Vrou roep glo naam van aanvaller uit voor sy sterf
Die liggaam van die 35-jarige Delysia ||Garoës is vroeg gisteroggend in ’n rivierbedding in die Damara 15-woonbuurt in Katutura in die hoofstad ontdek onder omstandighede wat haar familie glo op ’n geweldsmisdaad dui.
Haar broer, Ricardo ||Garoëb, het haar liggaam geïdentifiseer nadat hy deur besorgde gemeenskapslede ingelig is.
“Mense het vir ons gesê sy lê in die rivier, beweeg skaars en roep ’n naam uit,” het hy gesê.
“Ons het dadelik daarheen gehardloop en daar aangekom net toe die polisie by die toneel opgedaag het. Haar rok was opgelig en haar onderklere afgetrek.”
||Garoës, ’n ma van vier, is met ligte beserings aan haar voete gevind en dit lyk asof sy aangerand is. Haar broer het gesê getuies het hom meegedeel dat sy iemand se naam tydens die ontbering uitgeskree het, wat daarop dui dat sy haar aanvaller moontlik geken het.
’n Vrou wat in die omgewing woon het na bewering om 04:00 gehoor hoe ’n vrou ’n man se naam uitroep en gil “jy maak my seer!”.
Luidens ’n verklaring van die Namibiese polisie is ’n liggaam omstreeks 06:00 in die rivierbedding tussen Frans Hoesemab- en Fillemon Eichebstraat ontdek.
“Die slagoffer se rok was half opgetrek gevind en sy het ligte beserings of snywonde aan haar voete gehad. Die naasbestaandes is in kennis gestel en die polisie se ondersoek duur voort,” lui die verslag.
Geen verdagtes is nog geïdentifiseer nie.
Die ||Garoës-familie doen ’n beroep op vinnige optrede, aangesien die gemeenskap geskok is oor die ontstellende ontdekking.
– [email protected]
Haar broer, Ricardo ||Garoëb, het haar liggaam geïdentifiseer nadat hy deur besorgde gemeenskapslede ingelig is.
“Mense het vir ons gesê sy lê in die rivier, beweeg skaars en roep ’n naam uit,” het hy gesê.
“Ons het dadelik daarheen gehardloop en daar aangekom net toe die polisie by die toneel opgedaag het. Haar rok was opgelig en haar onderklere afgetrek.”
||Garoës, ’n ma van vier, is met ligte beserings aan haar voete gevind en dit lyk asof sy aangerand is. Haar broer het gesê getuies het hom meegedeel dat sy iemand se naam tydens die ontbering uitgeskree het, wat daarop dui dat sy haar aanvaller moontlik geken het.
’n Vrou wat in die omgewing woon het na bewering om 04:00 gehoor hoe ’n vrou ’n man se naam uitroep en gil “jy maak my seer!”.
Luidens ’n verklaring van die Namibiese polisie is ’n liggaam omstreeks 06:00 in die rivierbedding tussen Frans Hoesemab- en Fillemon Eichebstraat ontdek.
“Die slagoffer se rok was half opgetrek gevind en sy het ligte beserings of snywonde aan haar voete gehad. Die naasbestaandes is in kennis gestel en die polisie se ondersoek duur voort,” lui die verslag.
Geen verdagtes is nog geïdentifiseer nie.
Die ||Garoës-familie doen ’n beroep op vinnige optrede, aangesien die gemeenskap geskok is oor die ontstellende ontdekking.
– [email protected]
Kommentaar
Republikein
Geen kommentaar is op hierdie artikel gelaat nie