Windhoek beplan waterwerke van N$11.7 miljard
Stad Windhoek het 'n ambisieuse infrastruktuuropgradering van N$11,7 miljard oor die volgende twee dekades beplan om sy verouderende water- en afvalwaterstelsels op te knap, in wat amptenare beskryf as 'n beslissende stap om die hoofstad se langtermyn-watersekerheid te beveilig.
Besonderhede van die grootskaalse belegging is bekend gemaak in die raad se agenda wat Maandag ter tafel gelê is, wat 'n 20-jaar meesterplan vir water en sanitasie uiteensit wat daarop gemik is om die voorsiening daarvan te versterk, die behandelingskapasiteit te verbeter en die netwerk uit te brei om aan toekomstige ontwikkelingsbehoeftes te voldoen.
Volgens die dokument word die gesamentlike koste van die water- en afvalwateropgraderings geraam op N$10,19 miljard sonder BTW, en N$11,72 miljard met BTW ingesluit. Die werke sal in fases uitgevoer word soos nuwe voorstede ontwikkel word, met die grootste deel van die besteding gerig op riooluitbreiding en die modernisering van die stad se geriewe vir die behandeling van afvalwater.
Die grootmaat-afvalwaternetwerk, wat afvalwater na behandelingsaanlegte kanaliseer, sal opgegradeer word teen 'n beraamde koste van N$3,06 miljard (BTW ingesluit) om die doeltreffende vloei en hergebruik van behandelde water te verseker. Die waternetwerk sal intussen uitgebrei en versterk word teen 'n geraamde N$1,35 miljard om betroubare voorsiening van drinkwater te waarborg namate die aanvraag groei.
Die meesterplan sluit verskeie groot projekte soos die opknapping van bestaande suiweringswerke, nuwe inlaatwerke, membraanbioreaktor (MBR)-aanlegte, en hoofpype, wat water van lae gebiede na hoogliggende gebied kan neem, met pompstasies. Die grootste enkele koste-item, meer as N$2,4 miljard, hou verband met die uitbreiding van die rioolnetwerk en pompkapasiteit, gevolg deur N$1,2 miljard vir die eerste fase van die afvalwatersuiwering.
Die agenda beskryf verder 'n omvattende hersiening van tariewe, wat bepaal of die stad se huidige water- en sanitasiekoste voldoen aan nasionale wetgewing en finansieel volhoubaar is. Die Wet op Plaaslike Owerhede en Watervoorsieningsregulasies vereis dat tariewe koste-reflektief moet wees, om te verseker dat inkomste uit waterdienste die bedryfs-, instandhoudings- en kapitaalkoste ten volle dek.
Ontledings deur die stad toon dat hoewel die algehele inkomste uit water en sanitasie die uitgawes oorskry, die balans tussen dienste verskil. Tariewe vir drinkwater oorverhaal tans met 13%, semi-gesuiwerde water met 31%, en sanitasietariewe is op die kosteverhalingsvlak. Die industriële aanleg vir die behandeling van afvalwater by Ujams bly egter steeds erg onderverhaal met 99%, wat voortgesette subsidiëring vereis.
Toekomstige beplanning neem ook watervoorsiening van Namwater in ag. Twee oplossings word oorweeg: een wat 'n volle tarief vir grootmaat ontsouting sonder subsidiëring van die staat veronderstel, en 'n ander gebaseer op 'n 75% staatsubsidie vir ontsoute water vanaf die kus.
Die Stadsraad sal na verwagting in die komende maande oor die voorgestelde befondsing en gefaseerde implementeringskedule beraadslaag voordat die plan as deel van sy langtermyn-infrastruktuurbeleggingstrategie aangeneem word.
– [email protected]
Besonderhede van die grootskaalse belegging is bekend gemaak in die raad se agenda wat Maandag ter tafel gelê is, wat 'n 20-jaar meesterplan vir water en sanitasie uiteensit wat daarop gemik is om die voorsiening daarvan te versterk, die behandelingskapasiteit te verbeter en die netwerk uit te brei om aan toekomstige ontwikkelingsbehoeftes te voldoen.
Volgens die dokument word die gesamentlike koste van die water- en afvalwateropgraderings geraam op N$10,19 miljard sonder BTW, en N$11,72 miljard met BTW ingesluit. Die werke sal in fases uitgevoer word soos nuwe voorstede ontwikkel word, met die grootste deel van die besteding gerig op riooluitbreiding en die modernisering van die stad se geriewe vir die behandeling van afvalwater.
Die grootmaat-afvalwaternetwerk, wat afvalwater na behandelingsaanlegte kanaliseer, sal opgegradeer word teen 'n beraamde koste van N$3,06 miljard (BTW ingesluit) om die doeltreffende vloei en hergebruik van behandelde water te verseker. Die waternetwerk sal intussen uitgebrei en versterk word teen 'n geraamde N$1,35 miljard om betroubare voorsiening van drinkwater te waarborg namate die aanvraag groei.
Die meesterplan sluit verskeie groot projekte soos die opknapping van bestaande suiweringswerke, nuwe inlaatwerke, membraanbioreaktor (MBR)-aanlegte, en hoofpype, wat water van lae gebiede na hoogliggende gebied kan neem, met pompstasies. Die grootste enkele koste-item, meer as N$2,4 miljard, hou verband met die uitbreiding van die rioolnetwerk en pompkapasiteit, gevolg deur N$1,2 miljard vir die eerste fase van die afvalwatersuiwering.
Die agenda beskryf verder 'n omvattende hersiening van tariewe, wat bepaal of die stad se huidige water- en sanitasiekoste voldoen aan nasionale wetgewing en finansieel volhoubaar is. Die Wet op Plaaslike Owerhede en Watervoorsieningsregulasies vereis dat tariewe koste-reflektief moet wees, om te verseker dat inkomste uit waterdienste die bedryfs-, instandhoudings- en kapitaalkoste ten volle dek.
Ontledings deur die stad toon dat hoewel die algehele inkomste uit water en sanitasie die uitgawes oorskry, die balans tussen dienste verskil. Tariewe vir drinkwater oorverhaal tans met 13%, semi-gesuiwerde water met 31%, en sanitasietariewe is op die kosteverhalingsvlak. Die industriële aanleg vir die behandeling van afvalwater by Ujams bly egter steeds erg onderverhaal met 99%, wat voortgesette subsidiëring vereis.
Toekomstige beplanning neem ook watervoorsiening van Namwater in ag. Twee oplossings word oorweeg: een wat 'n volle tarief vir grootmaat ontsouting sonder subsidiëring van die staat veronderstel, en 'n ander gebaseer op 'n 75% staatsubsidie vir ontsoute water vanaf die kus.
Die Stadsraad sal na verwagting in die komende maande oor die voorgestelde befondsing en gefaseerde implementeringskedule beraadslaag voordat die plan as deel van sy langtermyn-infrastruktuurbeleggingstrategie aangeneem word.
– [email protected]
Kommentaar
Republikein
Geen kommentaar is op hierdie artikel gelaat nie