NWR-hoë in Ausblick aangeval

Die besturende direkteur van Namibia Wildlife Resorts (NWR), Matthias Ngwangwama, is gisteroggend omstreeks 04:00 in die Auasblick-woonbuurt in Windhoek gevind nadat hy Woensdag omstreeks 19:00 vermis geraak het.NWR se woordvoerder, Nelson Ashipala, het gesê rowers het sy selfoon en voertuig gesteel voor hulle op die vlug geslaan het.“Hy het ligte beserings opgedoen. Hy is tans in die hospitaal en sterk aan.”Luidens ’n polisieverslag het die 53-jarige Ngwangwama by die staproete naby ’n berg in die omgewing geoefen toe hy deur twee mans gewapen met messe genader is.Hulle het hom glo vasgebind en beveel om sy besittings aan hulle te oorhandig. Hy het vir hulle die selfoon en voertuigsleutel gegee en hulle het in die bosse verdwyn, het die polisie gesê.Hulle het sy selfoon en Mercedes-Benz gesteel, waarna Ngwangwama glo na die naaste pad gekruip het.Volgens die polisie is hy daarna in die Rooms-Katolieke hospitaal opgeneem. “Sy toestand is stabiel.”Ashipala het bevestig dat die voertuig intussen in Katutura gevind is. “Dr. Ngwangwama is tans in ’n stabiele toestand, en ons is dankbaar dat hy nie fisies beseer is nie. Ons versoek die publiek en media vriendelik om Ngwangwama en sy gesin se privaatheid gedurende hierdie moeilike tyd te respekteer.”– republikein@republikein.com.na

NWR-hoë in Ausblick aangeval

Kommentaar

Republikein 2025-06-17

Meld asseblief aan om kommentaar te lewer

NWR-hoë in Ausblick aangeval

Kommentaar

Republikein 2025-06-17

Meld asseblief aan om kommentaar te lewer

MELD AAN

Advertensie