Wees deel van die Fontein se storie

Grootfontein staan op skou – en dit beloof om die grootste nog te wees. In aanloop tot dié fees, van 17 tot 19 September, het ons reeds talle van die omgewing se stories op video vertel.



Verhale oor ‘n skougeskiedenis wat na 1911 terugloop, reën se seëninge, die Hoba-meteoriet, die dorp se groei, sy rugby se sukses, die dorpsmuseum, bekende boorlinge en grootwordlinge, mynbou, landbou, Dragon’s Breath se ondergrondse meer en die mooi van die Otavi-vallei. Nóg is op pad. En tydens die skou kan jy saamkuier op sosiale media van Agri-Monitor, Kletskompas, die braaiprogram Gooi Kole, NTV Afrikaans, nuwe versamelplek vir NTV se Afrikaanse inhoud en Enjoy Travel se On the Rocks-program. Só gee Emeraldsand Platforms (ESP) lewe aan ons gemeenskappe se groot gebeure.



Ons dorpe maak saak – wees deel van die storie. #grootshow2025 #skoustories