Windhoek hou voet by stuk oor RedForce
Oorweeg om pensioenarisse se skuld af te skryf
Inwoners se skuld aan die hoofstad se munisipaliteit beloop tans sowat N$1,2 miljard.
Die munisipaliteit van Windhoek is onwrikbaar in sy besluit om RedForce as sy skuldinvorderaar aan te hou.
Geen verandering gaan aan RedForce se kontrak of sy invorderingsmetodes aangebring word nie.
Die adjunkburgemeester van die hoofstad, Magdalena Lombardt, het dit gister duidelik gemaak by die stadsraad se konferensiesaal.
“Geen pensioenaris se munisipale rekeninge word aan RedForce oorhandig nie, en daar word geen rente gehef op rekeninge van enige inwoner wat aan RedForce oorhandig word nie, buiten die invorderingsfooie van 10% van elke agterstallige betaling wat gemaak word,” het sy volgehou.
Lombardt sê egter die munisipaliteit het die volste reg om selfs die voorafbetaalde toevoer van water en krag op te skort om skuld in te vorder.
“Die vorige invorderingsproses was duur en sonder enige sekerheid om enige finansiële voordeel aan die stad of die kliënt te bied.”
Dus word die aanstelling van RedForce om skuld namens die stad in te vorder, as meer finansieel lewensvatbaar beskou, brei sy uit.
Volgens Lombardt het die hoofstad voorheen gebruik gemaak van regsdienste waar kliënte se rekeninge aan prokureursfirmas oorhandig is.
“Daardie rekeninge wat vir geregtelike invordering aan eksterne prokureurs oorhandig is, het groot bedrae skuld veroorsaak, wat ’n merkwaardige finansiële las vir die stad en sy kliënte beteken, aangesien die prokureurs regskostes eis, al vorder hulle nie die skuld van die wanbetalers in nie,” het sy gesê.
RedForce eis slegs 10% van elke agterstallige betaling wat ’n wanbetaler aan die Windhoekse munisipaliteit oorbetaal, volgens die adjunkburgemeester.
Dit is volgens haar minder as die 20%-rente wat die stad self jaarliks op skuld hef.
Lombardt se verklaring volg op ’n protesoptog verlede week en die inhandiging van ’n klagskrif met voorgestelde oplossings vir gedwonge onderbrekings van krag- en watertoevoer en glo selfs beslaglegging op huise vir skuldinvordering in sentraal-Katutura.
Inwoners het optrede geëis en het ook na die ministerie van stedelike en landelike ontwikkeling se kantoor opgeruk om die minister 72 uur te gee om in te gryp.
Die waarnemende uitvoerende hoof, Faniel Maanda, sê die verklaring weerspieël slegs die munisipaliteit se siening.
Die munisipaliteit bied aan om voorafbetaalde kragmeters gratis by pensioentrekkers te installeer, sou hulle daarvoor aansoek doen, sê Lombardt.
Voorafbetaalde watermeters kan oor vyf jaar teen rente van 11% afbetaal word, het sy verder gesê.
Windhoekers word aangemoedig om self meterlesings per SMS in te stuur om die gebruik van skattings te vermy, om verbruik te monitor en om lekkasies vinnig te kan opspoor, raai sy aan.
Intussen werk die stadsraad aan ’n voorstel om senior burgers se skuld af te skryf, sê die adjunkburgemeester.
Nogtans kan die munisipaliteit nie rente op skuld opskort nie, alhoewel pensioenarisse ’n terugbetalingsreëling kan tref met ’n 15%-deposito, eerder as die 33% wat die munisipaliteit se kredietbeheerbeleid vereis, sê sy.
Inwoners skuld die munisipaliteit ongeveer N$1,2 miljard op sowat 68 000 rekeninge.
Volgens amptenare van die finansiële bestuursafdeling skuld ongeveer 20 000 pensioenarisse altesaam sowat N$255 miljoen.
– [email protected]
Geen verandering gaan aan RedForce se kontrak of sy invorderingsmetodes aangebring word nie.
Die adjunkburgemeester van die hoofstad, Magdalena Lombardt, het dit gister duidelik gemaak by die stadsraad se konferensiesaal.
“Geen pensioenaris se munisipale rekeninge word aan RedForce oorhandig nie, en daar word geen rente gehef op rekeninge van enige inwoner wat aan RedForce oorhandig word nie, buiten die invorderingsfooie van 10% van elke agterstallige betaling wat gemaak word,” het sy volgehou.
Lombardt sê egter die munisipaliteit het die volste reg om selfs die voorafbetaalde toevoer van water en krag op te skort om skuld in te vorder.
“Die vorige invorderingsproses was duur en sonder enige sekerheid om enige finansiële voordeel aan die stad of die kliënt te bied.”
Dus word die aanstelling van RedForce om skuld namens die stad in te vorder, as meer finansieel lewensvatbaar beskou, brei sy uit.
Volgens Lombardt het die hoofstad voorheen gebruik gemaak van regsdienste waar kliënte se rekeninge aan prokureursfirmas oorhandig is.
“Daardie rekeninge wat vir geregtelike invordering aan eksterne prokureurs oorhandig is, het groot bedrae skuld veroorsaak, wat ’n merkwaardige finansiële las vir die stad en sy kliënte beteken, aangesien die prokureurs regskostes eis, al vorder hulle nie die skuld van die wanbetalers in nie,” het sy gesê.
RedForce eis slegs 10% van elke agterstallige betaling wat ’n wanbetaler aan die Windhoekse munisipaliteit oorbetaal, volgens die adjunkburgemeester.
Dit is volgens haar minder as die 20%-rente wat die stad self jaarliks op skuld hef.
Lombardt se verklaring volg op ’n protesoptog verlede week en die inhandiging van ’n klagskrif met voorgestelde oplossings vir gedwonge onderbrekings van krag- en watertoevoer en glo selfs beslaglegging op huise vir skuldinvordering in sentraal-Katutura.
Inwoners het optrede geëis en het ook na die ministerie van stedelike en landelike ontwikkeling se kantoor opgeruk om die minister 72 uur te gee om in te gryp.
Die waarnemende uitvoerende hoof, Faniel Maanda, sê die verklaring weerspieël slegs die munisipaliteit se siening.
Die munisipaliteit bied aan om voorafbetaalde kragmeters gratis by pensioentrekkers te installeer, sou hulle daarvoor aansoek doen, sê Lombardt.
Voorafbetaalde watermeters kan oor vyf jaar teen rente van 11% afbetaal word, het sy verder gesê.
Windhoekers word aangemoedig om self meterlesings per SMS in te stuur om die gebruik van skattings te vermy, om verbruik te monitor en om lekkasies vinnig te kan opspoor, raai sy aan.
Intussen werk die stadsraad aan ’n voorstel om senior burgers se skuld af te skryf, sê die adjunkburgemeester.
Nogtans kan die munisipaliteit nie rente op skuld opskort nie, alhoewel pensioenarisse ’n terugbetalingsreëling kan tref met ’n 15%-deposito, eerder as die 33% wat die munisipaliteit se kredietbeheerbeleid vereis, sê sy.
Inwoners skuld die munisipaliteit ongeveer N$1,2 miljard op sowat 68 000 rekeninge.
Volgens amptenare van die finansiële bestuursafdeling skuld ongeveer 20 000 pensioenarisse altesaam sowat N$255 miljoen.
– [email protected]
Kommentaar
Republikein
Geen kommentaar is op hierdie artikel gelaat nie