Misdaad oorskadu Paasnaweek
’n Vrouepolisiebeampte het mediese behandeling op Rehoboth ontvang nadat ’n 30-jarige man haar glo met die vuis geslaan het. Die polisiebeampte het na bewering 'n man, wat 'n sedanvoertuig bestuur het, van die pad afgetrek en hom versoek om 'n alkoholblaastoets te neem. Hy het van die toneel gevlug, wat gelei het tot 'n jaagtog en sy arrestasie, het die polisie gesê.
“Daar word verder beweer dat die verdagte die polisiebeampte met 'n vuis in haar gesig geslaan het en haar bril het 'n diep oop wond bo haar oog en op haar wang veroorsaak. Die polisiebeampte is na die hospitaal gehaas en is ontslaan nadat sy steke ontvang het,” lui die polisie se misdaadverslag.
HUISHOUDELIKE GEWELD
Volgens die polisie is ’n vrou op Outapi in ’n kritieke toestand nadat haar kêrel haar na bewering met ’n okapi-mes gesteek het. Die verdagte het haar glo in haar regterskouer en die linkerkant van haar kop gesteek, waar die mes vasgesteek het. Die man is van poging tot moord aangekla.
* Nog 'n man is by Mururani in die Kavango-Wesstreek in hegtenis geneem nadat hy glo sy vriendin se hut afgebrand het. Die polisie het gesê die man het na bewering teruggekeer van 'n uitstappie saam met die slagoffer se pa en geëis dat sy na sy huis moet gaan, maar sy het geweier. Hy het toe glo haar hut aan die brand gesteek en al haar klere en haar identiteitsdokumente is in die proses verbrand. Die verdagte is gearresteer en van brandstigting aangekla.
SEEKOEI-AANVAL
Intussen is 'n Zambiese man dood nadat 'n seekoei na bewering vir hom en 'n Namibiese man naby Luhonono in die Zambezistreek aangeval het. “Die mans het gaan visvang en die oorledene het na bewering in die water geval ná die aanval. Hy is op die toneel dood,” luidens die verslag.
GEWELD
’n Man is op Onanke in die Oshikotostreek doodgeskiet nadat hy glo probeer het om in ’n vrouewerknemer van ’n plaaslike supermark se kamer in te breek. Die vermeende inbreker het vir ’n rukkie in die toilet weggekruip voordat hy weggehardloop het. ’n Sekuriteitswag het skote afgevuur en hom in die bors getref en hy is glo op slag dood. Die 25-jarige wag is in hegtenis geneem en beslag is op sy dienswapen gelê, het die polisie gesê.
* In ander nuus is 'n 28-jarige man in 'n kritieke toestand nadat hy na bewering met 'n skerp voorwerp in Walvisbaai se Kuisebmond-woonbuurt gesteek is. Volgens die polisie het die slagoffer oop wonde aan sy skouer en bolyf opgedoen. Geen verdagtes is tot dusver in hegtenis geneem nie.
DIEFSTAL
Drie mans het na bewering 75 liter petrol by TransNamib op Tsumeb gesteel, wat glo aan Vivo Energy Namibia behoort het. Die verdagtes het in 'n sedanvoertuig met drie houers petrol gevlug, lui die polisie se verslag. ’n Een-en-veertigjarige man – wat vermoedelik die bestuurder is – is in hegtenis geneem en die voertuig is geskut. Die ander twee verdagtes moet nog in hegtenis geneem word en die petrol is nie teruggevind nie.
* In 'n onverwante voorval is 'n 41-jarige man na bewering in Oshifo in die Omusatistreek in hegtenis geneem nadat hy in die besit van 435 liter petrol gevind is sonder 'n permit. “Die brandstof is gekonfiskeer,” het die polisie gesê.
– [email protected]
“Daar word verder beweer dat die verdagte die polisiebeampte met 'n vuis in haar gesig geslaan het en haar bril het 'n diep oop wond bo haar oog en op haar wang veroorsaak. Die polisiebeampte is na die hospitaal gehaas en is ontslaan nadat sy steke ontvang het,” lui die polisie se misdaadverslag.
HUISHOUDELIKE GEWELD
Volgens die polisie is ’n vrou op Outapi in ’n kritieke toestand nadat haar kêrel haar na bewering met ’n okapi-mes gesteek het. Die verdagte het haar glo in haar regterskouer en die linkerkant van haar kop gesteek, waar die mes vasgesteek het. Die man is van poging tot moord aangekla.
* Nog 'n man is by Mururani in die Kavango-Wesstreek in hegtenis geneem nadat hy glo sy vriendin se hut afgebrand het. Die polisie het gesê die man het na bewering teruggekeer van 'n uitstappie saam met die slagoffer se pa en geëis dat sy na sy huis moet gaan, maar sy het geweier. Hy het toe glo haar hut aan die brand gesteek en al haar klere en haar identiteitsdokumente is in die proses verbrand. Die verdagte is gearresteer en van brandstigting aangekla.
SEEKOEI-AANVAL
Intussen is 'n Zambiese man dood nadat 'n seekoei na bewering vir hom en 'n Namibiese man naby Luhonono in die Zambezistreek aangeval het. “Die mans het gaan visvang en die oorledene het na bewering in die water geval ná die aanval. Hy is op die toneel dood,” luidens die verslag.
GEWELD
’n Man is op Onanke in die Oshikotostreek doodgeskiet nadat hy glo probeer het om in ’n vrouewerknemer van ’n plaaslike supermark se kamer in te breek. Die vermeende inbreker het vir ’n rukkie in die toilet weggekruip voordat hy weggehardloop het. ’n Sekuriteitswag het skote afgevuur en hom in die bors getref en hy is glo op slag dood. Die 25-jarige wag is in hegtenis geneem en beslag is op sy dienswapen gelê, het die polisie gesê.
* In ander nuus is 'n 28-jarige man in 'n kritieke toestand nadat hy na bewering met 'n skerp voorwerp in Walvisbaai se Kuisebmond-woonbuurt gesteek is. Volgens die polisie het die slagoffer oop wonde aan sy skouer en bolyf opgedoen. Geen verdagtes is tot dusver in hegtenis geneem nie.
DIEFSTAL
Drie mans het na bewering 75 liter petrol by TransNamib op Tsumeb gesteel, wat glo aan Vivo Energy Namibia behoort het. Die verdagtes het in 'n sedanvoertuig met drie houers petrol gevlug, lui die polisie se verslag. ’n Een-en-veertigjarige man – wat vermoedelik die bestuurder is – is in hegtenis geneem en die voertuig is geskut. Die ander twee verdagtes moet nog in hegtenis geneem word en die petrol is nie teruggevind nie.
* In 'n onverwante voorval is 'n 41-jarige man na bewering in Oshifo in die Omusatistreek in hegtenis geneem nadat hy in die besit van 435 liter petrol gevind is sonder 'n permit. “Die brandstof is gekonfiskeer,” het die polisie gesê.
– [email protected]
Kommentaar
Republikein
Geen kommentaar is op hierdie artikel gelaat nie