Vakbond vra om verskoning

Die leier van die Namibië Revolusionêre Vervoer- en Vervaardigingsvakbond (Naretu), Peterson Kambinda, het sy bewerings teenoor Namib Poultry Industries (NPI) teruggetrek.Die bewerings het onder meer ingesluit dat die werksomgewing by NPI onveilig is, diskriminasie en voorkeurbehandeling binne die werksmag voorkom en dat werknemers se grondwetlike regte ontsê word. Dit volg op ’n skikking wat uit ’n hofgefasiliteerde bemiddelingsproses voortgevloei het.“Dit was ernstige bewerings, en dit was onwaar. Dit is aan tienduisende mense versprei – met betrekking tot ’n besigheid wat ons werknemers saam opgebou het. Ons het na die hof gegaan omdat die rekord reggestel moes word, en dit is nou gedoen.”Só het die bestuurder van menslike hulpbronne by die Namib Mills-groep waarvan NPI ’n filiaal is, Amorey Pote, gesê.Kambinda het op 21 Oktober vanjaar skriftelik erken: “Hierdie stellings was nie waar nie en ek vra onvoorwaardelik om verskoning omdat ek hierdie stellings gemaak het en vir die skade wat dit moontlik aan Namib Poultry Industries (Pty) Ltd, sy bestuur en verwante maatskappye berokken het.”Pote voeg by: “NPI respekteer ten volle elke werknemer se reg om aan ’n vakbond te behoort en om bekommernisse te opper en ons sal altyd aandag gee aan werklike kwessies deur die gepaste kanale. Wat ons egter nie sal duld nie is die verspreiding van onwaarhede oor ons mense en ons besigheid.”Kambinda sê egter NPI en Namib Mills het aanvanklik N$400 000 van hom persoonlik geëis, tesame met betaling vir hul regskoste en ’n openbare verskoning. Met die skikking het hy slegs ingestem om sy verskoning voor die maatskappy se bestuur aan te bied, sê hy.Republikein het vroeër vanjaar berig oor ’n Naretu-staking by Namib Mills se hoofkantoor in Windhoek se noordelike nywerheidsgebied, wat 59 dae lank geduur het.Die verskoning het egter betrekking op ’n ander staking by NPI op 16 Desember 2025 op die plaas Klein Okapuka, ongeveer 30 km buite Windhoek.Volgens die vakbondleier duur NPI se arbeidskwessies egter voort.Kambinda sê die geskil oor die amptelike erkenning van sy vakbond as die eksklusiewe bedingingsagent is by die ministerie van justisie en arbeidsverhoudinge ingedien en dat die vakbond tans op ’n beslissing van die kantoor van die arbeidskommissaris wag.Hy sê Naretu verteenwoordig ongeveer 700 NPI-werknemers wat by die vakbond aangesluit het.– augetto@nmh-hub.com.na

Vakbond vra om verskoning

Kommentaar

Republikein 2026-11-02

Meld asseblief aan om kommentaar te lewer

Vakbond vra om verskoning

Kommentaar

Republikein 2026-11-02

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.