Koës: Jong mans glo slagoffers van polisiegeweld

Twee mans, van wie een reeds ’n meswond in sy rug gehad het, is glo verlede week aangerand deur polisiebeamptes wat ontbied is om ’n geveg op te breek.Mnre. Saul Kruiper (31) en Leandro Rooi (20) se paaie het glo in Koës se informele buurt Soek en Kry met die polisiebeamptes gekruis. Die twee het glo voor Leandro se oom se huis gekuier toe ’n onderonsie tussen sy niggie, me. Charmaine Rooi, en haar kêrel ontstaan het. Leandro het glo tussenbeide getree toe sy haar kêrel met ’n mes wou steek. In die proses het Charmaine haar neef in die rug gesteek. Gemeenskapslede het die polisie ontbied en met hul aankoms het beamptes Raymond Rooi en Kotokeni Heloa na bewering vir Leandro aan die nek gegryp, waarna Kruiper die polisiebeamptes gevra het om nie so aggressief met die jong man te wees nie.Offisier Rooi het toe na bewering vir Kruiper met ’n vuisyster langs die kop geslaan.“Die polisiebeamptes was baie aggressief met die jong man en het geen besorgdheid met sy steekwond getoon nie.“Die beamptes het ons toe met traangas gegooi wat my oë gebrand het, en die volgende oomblik was ek en Leandro agter in die polisievangwa,” het Kruiper gesê. Albei mans sê die rit agterin die vangwa was die ergste van hul lewe.Volgens hulle het die polisiebeamptes baie vinnig gery en dan skielik rem getrap sodat hulle agterin die vangwa teen mekaar gestamp het.Leandro is by die kliniek afgelaai en Kruiper is na die polisiekantoor geneem, waar die twee polisiebeamptes hom glo geslaan het. Leandro se ma haar beswaar uitgespreek teen die manier waarop die beamptes die situasie hanteer het.“My seun is net ’n kind en hy was nie gewapen nie. Ek sien nie die rede waarom die beamptes die seuns so moes behandel nie. Sulke voorvalle is nie ’n nuwigheid vir ons op Koёs nie – hierdie beamptes is bekend daarvoor dat hulle hul gesag misbruik. Ons meld dit aan, maar niks gebeur blykbaar met hulle nie. Geld die wet nie vir hulle nie?” wou me. Maria Fredericks (40) weet.Toe hy om kommentaar genader is, het hoofinspekteur Herman Hazenburg gesê dis die betrokkenes se reg om hierdie polisiebeamptes te rapporteer en ’n saak aanhangig te maak.Kruiper het gesê hy sal ’n saak teen die polisiebeamptes aanhangig maak, maar Fredericks, Leandro se ma, het gesê dit sal nie help om ’n saak te open nie; sy laat dit eerder in God se hande.– republikein@republikein.com.na

Koës: Jong mans glo slagoffers van polisiegeweld

Kommentaar

Republikein 2026-03-20

Meld asseblief aan om kommentaar te lewer

Koës: Jong mans glo slagoffers van polisiegeweld

Kommentaar

Republikein 2026-03-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.