Olie op die vuur

Die onlangse arrestasie van Namcor se voormalige besturende direkteur en twee voormalige senior beamptes deur die Teenkorrupsiekommissie (ACC) is die jongste hoofstuk in ‘n lang geskiedenis van interne konflik, twyfelagtige transaksies en vermiste fondse wat die nasionale oliemaatskappy se finansiële probleme net verder verdiep het. Die ACC het gister Namcor se besturende direkteur Immanuel Mulunga, die voormalige hoof finansiële beampte Jennifer Hamukwaya en die voormalige verskaffings- en logistieke bestuurder Cornelius ‘Cedric’ Willemse in hegtenis geneem.Teen laat gister het die ACC die inhegtenisname van nog twee individue bevestig, met die kommissie se woordvoerder Josefina Nghituwamata wat gesê het nog arrestasies word verwag. Volgens Nghituwamata was die vierde verdagte nie ‘n Namcor-werknemer nie en teen druktyd kon sy nie besonderhede oor die identiteit van die vyfde persoon verskaf nie. Mulunga is in Augustus 2024 laat gaan, terwyl Willemse op 15 November 2023 bedank het. Hamukwaya se kontrak is nie op op 30 April 2023 hernu nie.SkandaalVir meer as ‘n dekade is Namcor geteister deur skandale van magstryd, finansiële ongerymdhede en diefstal van voorraad. Willemse, ‘n noue bondgenoot van Mulunga, was reeds in die spervuur oor die onverklaarbare verdwyning van brandstofvoorrade onder sy toesig.Deur sy maatskappy, CCC Petroleum CC, het Willemse bergings- en hanteringsdienste by Walvisbaai verskaf en sodoende N$115000 per maand of sowat N$1,3 miljoen per jaar, plus N$0.20 per liter gestoor, in sy sak gesteek. Die kontrak het kritiek uitgelok oor potensiële konflik van belange en ondeursigtige verkryging, veral omdat CCC Petroleum in Julie 2020 sowat N$19 miljoen aan Namcor geskuld het. As hoof vir verskaffing en logistiek het Willemse die leen van petrol met ‘n waarde van N$69 miljoen van Validus Energy goedgekeur om tekorte op Walvisbaai te voorkom. Die raadsvoorsitter Jennifer Comalie het die stap as moontlike “diefstal sonder die kliënt se toestemming” beskryf, hoewel Willemse dit verdedig het as standaardpraktyk in die bedryf wat later gebalanseer is. Tussen 2012 en 2013 was Willemse Namcor se logistieke bestuurder. Mulunga het hom in Julie 2019 as ‘n konsultant teruggebring.UitvalHamukwaya was ook nou verbind met Mulunga. Sy het in 2018 by Namcor aangesluit met ‘n maandelikse salaris van N$88 000 op ‘n vyfjaarkontrak. Teen April 2023 het haar salaris meer as verdubbel tot N$180 000 per maand. As finansiële hoof het Hamukwaya toesig oor ‘n reeks van omstrede transaksies gehou. Hoewel die ACC gesê het die Angolese betaling was nie opsigself korrup nie, bly dit deel van die breër ondersoek na Namcor se finansiële optrede. In laat Januarie 2023 het die Namcor-raad besluit om nie Hamukwaya se kontrak te hernu nie. Sy het die besluit in Maart in die hof uitgedaag en aangevoer dat haar prestasie hernuwing regverdig. In Junie 2023 het Namcor ingestem om haar N$1,6 miljoen - gelykstaande aan nege maande se salaris - in ‘n skikking buite die hof te betaal.OndersoekDie ACC se direkteur-generaal Paulus Noa het gister bevestig dat die kommissie aktief individue ondersoek wat met Namcor verbind word, met nog arrestasies wat verwag word. “Ons sal binnekort a paar verdagtes voor die hof bring,” het Noa gesê.Die arrestasies volg op eerste minister Elijah Ngurare se verklaring verlede week in die parlement waartydens hy bevestig het Noa het om oor die ondersoek ingelig. Op X (voorheen Twitter) het Ngurare sy ondersteuning aan die ACC herbevestig en gesê “ek is tevrede met die vooruitgang wat tot dusver gemaak is”.Terwyl die ACC nog nie ‘n volle verklaring uitgereik het nie, is die verwagting dat verskeie omstrede transaksies sentraal tot sy ondersoek sal wees. Dit sluit in die Hyrax-olietransaksie, die Angola-bloktransaksie, vermiste fondse en breër kwessies van korporatiewe bestuur.Hyrax Oil In 2017 het die Maleisiese maatskappy Hyrax Oil die tender gekry om Namcor van smeermiddels te voorsien. In laat 2019 het Namcor verkeerdelik N$2,2 miljoen bestem vir Hyrax in ‘n verkeerde rekening in Estonië betaal, nadat dit bedrieglike e-posse ontvang het van bankbesonderhede wat verander het. Namcor se raad het later ‘n bykomende betaling van N$2,2 miljoen goedgekeur om die verskaffer se rekening te vereffen. Die raad, toe gelei deur Patrick Kauta, het Mulunga en die hoof van inligtingstegnologie Bonifatius Konjore in Desember 2017 geskors om die kwessie te ondersoek. Mulunga is in Januarie 2018 tydens die ondersoek weer aangestel. Angola-olieNamcor is in omstredenheid gehul oor ‘n betaling van N$100 miljoen vir aandele in twee Angolese olieblokke in 2022.Onder Mulunga se leierskap het die staatsbeheerde maatskappy Syndicate Energy betaal om aandele in die aflandige Blokke 11 en 12 te verseker as deel van ‘n plan om in die streek uit te brei. Die transaksie het egter voortgegaan sonder die volle raad se konsensus wat ernstige vra oor bestuur laat ontstaan het. Terwyl die blokke gesien is as waardevolle bates, bly die goedkeuringsproses van die betaling ‘n fokus van die ACC se ondersoek. Enercon Namcor is ook gewikkel in ‘n regsdispuut met Enercon Namibia oor onbetaalde skuld van N$115 miljoen. Dit het betrekking op transaksies soos die mislukte verkoping van Namcor se stoorgeriewe vir brandstof aan Enercon en onbetaalde rekeninge vir brandstof wat aan Namcor voorsien is. Enercon wat saam besit word deur Peter en Malakia Elindi en August 26 Holdings wat in militêre besit is, beskuldig Namcor dat dit ooreenkomste oortree het. Willemse word in die hofdokumente saam met Mulunga daarvan beskuldig dat hulle ‘n “skyn”-verkryging van brandstoftenks van Enercon fasiliteer het. - republikein@republikein.com.na

Olie op die vuur

Kommentaar

Republikein 2025-10-22

Meld asseblief aan om kommentaar te lewer

Olie op die vuur

Kommentaar

Republikein 2025-10-22

Meld asseblief aan om kommentaar te lewer

MELD AAN

Advertensie