'Dronk' man slaan glo sy ma dood

Kenya Kambowe – ’n Vyf-en-twintigjarige moordverdagte wat Sondag na bewering sy ma met ’n skoffel by die dorp Ekuli doodgeslaan het, het glo ná die grudaad na vier buurwonings gegaan en sy bure ingelig oor wat hy gedoen het.Die beskuldigde, Jacob Sikerete Sadwere, het hulle gevra om die polisie te bel sodat hulle hom in hegtenis kan neem.Hy het verlede week Dinsdag in die Rundu-landdroshof verskyn nadat hy in hegtenis geneem is vir die beweerde moord op sy ma, Annastasia Tjongano Likuwa (54). Die voorval het omstreeks 21:00 plaasgevind. Sadwere het voor waarnemende landdros George Matsuib verskyn, wat die saak tot 3 Julie uitgestel het om die beskuldigde toe te laat om regsverteenwoordiging te verkry.BESOPEOns susterkoerant Namibian Sun het verlede week besoek afgelê aan Ekuli – sowat 120 kilometer vanaf Rundu – om meer duidelikheid oor die motief agter die beweerde moord te kry.Sadwere se tradisionele vrou, wat anoniem wou bly, het gesê sy het die moord gesien.Op die noodlottige dag het die verdagte die huis gedurende die oggend verlaat en eers omstreeks 19:00 teruggekeer, het sy gesê. Hy was dronk en is glo ’n daggaroker. Toe hy tuis kom, het hy glo daarop aangedring dat sy 14-jarige broer hom na hul ouma se nabygeleë huis vergesel. Likuwa het egter tussenbeide getree, wat tot ’n argument gelei het.“Ná ’n woordewisseling het my skoonma [Likuwa] die jonger broer gevat en hom in haar kamer laat wegkruip,” het die verdagte se vrou vertel. ‘EK SAL JOU DOODMAAK’“Oomblikke later het sy [Likuwa] uitgekom en voor haar kamer begin sing, en toe sien ek my man by ons kamer ingaan,” het die vrou gesê.“Hy het met ’n skoffel uitgekom en na sy ma toe gestap en haar daarmee begin slaan. Ek het probeer ingryp, maar hy het na my gekyk en vir my gesê: ‘Ek sal jou ook doodmaak as jy tussenbeide tree’.“Op daardie oomblik het ek ons drie kinders gevat en saam met die seun na een van die tannies gegaan om haar in te lig oor wat gebeur het,” het sy gesê. “Toe ons terugkom, het ons my skoonma gevind waar sy op die grond lê en hy [Sadwere] het die toneel verlaat. Hy het na sowat vier nabygeleë huise gegaan om hulle te vertel wat hy gedoen het en hulle te vra om die polisie te bel.”VOL BLOED Een van die bure wat van die voorval ingelig is, het gesê die verdagte het by hul huis aangekom met ’n skoffel vol bloed.“Hy het vir ons gesê ons moet die polisie bel, want hy het sy ma vermoor,” het hulle vertel. “Ek het hom huis toe geneem waar ’n skare mense saamgedrom het. Al wat hy gedoen het, was om om die opstal te loop, na die lyk toe te gaan en sy ma se gesig te ontbloot. Hy het gehuil.“Toe die polisie opdaag, het hy die skoffel gevat en dit langs sy ma se lyk neergesit en hulle het hom geboei,” het die buurman gesê.TIENER WEES GELAATIntussen het die familie gesê hulle sukkel om Likuwa te begrawe aangesien sy geen amptelike nasionale dokumente gehad het nie en die begrafnis kan weens ’n aantal kwessies vertraag word, soos die verkryging van ’n doodsertifikaat.Hulle het ’n hulpversoek aan barmhartige Samaritane gerig en bygevoeg dat Likuwa se jongste seun – op net 14 – nou sy ma en pa in die bestek van 12 maande verloor het. Hulle sê die tiener het berading nodig nadat hy die lyke van beide sy ouers gesien het. Hy het ook nie amptelike dokumente nie, wat beteken hy sal nie by die staat se toelae vir weeskinders kan baat vind nie. – republikein@republikein.com.na

'Dronk' man slaan glo sy ma dood

Kommentaar

Republikein 2025-05-01

Meld asseblief aan om kommentaar te lewer

'Dronk' man slaan glo sy ma dood

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie