Ta-Da se mussies vir kankerlyers

Elke week kom ’n groep vroue op Otjiwarongo bymekaar om te kuier, te hekel en vir ’n wyle hulself kreatief besig te hou. Die kreatiewe saamkuier bestaan uit ’n oggend- sowel as ’n aandgroep om die vroue die geleentheid te gee om ’n tyd te kies wat hulle pas. Die naam – Ta-Da.Zelda, die vrou en ouma wat Ta-Da begin het, sê die doel was eenvoudig – ’n geleentheid vir vriendinne om bymekaar te kan kom en om een keer per week aan niks anders hoef te dink as bloot om iets kreatief te kan skep nie. Die naam het ook ’n storie. Nadat Zelda uit die hospitaal ontslaan is, het haar kleinkind gereeld kom kuier en sou dan vra: “Wat het Ouma vandag gemaak?” Haar antwoord was altyd: “Gaan kyk in die kot.” Wanneer haar kleinseun terugkeer met ’n gehekelde diertjie, sou hy opgewonde “Ta-Da!” uitroep.Volgens Zelda is kreatiwiteit belangrik omdat dit mense help om af te skakel, spanning te verwerk en weer met hulself en ander mense kontak te maak. “Wanneer jy met jou hande werk, raak jou gedagtes rustiger. Jy fokus op iets mooi wat jy besig is om te maak en dit gee ’n mens ’n gevoel van vreugde en doelgerigtheid,” sê sy. Een van die groep se onlangse projekte was om mussies vir die Kankervereniging van Namibië (CAN) te hekel.Altesaam 41 mussies is met sorg gemaak vir mense wat kankerbehandeling ondergaan.Die mussies is op 10 Junie deur Stefanie du Plessis van Otjiwarongo, ’n lid van die Ta-Da-groep, aan CAN se uitvoerende hoof, Rolf Hansen, oorhandig. Otjiwarongo se Ta-Da-vroue gebruik hul weeklikse samekomste egter nie net om te hekel nie, maar ook om stories te deel, mekaar aan te moedig en vriendskappe te versterk. Vir baie van die vroue is dit ’n welkome blaaskans van die daaglikse verantwoordelikhede en ’n bewys dat kreatiwiteit meer as net ’n stokperdjie is. Met hul kankermussies wys Ta-Da se vroue dit kan ook ’n manier wees om omgee tasbaar te wys. Die groep se omgee- en kreatiewe vroue hoop om in die toekoms met nog projekte voort te gaan en só deur kreatiwiteit, gemeenskap en deernis ’n positiewe bydrae op Otjiwarongo te lewer. Mense wat by soortgelyke projekte betrokke wil raak of meer inligting wil bekom, kan CAN se afdeling vir projekte by projects@can.org.na of 081 953 7740 kontak. – republikein@republikein.com.na

Ta-Da se mussies vir kankerlyers

Kommentaar

Republikein 2026-08-03

Meld asseblief aan om kommentaar te lewer

Ta-Da se mussies vir kankerlyers

Kommentaar

Republikein 2026-08-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.