Trek of word uitgegooi!
Polisie-, weermaglede die grootste sondaars
Mense wat in motorhuise woon, glo dagga in agterplase kweek en musiek wat heelnag blêr, het 'n duidelike 'nee' van die minister gekry.
Die minister van werke en vervoer het oorlog verklaar teen die onwettige besetting van regeringswoonstelle en teen wetstoepassingsbeamptes soos polisie- en weermaglede uitgevaar wat hy as die grootste sondaars uitgesonder het.
Minister Veikko Nekundi het die onwettige besetters gemaan om hul tasse te pak of hulle sal verwyder word. Hy het Woensdag tydens ’n vergadering met die onwettige inwoners van vier van die regering se residensiële komplekse in Windhoek geensins doekies omgedraai nie en gewaarsku diegene wat onwettig staatseiendom beset, se dae is getel.
Volgens hom gaan die uitsettings reeds môre begin wanneer die polisie se hoof, inspekteur-generaal Joseph Shikongo, van werksverpligtinge terugkeer.
“Wat my grief, is dat lede van wetstoepassing, die polisie en die weermag, die grootste oortreders is. Ons is veronderstel om die wet te handhaaf, nie te oortree nie. Maar ek is op pad.
“Ek gaan jou verwyder. Ek wag net vir Shikongo se terugkeer. Die oomblik wanneer hy terug is, gaan ons optree. As jy ’n onwettige bewoner is, begin pak. Ons kan nie anargie toelaat nie,” het Nekundi gemaan.
Die minister het ook sy misnoeë te kenne gegee met die wanordelike manier waarop regeringswoonstelle in die verlede toegeken is.
“Mense het net ingetrek en foute is gemaak.”
Hy het die besetting van die woonstelle deur ongemagtigde individue, sowel as die oorhandiging van sleutels aan vriende, as “verkeerd” beskryf en ’n totale ommekeer belowe.
“Uit die inligting wat ek ontvang het en dit wat ek gesien het, is die toestand van die persele onaanvaarbaar.
“As ons orde en gesonde verstand wil hê, moet ons bewustelik wees oor wat ons toelaat. As jy ’n ordentlike vloer wil hê, dan skik jy nie vir vullis nie,” het Nekundi gesê.
HERNUWING VAN KONTRAKTE
Die minister het ook ’n hersiening van alle huurooreenkomste vir staatsbehuising aangekondig en dit duidelik gemaak dat die versuim om die kontrakte te teken tot uitsetting sal lei.
Die hersiene kontrakte sal direk met behuisingstoelaes verbind word en huurders sal die volle waarde van die toelaag moet bydra en nie net ’n gedeelte daarvan vir huur nie.
“Ons kry nuwe verhuringskontrakte. As jy nie ’n nuwe kontrak wil teken nie, word jy uitgesit, ons het nie ’n keuse nie. Sommige van julle betaal net N$400, maar daardie toelaag is spesifiek vir behuising.
“Die regering gee nie vir jou ’n behuisingstoelaag sodat jy die res vir ekstra bier kan gebruik nie,” het hy gesê.
Volgens Nekundi word die gebruik van motorhuise as wooneenhede ook verbied en gaan nuwe maatreëls soos wagte, skoonmakers en die digitale opsporing van huurders ook ingestel word.
“Vir diegene wat motorhuise het, is ’n motorhuis nie bedoel om ekstra huurders te huisves nie. Dis vir jou motor. Enigiets wat ongemagtig is, moet verwyder word,” het hy gesê.
“Om hier te woon is nie ’n reg nie, dis ’n voorreg. Ons moet erken dat almal van ons behuisingstoelaes ontvang. Dit beteken jy word die vermoë gegee om te kies waar jy bly en wat nie noodwendig hier is nie,” het Nekundi verduidelik.
Die ministerie sê inspeksies sal binne die komende twee weke by al die eenhede uitgevoer word en die skade wat deur huurders veroorsaak is, sal nie op staatskoste herstel word nie.
“Ons gaan net herstel wat ons verantwoordelikheid is, nie wat jy beskadig het nie. Van nou af, wanneer ons iets herstel, sal ons verantwoordelikheid daarvoor neem. As jy ’n private huurder is en jy breek iets, gaan jy dit regmaak,” het Nekundi gesê.
’n Digitale stelsel om prosesse wat tans met die hand uitgevoer word, te vervang, is ook in die vooruitsig gestel, met ingeboude deursigtigheid en ouditeurstoegang om misbruik te voorkom.
“Niks word meer met die hand gedoen nie. Die stelsel sal deursigtig wees en interne ouditeurs sal toegang daartoe hê. Dit sal tred hou met wie eerste aansoek gedoen het en wie volgende in lyn is.”
Nekundi het ook klagtes van geraasbesoedeling en onwettige bedrywighede by die woonstelle aangespreek. Volgens hom “plant sommige inwoners dagga in die agterplaas” en versteur die rus en vrede.
“Jy kan nie in gedeelde regeringsbehuising bly en jou musiek heelnag laat blêr nie. Kinders probeer leer. Julle is volwassenes.
“Ek gaan nie vir julle sê om nie julself te geniet nie, maar wanneer julle dit doen, doen dit verantwoordelik. Moenie ander pla nie,” het hy gemaan.
– [email protected]
Minister Veikko Nekundi het die onwettige besetters gemaan om hul tasse te pak of hulle sal verwyder word. Hy het Woensdag tydens ’n vergadering met die onwettige inwoners van vier van die regering se residensiële komplekse in Windhoek geensins doekies omgedraai nie en gewaarsku diegene wat onwettig staatseiendom beset, se dae is getel.
Volgens hom gaan die uitsettings reeds môre begin wanneer die polisie se hoof, inspekteur-generaal Joseph Shikongo, van werksverpligtinge terugkeer.
“Wat my grief, is dat lede van wetstoepassing, die polisie en die weermag, die grootste oortreders is. Ons is veronderstel om die wet te handhaaf, nie te oortree nie. Maar ek is op pad.
“Ek gaan jou verwyder. Ek wag net vir Shikongo se terugkeer. Die oomblik wanneer hy terug is, gaan ons optree. As jy ’n onwettige bewoner is, begin pak. Ons kan nie anargie toelaat nie,” het Nekundi gemaan.
Die minister het ook sy misnoeë te kenne gegee met die wanordelike manier waarop regeringswoonstelle in die verlede toegeken is.
“Mense het net ingetrek en foute is gemaak.”
Hy het die besetting van die woonstelle deur ongemagtigde individue, sowel as die oorhandiging van sleutels aan vriende, as “verkeerd” beskryf en ’n totale ommekeer belowe.
“Uit die inligting wat ek ontvang het en dit wat ek gesien het, is die toestand van die persele onaanvaarbaar.
“As ons orde en gesonde verstand wil hê, moet ons bewustelik wees oor wat ons toelaat. As jy ’n ordentlike vloer wil hê, dan skik jy nie vir vullis nie,” het Nekundi gesê.
HERNUWING VAN KONTRAKTE
Die minister het ook ’n hersiening van alle huurooreenkomste vir staatsbehuising aangekondig en dit duidelik gemaak dat die versuim om die kontrakte te teken tot uitsetting sal lei.
Die hersiene kontrakte sal direk met behuisingstoelaes verbind word en huurders sal die volle waarde van die toelaag moet bydra en nie net ’n gedeelte daarvan vir huur nie.
“Ons kry nuwe verhuringskontrakte. As jy nie ’n nuwe kontrak wil teken nie, word jy uitgesit, ons het nie ’n keuse nie. Sommige van julle betaal net N$400, maar daardie toelaag is spesifiek vir behuising.
“Die regering gee nie vir jou ’n behuisingstoelaag sodat jy die res vir ekstra bier kan gebruik nie,” het hy gesê.
Volgens Nekundi word die gebruik van motorhuise as wooneenhede ook verbied en gaan nuwe maatreëls soos wagte, skoonmakers en die digitale opsporing van huurders ook ingestel word.
“Vir diegene wat motorhuise het, is ’n motorhuis nie bedoel om ekstra huurders te huisves nie. Dis vir jou motor. Enigiets wat ongemagtig is, moet verwyder word,” het hy gesê.
“Om hier te woon is nie ’n reg nie, dis ’n voorreg. Ons moet erken dat almal van ons behuisingstoelaes ontvang. Dit beteken jy word die vermoë gegee om te kies waar jy bly en wat nie noodwendig hier is nie,” het Nekundi verduidelik.
Die ministerie sê inspeksies sal binne die komende twee weke by al die eenhede uitgevoer word en die skade wat deur huurders veroorsaak is, sal nie op staatskoste herstel word nie.
“Ons gaan net herstel wat ons verantwoordelikheid is, nie wat jy beskadig het nie. Van nou af, wanneer ons iets herstel, sal ons verantwoordelikheid daarvoor neem. As jy ’n private huurder is en jy breek iets, gaan jy dit regmaak,” het Nekundi gesê.
’n Digitale stelsel om prosesse wat tans met die hand uitgevoer word, te vervang, is ook in die vooruitsig gestel, met ingeboude deursigtigheid en ouditeurstoegang om misbruik te voorkom.
“Niks word meer met die hand gedoen nie. Die stelsel sal deursigtig wees en interne ouditeurs sal toegang daartoe hê. Dit sal tred hou met wie eerste aansoek gedoen het en wie volgende in lyn is.”
Nekundi het ook klagtes van geraasbesoedeling en onwettige bedrywighede by die woonstelle aangespreek. Volgens hom “plant sommige inwoners dagga in die agterplaas” en versteur die rus en vrede.
“Jy kan nie in gedeelde regeringsbehuising bly en jou musiek heelnag laat blêr nie. Kinders probeer leer. Julle is volwassenes.
“Ek gaan nie vir julle sê om nie julself te geniet nie, maar wanneer julle dit doen, doen dit verantwoordelik. Moenie ander pla nie,” het hy gemaan.
– [email protected]
Kommentaar
Republikein
Geen kommentaar is op hierdie artikel gelaat nie