Paartjie vroegoggend in woonstel beroof
‘n Paartjie is vanoggend omstreeks 03:30 in hul woonstel in ‘n kompleks in Kleine Kuppe oorval en van kontant en ander items ter waarde van N$105 000 beroof.
Volgens die jongste misdaadversag is ‘n saak van roof en roof met verswarende omstandighede aanhangig gemaak. Vier verdagtes is weg met vier selfone, ‘n handsak met grimering ter waarde van N$20 000, N$2 000 se kontant asook 300 Euro en ‘n kamera.
Die verdagtes het glo houtstokke gebruik om ‘n geëlektrifiseerde heining op te lig en toegang tot die Imola-kompleks in Kleine Kuppe te kry. Hulle het deur die glas skuifdeure by die woonstel ingekom terwyl die paartjie geslaap het.
Die slagoffers is met die gewere aangehou en die man is vasgebind. Twee van die verdagtes het pistole gehad en die ander twee messe.
Niemand is tot dusver in verband met die voorval in hegtenis geneem nie en niks van die items is teruggevind nie.
Volgens die jongste misdaadversag is ‘n saak van roof en roof met verswarende omstandighede aanhangig gemaak. Vier verdagtes is weg met vier selfone, ‘n handsak met grimering ter waarde van N$20 000, N$2 000 se kontant asook 300 Euro en ‘n kamera.
Die verdagtes het glo houtstokke gebruik om ‘n geëlektrifiseerde heining op te lig en toegang tot die Imola-kompleks in Kleine Kuppe te kry. Hulle het deur die glas skuifdeure by die woonstel ingekom terwyl die paartjie geslaap het.
Die slagoffers is met die gewere aangehou en die man is vasgebind. Twee van die verdagtes het pistole gehad en die ander twee messe.
Niemand is tot dusver in verband met die voorval in hegtenis geneem nie en niks van die items is teruggevind nie.
Kommentaar
Republikein
Geen kommentaar is op hierdie artikel gelaat nie