‘Wat is vryheid sonder kos?’
Universele Verklaring van Menseregte herdenk
'n Oudminister van Kenia het die gebrek aan basiese dienste vir Afrika-inwoners bevraagteken in die lig van ondenkbare vlakke van rykdom in die vorm van natuurlike en menslike hulpbronne wat in talle van dié lande aangetref word.
Jemima Beukes
Afrikane begin “hulle vrede vir die dag koop” deur stil te bly uit vrees vir vergelding, terwyl die regbank in die meeste Afrikalande as “wapen” ingespan word, het Kenia se voormalige minister van justisie, Martha Wangari Karua, gesê.
Sy het ook die gebrek aan basiese dienste vir Afrika-inwoners bevraagteken in die lig van ondenkbare vlakke van rykdom in die vorm van natuurlike en menslike hulpbronne wat in talle van dié lande aangetref word.
“Wat is vryheid as jy niks het om te eet nie, geen skuiling het nie, nie jou basiese behoeftes het nie? Afrika is ’n vasteland met ryk hulpbronne, maar daardie hulpbronne het ons nie gehelp om vooruit te gaan nie, inteendeel, ons bevorder ander daardeur. Ons het hulpbronne in Afrika, maar ons het nie ons sterkpunte aangewend om ons probleme te oorkom nie. Waar is die seuns en dogters van Afrika, sodat ons saam iets doen vir ons individuele lande en saam vir ons kollektiewe lande? Jy kan nie die prys van jou minerale alleen bepaal nie,” het sy gesê.
Karua het gister die hoofrede gelewer tydens die opening van die tweedaagse Suider-Afrikaanse beraad vir die verdedigers van menseregte, wat vandag in Windhoek ten einde loop, in die lig van die 75ste herdenking van die Universele Verklaring van Menseregte.
“Wat vandag in Afrika aan die gebeur is, is dat daar ’n neiging ontstaan het waar verkiesingsprosesse gemanipuleer word, waar mense en hul reg tot ’n behoorlike regsproses – al is dit in die Grondwet – nie gerespekteer word nie. Menseregte gaan agteruit en demokrasie is besig om terug te keer. Vandag, as ons kyk na wat rondom ons gebeur – wanneer demokrasie in resessie is – gaan die oppergesag van die reg en universele regte ook af. So mense begin stil word en koop hul vrede vir die dag,” het sy gesê.
Prof. Adriano Nuvunga van die Southern Africa Human Rights Defenders het gesê hulle het ’n beduidende toename in aangemelde skendings van menseregte en voortgesette teistering van menseregteverdedigers opgemerk.
Volgens Nuvunga het hulle veral toenemende vlakke van “staatsgeborgde” geweld oraloor die streek waargeneem – waar die staatsapparaat ’n aanhangsel van politieke belange geword het.
“Die disproporsionele reaksie van staatsgewapendes in die veiligheidsektor dui op ’n kommerwekkende neiging van militarisering van burgerlike ruimtes. Politieke onstabiliteit, wanbestuur en korrupsie belemmer verder die eerbiediging van menseregte.
“Ek moedig dus ons leiers en regerings aan om die verdediging van menseregte te beskerm en te bevorder, terwyl hulle terselfdertyd die burgerlike samelewing se deelname in die vorming van regeringsbeleide, -programme en -strategieë op verskeie vlakke – doelbewus en aktief – tegemoetkom,” het hy gesê.
– [email protected]
Afrikane begin “hulle vrede vir die dag koop” deur stil te bly uit vrees vir vergelding, terwyl die regbank in die meeste Afrikalande as “wapen” ingespan word, het Kenia se voormalige minister van justisie, Martha Wangari Karua, gesê.
Sy het ook die gebrek aan basiese dienste vir Afrika-inwoners bevraagteken in die lig van ondenkbare vlakke van rykdom in die vorm van natuurlike en menslike hulpbronne wat in talle van dié lande aangetref word.
“Wat is vryheid as jy niks het om te eet nie, geen skuiling het nie, nie jou basiese behoeftes het nie? Afrika is ’n vasteland met ryk hulpbronne, maar daardie hulpbronne het ons nie gehelp om vooruit te gaan nie, inteendeel, ons bevorder ander daardeur. Ons het hulpbronne in Afrika, maar ons het nie ons sterkpunte aangewend om ons probleme te oorkom nie. Waar is die seuns en dogters van Afrika, sodat ons saam iets doen vir ons individuele lande en saam vir ons kollektiewe lande? Jy kan nie die prys van jou minerale alleen bepaal nie,” het sy gesê.
Karua het gister die hoofrede gelewer tydens die opening van die tweedaagse Suider-Afrikaanse beraad vir die verdedigers van menseregte, wat vandag in Windhoek ten einde loop, in die lig van die 75ste herdenking van die Universele Verklaring van Menseregte.
“Wat vandag in Afrika aan die gebeur is, is dat daar ’n neiging ontstaan het waar verkiesingsprosesse gemanipuleer word, waar mense en hul reg tot ’n behoorlike regsproses – al is dit in die Grondwet – nie gerespekteer word nie. Menseregte gaan agteruit en demokrasie is besig om terug te keer. Vandag, as ons kyk na wat rondom ons gebeur – wanneer demokrasie in resessie is – gaan die oppergesag van die reg en universele regte ook af. So mense begin stil word en koop hul vrede vir die dag,” het sy gesê.
Prof. Adriano Nuvunga van die Southern Africa Human Rights Defenders het gesê hulle het ’n beduidende toename in aangemelde skendings van menseregte en voortgesette teistering van menseregteverdedigers opgemerk.
Volgens Nuvunga het hulle veral toenemende vlakke van “staatsgeborgde” geweld oraloor die streek waargeneem – waar die staatsapparaat ’n aanhangsel van politieke belange geword het.
“Die disproporsionele reaksie van staatsgewapendes in die veiligheidsektor dui op ’n kommerwekkende neiging van militarisering van burgerlike ruimtes. Politieke onstabiliteit, wanbestuur en korrupsie belemmer verder die eerbiediging van menseregte.
“Ek moedig dus ons leiers en regerings aan om die verdediging van menseregte te beskerm en te bevorder, terwyl hulle terselfdertyd die burgerlike samelewing se deelname in die vorming van regeringsbeleide, -programme en -strategieë op verskeie vlakke – doelbewus en aktief – tegemoetkom,” het hy gesê.
– [email protected]
Kommentaar
Republikein
Geen kommentaar is op hierdie artikel gelaat nie