy [Shikongo] uitklim het hy gestaan terwyl hy op die motor geleun en ’n selfoonoproep gemaak het om iemand in te lig dat hy in ’n ongeluk betrokke was, toe het hy hulle versoek om daarheen te kom. Ons het hom aangeraai om op die grond te sit, wat hy toe gedoen het,” het ’n polisiebeampte in die ongelukverslag geskryf.
Volgens nog ’n polisiebeampte het Shikongo glo vir hulle gesê dat hy beeste probeer vermy het en uiteindelik met ’n aankomende motor gebots het.
Terwyl die oorledene se motor tans by die polisiekantoor op Ondangwa gehou word, is dit steeds onduidelik waar Shikongo se bakkie is – hoewel die ongelukverslag aandui dat dit deur ’n polisie-insleepvoertuig weggesleep is.
“Ongelukkig word daardie motor onder streng veilige kwarantyn gehou,” het ’n polisiebron gesê.
“Ons bronne het bevestig dat die motor in die nagtelike ure na Windhoek gebring is.”
BESITTINGS NIE TERUGBESORG
Kayoga het gesê haar seun se besittings soos sy beursie, rybewys en bankkaarte, is ook nie aan hulle terugbesorg nie.
Sy het ook haar misnoë uitgespreek oor die feit dat die oorsaak van sy dood as “onbekend” op sy doodsertifikaat aangedui is, terwyl die oorsaak van Ananias se dood nie op haar doodsertifikaat aangedui word nie.
Shikongo het gesê hy weet nie hoekom die oorledenes se doodsertifikate onduidelik is nie en bygevoeg hy werk nie by binnelandse sake nie en het ook nie die nadoodse ondersoeke uitgevoer nie.
– [email protected]
Kommentaar
Republikein
Geen kommentaar is op hierdie artikel gelaat nie